မြန်မာ-တရုတ်နှစ်နိုင်ငံကြား လူကုန်ကူးမှုလျော့နည်းကျဆင်းစေရေးအတွက်ဆွေးနွေး

မြန်မာ-တရုတ်နှစ်နိုင်ငံကြား ဖြစ်ပွားလျက်ရှိသော လူကုန်ကူးမှုများလျော့နည်းကျဆင်းစေရေးအပါအဝင် လူကုန်ကူးမှုတို-က်ဖျ-က်ရေးနှင့်ပတ်သက်၍ (၁၄)ကြိမ်မြောက် မြန်မာ-တရုတ် နှစ်နိုင်ငံလူကုန်ကူးမှုတို-က်ဖျ-က်ရေးပူးပေါင်းဆောင်ရွက်မှုဆိုင်ရာအစည်းအဝေးကို အောက်တိုဘာ ၂၃ ရက်နံနက် ၉ နာရီက ရန်ကုန်မြို့၌ ကျင်းပခဲ့သည်။

မြန်မာနိုင်ငံရဲတပ်ဖွဲ့၊ လူကုန်ကူးမှုတားဆီးနှိမ်နင်းရေး ရဲတပ်ဖွဲ့၊ တပ်ဖွဲ့မှူး ယာယီရဲမှူးချုပ်ဇော်ဆန်းနှင့် အဖွဲ့ဝင်များ၊ တရုတ်နိုင်ငံ၊ ပြည်သူ့လုံခြုံရေးဝန်ကြီးဌာန၊ မှုခင်းစုံစမ်းစစ်ဆေးရေးရဲတပ်ဖွဲ့၊ လူကုန်ကူးမှုတားဆီးနှိမ်နင်းရေးဌာန၏ ညွှန်ကြားရေးမှူး Mr. Wang Yong Can နှင့်အဖွဲ့ဝင်များတက်ရောက်ခဲ့ကြသည်။

အစည်းအဝေးတွင် နယ်စပ်ဖြတ်ကျော်လူကုန်ကူးမှုအ ခြေအနေများနှင့် ပြောင်းလဲဖြစ်ပေါ်နေသည့် လူကုန်ကူးမှုပုံစံများ၊ လူကုန်ကူးမှုများစုံစမ်းဖော်ထုတ်ခြင်း၊ လူကုန်ကူးခံရသူများအား ကယ်တင်ခြင်းနှင့် ကျူးလွန်သူ တရားခံများကိုဖမ်းဆီးရာတွင် ပူးပေါင်းဆောင်ရွက်ရေး၊ နှစ်နိုင်ငံကြားသတင်းအချက်အလက်ဖလှယ်နိုင်ရေး၊ တရားမဝင်/ဝင်ထွက်သွားလာမှုများကို ဆွေးနွေးခဲ့ကြသည်။

အဆိုပါ အစည်းအဝေးအား မြန်မာ-တရုတ်နှစ်နိုင်ငံကြားဖြစ်ပွားလျက်ရှိသည့် လူကုန်ကူးမှုများစုံစမ်းဖော်ထုတ်ရေး၊ လူကုန်ကူးခံရသူများအား ကူညီကယ်တင်ရေးနှင့် အကာအကွယ်ပေးရေး၊ လူကုန်ကူးသူများကို ကူညီစုံစမ်းဖမ်းဆီးပေးရေးနှင့် အပြစ်ပေးအရေးယူရေး၊ လူကုန်ကူးမှုဆိုင်ရာအသိပညာပေးရေးနှင့် သတင်းအချက်အလက်ဖလှယ်ရေးလုပ်ငန်းစဉ်များကို ထိထိရောက်ရောက်ပူးပေါင်းဆောင်ရွက်နိုင်ရန် ရည်ရွယ်ကျင်းပခြင်းဖြစ်သည်။