ရန်ကုန်တိုင်း၊ သာကေတမြို့နယ်ရှိ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန သာကေတမြို့နယ်ဦးစီးမှူးရုံး၌ ရခိုင်ပြည်နယ်မှ ရောက်ရှိနေသည့် ယာယီရွှေ့ပြောင်းနေထိုင်ကြသူများအတွက် ပန်းခင်းစီမံချက်အဆင့် (၃) နှင့် Uni que ID နံပါတ် ထုတ်ပေးခြင်းများ ဆောင်ရွက်ပေးလျက်ရှိနေသည်ဟု သိရသည်။
ရခိုင်ပြည်နယ်၌ ဖြစ်ပွားခဲ့သည့် ဖြစ်စဉ်များကြောင့် ယာယီရွှေ့ပြောင်းနေထိုင်ကြသူများအတွက် သာကေတမြို့နယ်ဦးစီးမှူးရုံး၌ ရမ်းဗြဲနှင့် ပေါက်တောမြို့နယ်ဦးစီးမှူးရုံးများ၏ ယာယီရုံးများ ဖွင့်လှစ်ထားရှိပေးထားခြင်း ဖြစ်သည်။
ထိုရုံးများ၌ အိမ်ထောင်စု လူဦးရေစာရင်းနှင့် နိုင်ငံသားစိစစ်ရေးကတ်ပြာများ၊ ပန်းခင်းစီမံချက်အဆင့် (၃) နှင့် e-ID စနစ်ဖြင့် Unique ID နံပါတ် ထုတ်ပေးခြင်းလုပ်ငန်းများ ဆောင်ရွက်ပေးနေခြင်းလည်း ဖြစ်သည်။