လေးမျက်နှာ၊သြဂုတ်-၅
ဧရာဝတီတိုင်းဒေသကြီး၊ လေးမျက်နှာမြို့နယ် နင်းကြမ်းကျေးရွာရှိ MPT မိုဘိုင်းစခန်း (Site ID – AWD00442) ကို ယနေ့ ဩဂုတ် ၅ ရက် နေ့လယ် ၁၂ နာရီ ၂၆ မိနစ်တွင် ဆက်သွယ်ရေးဝန်ဆောင်မှု ပြန်လည်ရရှိစေရန် ဆောင်ရွက်နိုင်ခဲ့ပြီးနောက် ယင်းစခန်းမှ ၃ ကီလိုမီတာအကွာအဝေးအတွင်းရှိ လေးမျက်နှာမြို့ပေါ်ဒေသများတွင် MPT မိုဘိုင်းဖုန်းဆက်သွယ်ရေးများ ပြန်လည်အသုံးပြုနိုင်ပြီဖြစ်ကြောင်း ဧရာဝတီတိုင်းဒေသကြီးအစိုးရအဖွဲ့၏ အသိပေးထုတ်ပြန်ချက်အရ သိရသည်။
လေးမျက်နှာမြို့နယ်တွင် စုစုပေါင်း MPT မိုဘိုင်းစခန်း ၁၃ ခုရှိသည့်အနက် လက်ရှိအချိန်တွင် ၁၁ ခုမှာ ဆက်သွယ်ရေးပြတ်တောက်နေဆဲဖြစ်ကြောင်းဆိုသည်။
ရေဘေးအခြေအနေကြောင့် ယာယီဖြုတ်သိမ်းထားရသည့် စခန်း ၆ ခုမှာ လေး မျက်နှာအိတ်ချိန်း (End Site)၊ ကျတ်ကွင်း (Hub 2)၊ ညောင်ပင်ဝဲ၊ ခွေးသေ၊ အိုင်သပြုနှင့် ရေကြည်ကုန်းတို့ဖြစ် ကြောင်း ဖော်ပြထားသည်။
ထို့ပြင် Hub Site များ ဖြုတ်သိမ်းခဲ့ရခြင်းကြောင့် ပန်းတောကြီး၊ အောင်ဇံကွင်း၊ စမ်းကြီး၊ ယင်းဆယ်နှင့် ချင်းသံလွင် စခန်း ၅ ခုမှာလည်း ဆက်သွယ်ရေးပြတ်တောက်လျက်ရှိကြောင်း သိရသည်။
လက်ရှိတွင် နင်းကြမ်းကျေးရွာ (AWD 00442) နှင့် ခမောက်စုကျေးရွာ (AWD 00617) ရှိ MPT မိုဘိုင်းစခန်း ၂ ခုသာ ဆက်သွယ်ရေးဝန်ဆောင်မှု ပုံမှန်ပေးနိုင်လျက်ရှိပြီး၊ လေးမျက်နှာမြို့နယ်အတွင်း ဆက်သွယ်ရေးဝန်ဆောင်မှုပေးနိုင်မှုမှာ ၁၆.၁၈ ရာခိုင်နှုန်းသာရှိနေကြောင်း ထုတ်ပြန်ချက်တွင် ဖော်ပြထားသည်။ဓာတ်ပုံ-ARG