၂၀၂၅ -၂၀၂၆ ခုနှစ်၏ ဖရဲ-သခွား ရာသီပြီးဆုံးသွားသော်လည်း စျေးကောင်းမရဘဲအရှုံးများခဲ့ကြောင်း တောင်သူများ၏ ပြောပြချက်အရ သိရသည်။
ပြည်ပတင်ပို့သည့် ဖရဲသီး-သခွားမွှေး စျေးကွက်သည် ယခုနှစ်တွင် စံချိန်တင်အရှုံးပေါ်ခဲ့ပြီး ယခင်နှစ်များထက် ကုန် ကျစရိတ် အဆပေါင်းများစွာပိုလာကြောင်း သိရသည်။
” ဒီနှစ်ကတော့ပြောရရင် စံချိန်တင်ပဲ။ တော်တော်ကိုရှုံးတယ်။ တရုတ်ကို တင်ပို့တဲ့နေရာမှာလည်း လမ်းခရီးကရှည်တော့ ကုန်ကျစရိတ်ကပိုများတယ်။ စိုက်တဲ့တောင်သူတွေဆိုရင်လည်း သွင်းအားစုစရိတ်တွေကမြင့်နေတာ။ စျေးကောင်းကလုံးဝမရဘူး။ အကုန်အထိနာကုန်တာပေါ့” ဟု သစ်သီးကုန်သည်တစ်ဦးက ပြောသည်။
ဈေးကွက်စဖွင့်ချိန်၂၀၂၅ခုနှစ် နိုဝင်ဘာလအစတွင် အစီးရေအနည်းငယ်သာ ဈေးကောင်းခဲ့ပြီး ရာသီကုန်ချိန်အထိ အကျဘက်ထိုးဆင်းသွားကြောင်း သိရသည်။
ထို့ပြင် စိုက်ပျိုးထုတ်လုပ်ရေးအရင်းအနှီး မြင့်တက်လာခြင်းနှင့် မန္တလေး–တောင်ကြီး–ကျိုင်းတုံ–မိုင်းလား လမ်း ကြောင်းများမှတဆင့် သယ်ယူပို့ဆောင်ရာတွင် ကုန်ကျစရိတ်များ တိုးလာခြင်းတို့ကြောင့် လုပ်ငန်းရှင်များအတွက် အခက်အခဲများ ပိုမိုများပြားလာခဲ့ကြောင်း သိရသည်။
တစ်စီးလျှင် သိန်းရာချီ ကုန်ကျပြီး မိုင်းလားအထိ ရောက်ရှိသော်လည်း တရုတ်ဘက်သို့ ဆက်လက်တင်ပို့ရာတွင် အခွန်နှင့် အခြားစရိတ်များကြောင့် အရှုံးများ ဆက်တိုက် ဖြစ်ပေါ်နေကြောင်း သိရသည်။
ပြည်တွင်းဈေးကွက်သည်လည်း လောင်စာဆီပြသနာကြောင့် စိန်ခေါ်မှုများစွာရှိနေကြောင်း၊တရုတ်ဈေးကွက်ဘက်တွင် ဝယ်လိုအားထက် ရောင်းလိုအား များပြားနေခြင်းသည် အဓိက ပြဿနာတစ်ရပ်ဖြစ်နေပြီး တရုတ်ပြည်တွင်းစိုက်ပျိုးထု တ်လုပ်မှုအပြင် လာအိုနှင့် မြန်မာနိုင်ငံအတွင်း တရုတ်လုပ်ငန်းရှင်များ၏ စိုက်ပျိုးမှု တိုးလာခြင်းကြောင့် စုစုပေါင်း ထုတ်လုပ်မှု ပမာဏ မြင့်တက်လာပြီး စားသုံးမှုမှာ ကျဆင်းနေကြောင်း သိရသည်။