ရန်ကုန်-ပုသိမ်လမ်းကို အပိုင်းလိုက် အဆင့်မြှင့်တင်လျက်ရှိရာ လက်ရှိတွင် မိုင်တိုင်အလိုက်ပြုပြင်ခြင်း လုပ်ငန်းများ ၈၅ ရာခိုင်နှုန်းပြီးစီးနေပြီဖြစ်ကြောင်း သိရသည်။
ရန်ကုန်-ပုသိမ်လမ်း မိုင်တိုင်၅၆မှ မိုင်တိုင်အမှတ်၆၃ အတွင်း ကွန်ကရစ်လမ်းအဖြစ် အဆင့်မြှင့်တင်ခြင်းလုပ်ငန်းများအား ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းနှင့် တာဝန်ရှိသူများက သွားရောက်စစ်ဆေးကြည့်ရှုခဲ့ကြောင်း သိရသည်။
မိုင်တိုင်အမှတ်( ၅၈/၁ဖာလုံမှ၅၈/၂) အတွင်း လက်ဝဲဘက်ခြမ်းမျက်နှာပြင်လွှာကွန်ကရစ်ခင်းခြင်းလုပ်ငန်း၊ မိုင်တိုင်အမှတ်(၅၈/၆ ဖာလုံမှ ၅၈/၇)အတွင်း လက်ယာဘက်ခြမ်းမျက်နှာပြင်လွှာကွန်ကရစ်ခင်းခြင်းလုပ်ငန်း၊ မိုင်တိုင်အမှတ်(၆၁/၁ဖာလုံမှ ၆၁/၂)အတွင်း လက်ယာဘက်ခြမ်းမျက်နှာပြင်လွှာ ကွန်ကရစ်ခင်းခြင်းလုပ်ငန်းတို့ကို ကြည့်ရှုစစ်ဆေးခဲ့ပြီး အရည်အသွေးပြည့်မီရေးနှင့် သတ်မှတ်ကာလအတွင်း ပြီးစီးစေရေးတို့ကို ဝန်ကြီးချုပ်က မှာကြားခဲ့သည်။
အဆိုပါ လမ်းပိုင်းများအား ကွန်ကရစ်ခင်းခြင်းလုပ်ငန်းသည် ယနေ့ အထိ (၈၅ ရာခိုင်နှုန်း) ပြီးစီးပြီဖြစ်ကြောင်း သိရသည်။