တောင်ကိုရီးယားနိုင်ငံတွင် ကျင်းပမည့် APEC ထိပ်သီးအစည်းအဝေး၌ တရုတ်သမ္မတ ရှီကျင့်ဖိန်နှင့် တွေ့ဆုံရန် အစီအစဉ်ကို ဖျ-က်သိ-မ်းခြင်းမရှိကြောင်း အမေရိကန်သမ္မတ ဒေါ်နယ်ထရမ့်က ပြောကြားခဲ့သော်လည်း မည်သည့်အခါတွင် တွေ့ဆုံပွဲ ဖြစ်မြောက်မည်ဆိုသည်ကိုမူ သေချာစွာမသိသေးကြောင်း ပြောကြားခဲ့သည်။
အစည်းအဝေးကို ဖျ-က်သိ-မ်းလိုက်ပြီလားဟု သတင်းထောက်များက မေးမြန်းရာတွင် “ကျွန်တော် မဖျ-က်သိ-မ်းပါဘူး၊ ဒါပေမယ့် ကျွန်တော်တို့တွေ့ဖြစ်မလားဆိုတာတော့ မသိပါဘူး။ ဒါပေမယ့် ဘာပဲဖြစ်ဖြစ် ကျွန်တော် အဲဒီကို သွားမှာဆိုတော့ တွေ့ဖြစ်မယ်လို့ ယူဆပါတယ်” ဟု အမေရိကန်သမ္မတက ပြန်လည်ဖြေကြားခဲ့ခြင်းဖြစ်သည်။
“ဒါက ဘာအကြောင်းမှမရှိဘဲ ရုတ်တရက်ကြီး ပေါ်လာတာပါ။ ရုတ်တရက်ကြီးပါ။ သူတို့က ဒီလိုသွင်းကုန်-ပို့ကုန်ဆိုင်ရာ အယူအဆအသစ်တစ်ခုလုံးကို ထုတ်လာတယ်။ ဘယ်သူမှ၊ ဘယ်သူမှ မသိခဲ့ဘူး” ဟုလည်း သူက ထပ်လောင်းပြောကြားခဲ့သည်။
တရုတ်အစိုးရက မြေရှားသတ္တုထုတ်လုပ်ရေးအတွက် အသုံးပြုသည့် စက်ပစ္စည်းနှင့် ကုန်ကြမ်းပစ္စည်း အမျိုးအစားများစွာကို ပို့ကုန်ထိန်းချုပ်မှုများ တိုးချဲ့ခဲ့ခြင်းအပေါ် သူကပြောကြားခြင်းဖြစ်သည်။
သောကြာနေ့ အစောပိုင်းတွင် ထရမ့်က တရုတ်၏ လုပ်ဆောင်ချက်များကြောင့် ရှီနှင့် မျက်နှာချင်းဆိုင် တွေ့ဆုံရန် စီစဉ်ထားသည့် လိုအပ်ချက်ကို မေးခွန်းထုတ်ခဲ့သည်။
ထရမ့်သည် အောက်တိုဘာ ၇ ရက်က အောက်တိုဘာလနှောင်းပိုင်းမှ နိုဝင်ဘာလအစောပိုင်းအတွင်း ကျင်းပရန် စီစဉ်ထားသည့် APEC ထိပ်သီးအစည်းအဝေး၏ တစ်စိတ်တစ်ပိုင်းအနေဖြင့် ကိုရီးယားသမ္မတနိုင်ငံတွင် ရှီနှင့် ဆွေးနွေးမှုများပြုလုပ်ရန် မျှော်လင့်ထားကြောင်း အတည်ပြုခဲ့သည်။