ရွေးကောက်ပွဲသည် ပြည်သူတစ်ရပ်လုံး၏ ထွက်ပေါက်ဖြစ်သည်ဟု ဒေါက်တာအေးမောင်ပြော
နစကမှ ဦးဆောင်ကျင်းပမည့် ၂၀၂၃ ခုနှစ် ရွေး ကောက်ပွဲသည် မြန်မာပြည်သူလူထု တစ်ရပ်လုံးအတွက် ထွက် ပေါက်တစ်ခုအနေဖြင့်ထင်မြင်ယူဆကြောင်း ရခိုင့်ဦး ဆောင်ပါတီ ဥက္ကဋ္ဌ ဒေါက် တာအေးမောင်က ပြောသည်။
၂၀၂၃ ခုနှစ် အထွေထွေရွေးကောက်ပွဲအတွက် ပြင်ဆင်နေမှုအခြေအနေနှင့်ပတ်သက်၍ မေးမြန်းစဉ် ၎င်းက ပြန်လည်ဖြေကြားခဲ့ခြင်း ဖြစ်သည်။
” ရွေးကောက်ပွဲက မြန်မာလူထု တစ်ရပ်လုံးအတွက် ထွက်ပေါက်ဗျ။ ကျွန်တော်တို့ဘက်က မြင်တာပါ။ ၂၀၀၈ ဖွဲ့စည်းပုံအခြေခံ ဥပဒေဖက်က ကြည့်ရင်လည်း ထွက်ပေါက်ဗျ။ အဲဒီလိုပဲ နစက ဘက်က ကြည့်ရင်လည်း ထွက်ပေါက်ဗျ။ အားလုံးရဲ့ ထွက် ပေါက်ဟာ ရွေး ကောက်ပွဲဗျ” ဟု ဒေါက်တာအေးမောင်က ပြောသည်။
လာမည့် ၂၀၂၃ ခုနှစ် ဩဂုတ်လတွင် မြန်မာတစ် နိုင်ငံလုံး အတိုင်းအတာဖြင့် အထွေထွေရွေးကောက် ပွဲတစ်ရပ် ပြန်လည် ကျင်းပသွားမည်ဖြစ်ကြောင်း နစကမှ ဖွဲ့စည်း ပေးထားသည့် ရွေးကောက်ပွဲကော်မ ရှင်က တရားဝင် ထုတ်ဖော်ပြောဆိုထားပြီး ဖြစ် သည်။
လက်ရှိ နစက ကကျင်းပမည့် ရွေးကောက်ပွဲအပေါ် တရားမျှတမှုရှိနိုင် မရှိနိုင် မေးခွန်း ထုတ်မှုများလည်း ရှိနေသည်။
ထိုသို့ မေးခွန်းထုတ်မှုများ ရှိနေသော်လည်း လာမည့် ရွေးကောက်ပွဲကို အောင်မြင်စွာ ကျင်းပနိုင်ရေးသည် တိုင်းပြည်၏ အနာဂါတ်အတွက် လွန်စွာအရေးကြီးသည့်အတွက် ရွေးကောက်ပွဲအောင်မြင်ရေး ဝိုင်းဝန်းကူညီသင့်ကြောင်းလည်း ၎င်းက သုံးသပ်ပြသည်။
လာမည့် ရွေးကောက်ပွဲတွင် PR စနစ် ကျင့်သုံးသွားမည်ဟု ပြည်ထောင်စု ရွေးကောက်ပွဲ ကော်မရှင်က တရားဝင် ကြေညာထားပြီး ယင်းစနစ်ကျင့်သုံးမည်ဆိုပါက နိုင်ငံရေး ပါတီအချင်းချင်း ညှိနှိုင်းမှုများ လုပ်ဆောင်သွားရန် လိုအပ်ကြောင်းလည်း ဒေါက် တာအေးမောင်က ပြောသည်။
” PR သဘောက ရွေးကောက်ပွဲ မတိုင်ခင်ညှိနှိုင်း ဖို့ လိုတယ်ဗျ။ ရွေးကောက်ပွဲ ကာလမှာလည်းညှိနှိုင်းဖို့ လိုတယ်။ ရွေးကောက်ပွဲအလွန် အစိုးရဖွဲ့ရင်လည်း ညှိနှိုင်းဖို့လိုတယ်။ တိုင်းရင်းသားအချင်း ချင်း ညီညွတ်တာက တစ်ပိုင်းလေ။ ပြည်မပါတီတွေနဲ့ တိုင်းရင်းသားပါတီကြားမှာ ယုံကြည်မှုနဲ့ ဘယ်လိုမျိုး အမျိုးသားညီညွတ် ရေးအစိုးရတစ်ရပ်ဆီ သွားမလဲဆိုတဲ့ ဆွေးနွေးညှိနှိုင်းမှုက အခုကတည်းက ရှိရမယ်” ဟု ၎င်းက ပြောသည်။
လက်ရှိတွင် ၎င်းတို့ ပါတီအနေဖြင့် ရွေးကောက်ပွဲ ဥပဒေပါ ပြဌာန်းချက်များနှင့်အညီ ပြင်ဆင်မှုများ ပြုလုပ်နေပြီး ပြည်မပါတီများနှင့် မဟာမိတ်ဖွဲ့နိုင်ရန် ဆွေးနွေးမှုများ လုပ်ဆောင်နေကြောင်းလည်း သိရသည်။
နစကက ဦးဆောင်ကျင်းပမည့် ၂၀၂၃ အထွေထွေ ရွေးကောက်ပွဲအပေါ် နိုင်ငံတကာနှင့် ပြည်တွင်း အတိုက်အခံအင်အားစုတွေက ဝေဖန်မှုများရှိနေသော် လည်း လွတ်လပ်ပြီး တရားမျှတသည့်ရွေးကောက်ပွဲ တစ်ရပ်ဖြစ်အောင် လုပ်ဆောင်မည်ဟုလည်း နစက ၏ ပြည် ထောင်စုရွေးကောက်ပွဲကော်မရှင်က ကြွေး ကြော်ထားသည်။
ထို့အပြင် လာမည့်ရွေးကောက်ပွဲတွင် ရွေးကောက်ပွဲကိုယ်စားလှယ်များ၏ အရည်အချင်းသတ် မှတ်ဖို့ရှိကြောင်း ပြီးခဲ့သည့် ဇွန်လ ၁၆ ရက်ကပြုလုပ်သည့် သတင်းစာ ရှင်းလင်းပွဲတွင် ပြောကြားထားသည်။