မြန်မာနှင့် နော်ဝေ နှစ်နိုင်ငံအကြား လူသားချင်းစာနာထောက်ထားမှုဆိုင်ရာ အကူအညီပေးရေး နယ်ပယ်တို့တွင် ပိုမိုပူးပေါင်းဆောင်ရွက်နိုင်မည့် အလားအလာများကို မြန်မာသံအမတ်ကြီးနှင့် နော်ဝေနိုင်ငံ ညွှန်ကြားရေးမှူးချုပ်တို့ ဆွေးနွေးခဲ့ကြကြောင်း နိုင်ငံခြားရေးဝန်ကြီးဌာန ထုတ်ပြန်ချက်အရ သိရသည်။
မြန်မာသံရုံး၊ အော်စလိုမြို့ သံရုံးယာယီတာဝန်ခံ/သံအမတ်ကြီး ဦးမိုးကျော်အောင်မှ ဇန်နဝါရီ (၃၁)ရက်က နော်ဝေနိုင်ငံခြားရေးဝန်ကြီးဌာန၊ သံတမန်ရေးရာ၊ ယဉ်ကျေးမှုနှင့် ကောင်စစ်ဆိုင်ရာဦးစီးဌာန၊ ညွှန်ကြားရေးမှူးချုပ်၊ Ms.Tone Elis abeth Bækkevold Allers အား နော်ဝေနိုင်ငံခြားရေးဝန်ကြီးဌာန၌ သွားရောက်တွေ့ဆုံခဲ့ကြောင်း သိရသည်။
ထိုသို့တွေ့ဆုံစဉ် မြန်မာနှင့် နော်ဝေ နှစ်နိုင်ငံအကြား ပူးပေါင်းဆောင်ရွက်မှုများ အထူးသဖြင့် ရာသီဥတုပြောင်းလဲမှု၊ ပြန်လည် ပြည့်ဖြိုးမြဲစွမ်းအင် ကိစ္စရပ်များကို သံအမတ်ကြီးနှင့် ညွှန်ကြားရေးမှူးချုပ်တို့က ဆွေးနွေးခဲ့ကြကြောင်း သိရသည်။
ထို့ပြင် ငြိမ်းချမ်းရေးနှင့် လူသားချင်းစာနာထောက်ထားမှုဆိုင်ရာအကူအညီစသည့် နယ်ပယ်တို့တွင် ပိုမိုပူးပေါင်းဆောင်ရွက်နိုင်မည့် အလားအလာများကိုလည်း ဆွေးနွေးခဲ့ကြကြောင်း သိရသည်။