ယူကရိန်းအရေးကန်အစိုးရသစ်နှင့်ဆွေးနွေးရန်အသင့်ရှိ–ပူတင်

မော်စကို၊ဇန်နဝါရီ ၂၀

ယူကရိန်းအကြပ်အတည်းနှင့်ပတ်သက်ပြီး အမေရိကန်အစိုးရသစ်နှင့်ဆွေးနွေးရန်အဆင်သင့်ရှိကာ လမ်းဖွင့်ထားသည်ဟု ရုရှားသမ္မတပူတင်ကပြောကြားခဲ့သည်။

“အရေးအကြီးဆုံးက အခုဖြစ်နေတဲ့ အကြပ်အတည်းနဲ့ဆိုင်တဲ့ အဓိက အကြောင်းရင်းတွေကိုဖယ်ရှားပစ်ဖို့ပါပဲ” ဟု ပူတင်က နိုင်ငံ၏ လုံခြုံရေးကောင်စီအဖွဲ့ဝင်များနှင့်တွေ့ဆုံစဉ်ပြောကြားခဲ့ကြောင်း ခရမ်မလင်၏ သတင်း ထုတ်ပြန်ချက်တွင်ဖော်ပြထားသည်။

ဆက်လက်၍ ရုရှား – ယူကရိန်းအရေးနှင့်ပတ်သက်ပြီး ဖြစ်နိုင်ခြေအလားအလာရှိသောဖြေရှင်းနည်းမှာ စစ်အင်အားပြန်လည် စုစည်းရန်အတွက် ယာယီအပစ်အခတ်ရပ်စဲရေးမျိုးမဟုတ်ဘဲ ရေရှည်တည်တံ့မည့် ငြိမ်းချမ်းရေးမျိုးသာဖြစ်သင့်သည်ဟုလည်းပြောကြားခဲ့သည်။

မော်စကိုအနေဖြင့် တွေ့ဆုံဆွေးနွေးရေးကို မည်သည့် အခါကမှငြင်းပယ်ခဲ့ခြင်းမျိုးမရှိဘဲ မည့်သည့် အမေရိကန်အစိုးရနှင့်မဆို တွေ့ဆုံဆွေးနွေးပူးပေါင်းဆောင်ရွက်ရန် အသင့်ရှိနေသည်ဟုလည်းပြောကြားခဲ့သည်။

တစ်ချိန်တည်းမှာပင် ၎င်းက သမ္မတထရမ့်ပ်၏ ကျမ်းသစ္စာကျိန်ဆိုပွဲအတွက်လည်း ဂုဏ်ယူဝမ်းမြောက်ကြောင်းပြောကြားခဲ့ပြီး ရုရှားနိုင်ငံခြားရေးဝန်ကြီး ဆာဂေးလားရော့ဗ်ကမူ မော်စကိုအနေဖြင့် အမေရိ ကန်အစိုးရသစ်အပါအဝင် အခြားအနောက်နိုင်ငံခေါင်းဆောင်များနှင့်ပါ ဆက်သွယ်ရန်ပြင်ဆင်ထားသည်ဟုအတည်ပြုခဲ့သည်။

Source : ရှင်းဟွာ