ထိုင်း-မြန်မာနယ်စပ် မြဝတီမြို့တွင်
စက်သုံးဆီပြတ်လပ်မှုကြောင့်ဟုဆိုကာ ယမန်နေ့ ဩဂုတ် (၁၄)ရက်က မြို့တွင်းစက်သုံးဆီ ဆိုင်အချို့ပိတ်ထားရပြီး စက်သုံးဆီရောင်းချမှုကို အကန့်အသတ်ဖြင့် ရောင်းချပေးခဲ့ရကြောင်း သိရသည်။
ယနေ့ ဩဂုတ်လ (၁၅) ရက်တွင် စက်သုံးဆီဆိုင်များ ပြန်လည်ဖွင့်လာပြီဖြစ်သော်လည်း လိုသလိုဝယ်ယူ၍ မရရှိသေးဘဲ အကန့်အသတ်ဖြင့်သာ ရောင်းချပေးနေသေးကြောင်း ဆိုသည်။
“ဆိုင်ကယ်ကိုတော့ အပြည့်ပေးတယ်။ ကားတွေကိုတော့ အများဆုံး (၅၀၀၀၀)ဖိုးပဲ ရောင်းပေးတယ်။ လုပ်ငန်းသုံးကားဆိုရင်တော့ (၁)သိန်းဖိုးပဲ။ တစ်ရက်စာပေါ့။ ဘောက်ချာနဲ့ရောင်းပေးနေတာ။ အခုက ဆီပန့်တွေမှာ မဟုတ်ဘဲ အပြင်မှာကို မှောင်ခိုရောင်းနေတဲ့ဆိုင်တွေ မနည်းဘူး”ဟု ၎င်းက ရှင်းပြသည်။
ထို့ပြင် စက်သုံးဆီများကို အွန်လိုင်းမှတဆင့်ပေပါလိုက်ရောင်းချနေခြင်းမျိုးများလည်းရှိနေကြောင်း ၎င်းက တဆက်တည်းပြောသည်။
“ဆီပန့်မှာ တလီတာခြောက်ထောင်ဝန်းကျင်ဗျ။ နည်းနည်းစွန်းတယ်။ မှောင်ခိုဆိုင်တွေမှာ တလီတာ တစ်သောင်းပေးရတယ်။ သူတို့ကဆီပြတ်မယ့်အခြေအနေကိုကြည့်ပြီး (၁၂၀၀၀) လောက်အထိ တင်ရောင်းတတ်တယ်။ ဟိုတစ်ခေါက်ဆီပြတ်တုန်းကလည်း အဲဒီလိုပဲ”ဟု ဆိုသည်။