မြန်မာနိုင်ငံ၌တည်ငြိမ်အေးချမ်းရေးအမြန်ဆုံးရရှိဖို့ ဗီယက်နမ်မျှော်လင့်

ဒါဗို၊ဇန်နဝါရီ ၂၂

ဗီယက်နမ်ဝန်ကြီးချုပ်ဖန်မင်ချင်က ဗီယက်နမ်အနေဖြင့် မြန်မာ့အခြေအနေကိုအနီးကပ်စောင့်ကြည့်လျက်ရှိပြီး ဒေသတွင်း ငြိမ်းချမ်းရေးနှင့်တည်ငြိမ်ရေးအတွက် အထူးသဖြင့် မြန်မာနိုင်ငံ အတွက်ရည်ရွယ်ပြီး မြန်မာနိုင်ငံ၌ တည်ငြိမ်အေးချမ်းမှုအမြန်ဆုံးရစေရန်မျှော်လင့်သည်ဟု ပြောကြားခဲ့သည်။

ဆွစ်ဇာလန်နိုင်ငံ၊ဒါဗိုတွင်ကျင်းပနေသည့် ကမ္ဘာ့စီးပွားရေးဖိုရမ်အစည်းအဝေးအပြီး၌ မြန်မာနိုင်ငံဆိုင်ရာကုလသမဂ္ဂအထူးကိုယ်စားလှယ် ဂျူလီဘီး‌ရှော့ပ်နှင့်တွေ့ဆုံစဉ် ဝန်ကြီးချုပ်က ဗီယက်နမ်နိုင်ငံအနေဖြင့် မြန်မာနိုင်ငံ၏လွတ်လပ်ရေး၊အချုပ်အခြာအာဏာနှင့် နယ်မြေ တည်တံ့ ခိုင်မြဲမှုကိုလေးစားကြောင်းထပ်‌ေလာင်းအတည်ပြုပြောကြားခဲ့သည်။

ဗီယက်နမ်အနေဖြင့် မြန်မာပြည်သူများ၏ အကျိုးစီးပွားကိုသာထိခိုက်စေသည့် ကုန်သွယ်ရေးပိတ်ပင်မှုကိုမလိုလားသကဲ့သို့ မြန်မာ့အရေးသည် မြန်မာပြည်သူများကိုယ်တိုင်က သဘောတူညီချက်၊ မျှတသော အပေးအယူနှင့်သက်ဆိုင်ရာအဖွဲ့အစည်းများ အားလုံးပါဝင်ညှိနှိုင်းခြင်းဖြင့်သာဖြေရှင်းရမည်ဖြစ်သည်ဟုလည်း ပြောကြားခဲ့သည်။

ဆက်လက်၍ ဗီယက်နမ်အပါအဝင် အာဆီယံအသိုက်အဝန်း၏ မြန်မာ့အရေးကြိုးပမ်းမှုများနှင့်ပတ်သက်၍လည်း ၎င်းကအလေးပေးပြောကြားခဲ့သည်။

ယင်းနောက် ဘီးရှော့ပ်က ဝန်ကြီးချုပ်ချင်၏ အဆိုပြုချက်များကို သဘောတူညီပြီး မြန်မာနိုင်ငံရှိအဖွဲ့အစည်းအားလုံး ကို ထိန်းထိန်းသိမ်းသိမ်းနှင့်အကြမ်းဖက်မှုများရပ်တန့်ရေး၊အရပ်သားများလုံခြုံရေးနှင့်မြန်မာ့အရေး အတွက် ငြိမ်းချမ်းသည့်အဖြေရှာရန် တွေ့ဆုံဆွေးနွေးမှုများပြန်လည်စတင်ရန် လိုအပ်ကြောင်းပြောကြားခဲ့သည်။

Source : ဗီယက်နမ်နူးစ်