တရုတ်နိုင်ငံ ရှန်ဟိုင်းမြို့၌ အောက်တိုဘာ(၁၅)ရက်နှင့်(၁၆)ရက်တွင် ကျင်းပသည့် ရပ်ဝန်းနှင့်ပိုးလမ်းများနိုင်ငံများအကြား အစားအစာနှင့် စိုက်ပျိုးရေးထုတ်ကုန်များ ကုန်သွယ်မှုကဏ္ဍတွင် ပိုမိုပူးပေါင်းဆောင်ရွက်ရန် ကျင်းပသည့် ညီလာခံကို ကျန်းမာရေးဝန်ကြီးဌာန ဒုတိယဝန်ကြီး ဒေါက်တာအေးထွန်းဦး ဦးဆောင်သည့် မြန်မာကိုယ်စားလှယ် အဖွဲ့က ပါဝင်တက်ရောက်ခဲ့ကြောင်း သိရသည်။
အဆိုပါ ညီလာခံသည် ပို့ကုန်သွင်းကုန် အစားအစာ ဘေးကင်းလုံခြုံရေး ပူးပေါင်းဆောင်ရွက်မှု မူဘောင်အောက်၌ နည်းလမ်းများ အပြန်အလှန်ဖလှယ်နိုင်ရန် နှင့် အစားအစာစိုက်ပျိုးထုတ်ကုန်များ မူဝါဒပိုင်းဆိုင်ရာ ညှိနှိုင်းဆောင်ရွက် ချိတ်ဆက်နိုင်ရန် လုပ်ဆောင်ခြင်းလည်း ဖြစ်သည်။
မြန်မာနိုင်ငံနေဖြင့် ကျန်းမားရေးဝန်ကြီးဌာန အစားအသောက်နှင့်ဆေးဝါးကွပ်ကဲရေးဦးစီးဌာ ညွှန်ကြားရေးမှူးချုပ် ဒေါက်တာ ရဲမြင့် က “ Myanmar ‘s Import & Export Safety Cooperation under the Belt and Road Initiative” ခေါင်းစဉ်ဖြင့် ပါဝင်ဆွေးနွေးခဲ့ကြောင်း သိရသည်။
ညီလာခံကို တောင်အာဖရိကနိုင်ငံ၊ ဘိုလီဗီးယားနိုင်ငံ၊ ကာဇက်စတန်နိုင်ငံ၊ ဥစဘတ်ကစ္စတန်နိုင်ငံ၊ ယီမင်၊ ဘရူနိုင်း၊ ကမ္ဘောဒီးယားနိုင်ငံက ကိုယ်စားလှယ်များ တက်ရောက်ခဲ့ကြောင်း သိရသည်။