မြန်မာနိုင်ငံ၏ အခြေခံအဆောက်အအုံဖွံ့ဖြိုးတိုးတက်ရေးအတွက် သယ်ယူပို့ဆောင်ရေးကဏ္ဍအဆင့်မြှင့်တင်ရေးနှင့် ခေတ်မီစက်မှုလုပ်ငန်းများဆောင်ရွက်ရာတွင်ပူးပေါင်းဆောင်ရွက်ရန် ရုရှားရင်းနှီးမြှုပ်နှံသူများကို ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ ပြည်ထောင်စုဝန်ကြီးဒေါက်တာကံဇော် ကဖိတ်ခေါ်ခဲ့သည်။
ယမန်နေ့ ဖေဖော်ဝါရီ ၂၃ ရက်မံနက်ပိုင်းက နေ ပြည်တော်၌ မြန်မာ-ရုရှား နှစ်နိုင်ငံကြား ကုန် သွယ်ရေးနှင့် စီးပွားရေးပူးပေါင်းဆောင်ရွက်မှုများပိုမိုတိုးမြှင့်လာစေရန် ရည်ရွယ်ကျင်းပသည့် ပဉ္စမအကြိမ် မြန်မာ-ရုရှားအစိုးရအချင်းချင်း ကုန်သွယ်ရေးနှင့် စီးပွားရေးပူးပေါင်းဆောင်ရွက်ရေးကော်မရှင်အစည်းအဝေး၏ မျက်နှာစုံညီအစည်းအဝေး၌ ပြောကြားခဲ့ခြင်းဖြစ်သည်။
မြန်မာ-ရုရှား ကုန်သွယ်မှုနှင့် ရင်းနှီးမြှုပ်နှံမှုမိတ်ဖက်ဆက်ဆံရေးသည် နစက တာဝန်ယူသည့်အ ချိန်မှစ၍ အရှိန်အဟုန်ဖြင့်တိုးတက်လာခဲ့ပြီး မြန် မာနိုင်ငံအနေဖြင့် ဥရောပအာရှစီးပွားရေးသမဂ္ဂ – Eurasian Economic Union (EAEU)နှင့် ပူးပေါင်းကာ ဥရောပဈေးကွက်သို့ဝင်ရောက်နိုင်ပြီး ရုရှားနိုင်ငံအနေဖြင့်လည်း အာရှဈေးကွက်သို့ ပိုမိုချဲ့ထွင်နိုင်မည့် အခွင့်အလမ်းများရှိသည်ဟု ပြောသည်။
” မြန်မာနိုင်ငံရဲ့ အခြေခံအဆောက်အအုံဖွံ့ဖြိုးတိုးတက်ရေးအတွက် သယ်ယူပို့ဆောင်ရေးက ဏ္ဍ အဆင့်မြှင့်တင်ရေးနဲ့ ခေတ်မီစက်မှုလုပ်ငန်းတွေဆောင်ရွက်ရာမှာ ပူးပေါင်းဆောင်ရွက်ဖို့ ရုရှားရင်းနှီးမြှုပ်နှံသူတွေကို ဖိတ်ခေါ်ပါတယ်။ မြန်မာနိုင်ငံနဲ့ ရုရှားနိုင်ငံတို့ကြားမှာ ခရီးသွားလုပ် ငန်းကဏ္ဍပိုမိုတိုးတက်လာစေဖို့အတွက် တိုက် ရိုက်လေကြောင်းလိုင်းတွေ ပြေးဆွဲနေပါတယ်” ဟု ပြည်ထောင်စုဝန်ကြီးဒေါက်တာကံဇော်က ပြောသည်။
ထို့အတူ ရုရှားနိုင်ငံ၊ စီးပွားရေးဖွံ့ဖြိုးတိုးတက်မှုဝန်ကြီး မစ္စတာ မက်ဆင်းရယ်ရှဲသငြိကော့ဗ်ကလည်း ရုရှား-မြန်မာ နှစ်နိုင်ငံကြား ကုန်သွယ်ရေးနှင့် ရင်းနှီးမြှုပ်နှံမှုသာမက အခြေခံအဆောက် အအုံစီမံကိန်းများ၊ ဘဏ်လုပ်ငန်းကဏ္ဍပူးပေါင်းဆောင်ရွက်မှုများဖြင့် စီးပွားရေးဖွံ့ဖြိုးတိုးတက် မှုများကို တိုးချဲ့ဆောင်ရွက်လျက်ရှိပြီး မြန်မာစီးပွားရေးလုပ်ငန်းများကိုလည်း ရုရှားဈေးကွက်ကကြိုဆိုလျက်ရှိသည်ဟု ပြောကြားခဲ့သည်။
ထို့ပြင် မြန်မာ-ရုရှားကုန်သွယ်မှုပမာဏတိုးမြင့်ရေးအတွက် စွမ်းအင်၊ နျူကလီးယားနယ်ပယ်၊ စိုက်ပျိုးရေးနှင့် သတ္တုကဏ္ဍပူးပေါင်းဆောင်ရွက်မှုများကို နှစ်နိုင်ငံအလေးထားဆောင်ရွက်လျက်ရှိသည်ဟု မြန်မာနိုင်ငံဆိုင်ရာ ရုရှားနိုင်ငံသံအ မတ်ကြီးက ပြောကြားခဲ့သည်။
အစည်းအဝေး၌ မြန်မာ-ရုရှား နှစ်နိုင်ငံကြား ပူး ပေါင်းဆောင်ရွက်မှုကိုပံ့ပိုးပေးနိုင်မည့် ဥပဒေမူဘောင်များ၊ ကုန်သွယ်မှုနှင့် ရင်းနှီးမြှုပ်နှံမှု၊ စွမ်း အင်၊ ဘူမိဗေဒဆိုင်ရာ လေ့လာရှာဖွေမှု၊ ငြိမ်း ချမ်းသောရည်ရွယ်ချက်ဖြင့် အဏုမြူစွမ်းအင်အသုံးပြုမှု၊ ပို့ဆောင်ရေး၊ ဆောက်လုပ်ရေးနှင့် အခြေခံအဆောက်အအုံဖွံ့ဖြိုးတိုးတက်မှု၊ သ တင်းအချက်အလက်၊ ဆက်သွယ်ရေးနည်းပညာနှင့် သတင်းမီဒီယာ၊ ဘဏ်လုပ်ငန်းနှင့် ငွေကြေး၊ စက်မှု၊ ခရီးသွားလုပ်ငန်း၊ ပညာရေး၊ သိပ္ပံနှင့် ကျန်းမာရေးစောင့်ရှောက်မှု၊ ယဉ်ကျေးမှုနှင့် အားကစား၊ အလုပ်သမား၊ ငြိမ်းချမ်းသောရည် ရွယ်ချက်ဖြင့် အာကာသစူးစမ်းရှာဖွေရေးနှင့် အ သုံးပြုရေး၊ Circular Economy နှင့် စွန့်ပစ်ပစ္စည်းစီမံခန့်ခွဲမှုနယ်ပယ်များတွင် ပူးပေါင်းဆောင်ရွက်မှုမြှင့်တင်ရေးတို့ပါဝင်သည့် ဆွေးနွေးမှုမှတ် တမ်းများကို ကော်မရှင်ပူးတွဲဥက္ကဋ္ဌများက အ တည်ပြုလဲလှယ်ခဲ့ကြသည်။