လာအိုဝန်ကြီးချုပ် Sonexay Siphandone သည် နှစ်နိုင်ငံဆက်ဆံရေး ခိုင်မာစေရန်အလို့ငှာ ကြာသပတေးနေ့တွင် ထိုင်းနိုင်ငံသိူ့ သွားရောက်ဖြစ်ကြောင်း နိုင်ငံခြားရေးဝန်ကြီးဌာနက ပြောကြားသည်။
ထိုင်းဝန်ကြီးချုပ် ပေတုံတန် ရှင်နာဝပ်ထရာ၏ တရားဝင် ဖိတ်ကြားချက်အရခဲ့ ခရီးစဉ်အတွက် စိစဉ်ခဲ့ခြင်းဖြစ်ကြောင်း ဝန်ကြီးဌာနက ၎င်း၏ ဝက်ဘ်ဆိုက်တွင် ပြောဆိုခဲ့သည်။ ယခုခရီးစဉ်သည် ဝန်ကြီးချုပ်တာဝန်ထမ်းဆောင်ခဲ့ပြီးနောက် မစ္စတာ Sonexay ၏ ပထမဆုံး ထိုင်းနိုင်ငံခရီးစဉ်ဖြစ်လာမည်ဖြစ်သည်။ ကုန်သွယ်ရေး၊ ဆက်သွယ်ရေးနှင့် ပြည်သူအချင်းချင်း အပြန်အလှန်ဆက်ဆံရေးအပါအဝင် နယ်ပယ်အသီးသီးတွင် နှစ်နိုင်ငံဆက်ဆံရေး ပိုမိုခိုင်မာစေမည့် နည်းလမ်းများကို နှစ်ဖက်တာဝန်ရှိသူများ ဆွေးနွေးကြမည်ဖြစ်သည်။
ခေါင်းဆောင်များအနေဖြင့် မူ-းယစ်ဆေးဝါး၊ အွန်လိုင်းငွေလိ-မ်လုပ်ငန်းများ၊ လူ-ကုန်ကူးမှု၊ လေထုညစ်ညမ်းမှုနှင့် မျှဝေသုံးစွဲနိုင်သော ရေအရင်းအမြစ်စီမံခန့်ခွဲရေးဆိုင်ရာများအပါအဝင် အတူတကွရင်ဆိုင်နေရသော ကိစ္စရပ်များကို အဓိကအာရုံစိုက်သွားမည်ဖြစ်သည်ဟု ဝန်ကြီးဌာနက ဆိုသည်။
သူ၏ ခရီးစဉ်သည် ထိုင်းနှင့်လာအိုနိုင်ငံတို့ သံတမန်ဆက်ဆံရေးထူထောင်မှု ၇၅ နှစ်ပြည့် အထိမ်းအမှတ်လည်းဖြစ်ကြောင်း သိရသည်။
Ref: ဘန်ကောက်ပို့စ်