မြန်မာနိုင်ငံတွင် မကြာခဏ ဖြစ်ပေါ်လာတတ်သည့် ဘေးအန္တရာယ်များနှင့် ဆက်လက်ဖြစ်ပွားနေဆဲ ပဋိပက္ခများကြောင့် လူဦးရေ ၃ ဒသမ ၅ သန်းခန့် နေရပ်စွန့်ခွာနေထိုင်နေကြရကြောင်း UNOCHA Myanmar က ထုတ်ပြန်ထားသည်။
၎င်းတို့သည် ခက်ခဲသည့် လူသားချင်းစာနာမှု အကျပ်အတည်းများနှင့် ကာကွယ်စောင့်ရှောက်ရေးဆိုင်ရာ အန္တရာယ်များကို ဆက်လက်ရင်ဆိုင်နေရကြောင်း ထုတ်ပြန်ချက်အရ သိရသည်။
ထို့ပြင် ပြီးခဲ့သည့် မတ်လ (၂၈) ရက်က အင်အားပြင်းထန်သည့် ငလျင်နှစ်ကြိမ်လှုပ်ခတ်မှုကြောင့် မြို့ပြနှင့် ကျေးလ က်ဒေသများ၌ အကြီးအကျယ် ပျ-က်စီးမှုများဖြစ်ပွားခဲ့သလို အသက်ဆုံးရှုံးမှုများ အိမ်ခြေနှင့် အခြေခံအဆောက်အဦးများအသက်မွေးဝမ်းကျောင်းမှုများ ပျ-က်စီးထိခိုက်ခဲ့ကြောင်း သိရသည်။
မြန်မာနိုင်ငံတွင် လူသားချင်းစာနာမှုဆိုင်ရာ အကူအညီလိုအပ်နေသူ လူဦးရေ ၁၉ ဒသမ ၉ သန်းဖြင့် လိုအပ်ချက် စံ ချိန်တင် မြင့်တက်နေသလို ငလျင်အပြီး ထပ်တိုးလူဦးရေ ၂ သန်းသည်လည်း အရေးပေါ်အကူအညီလိုအပ်လျက်ရှိကြောင်း UNOCHA Myanmar က ဆိုသည်။
ထို့ပြင် တပ်မတော်နှင့် အခြားလက်နက်ကိုင်အဖွဲ့ များ၏ ပဋိပက္ခများကြောင့် အရပ်သားများသည် စဉ်ဆက်မပြတ် အိုးအိမ်စွန့်ခွာ ထွက်ပြေးတိမ်းရှောင်နေကြရခြင်းဖြစ်ပြီး လူမှုဘဝကယ်ဆယ်ရေး အကူအညီနှင့် အရေးကြီးသည့် ဝန် ဆောင်မှုများကိုလည်း လက်လှမ်းမီရရှိနိုင်ရန် ခက်ခဲကြောင်း သိရသည်။
သို့သော် ရန်ပုံငွေလျှော့ချမှုနှင့် သွားလာခွင့်ကန့်သတ်ချက်များရှိသည့် အခက်အခဲများကြားက လူသားချင်းစာနာမှုဆိုင်ရာ မိတ်ဖက်အဖွဲ့များသည် ၂၀၂၅ ခုနှစ် ပထမသုံးလပတ်အတွင်း လူဦးရေ ၁ ဒသမ ၅ သန်းကိုအရေးကြီးသည့် အကူအညီများ ပေးအပ်နိုင်ခဲ့ကြောင်း သိရသည်။
၂၀၂၅ ခုနှစ်လူသားချင်းစာနာမှုဆိုင်ရာ လိုအပ်ချက်များနှင့် တုံ့ပြန်ရေးအစီအစဉ် (HNRP) အတွက် ရန်ပုံငွေမှာ ယခုအချိန်အထိ ၇ ဒသမ ၈ ရာခိုင်နှုန်းသာ ရရှိထားပြီး နောက်ဆက်တွဲ ငလျင်တုံ့ပြန်ရေး အစီအစဉ်အတွက် ၁၇ ဒသမ ၂ ရာခိုင်နှုန်းသာ ရရှိထားကြောင်း ထုတ်ပြန်ချက်အရ သိရသည်။
UNOCHA Myanmar အနေဖြင့် လူမှုဘဝရှင်သန်ရေး အကူအညီများတိုးမြှင့်ပေးနိုင်ရန်နှင့်အထိခို-က်ဆုံးဒေသများကို ရောက်ရှိကူညီနိုင်ရန်အတွက် ထပ်တိုးရန်ပုံငွေနှင့် ကတိပြုထားသည့် အလှူငွေများ အချိန်မီထည့်ဝင်ရန် တိုက်တွန်းထားသည်။