မလေးရှားနိုင်ငံ ၊ ဆလန်းကောပြည်နယ် ၊ တလုပ်ကုန်းရပ်ကွက်ရှိ ပလတ်စတစ်စက်ရုံ တစ်ရုံ၌ ဂတ်စ်အိုးပေါက်ကွဲကာ မီးလောင်မှုဖြစ်ပွားခဲ့ရာ မြန်မာလုပ်သားတစ်ဦး အသက်ဆုံးရှုံးခဲ့ရကြောင်း မလေးရှားတွင် ရောက်ရှိနေသော မြန်မာနိုင်ငံသားများအား ကူညီပေးနေသည့် မြန်မာလူမူကူညီရေးအသင်း (မလေးရှား)မှ သိရသည်။
ဖြစ်စဉ်မှာ ဖေဖော်ဝါရီ (၁၇)ရက်က ကိုထက်လင်းရှိန်းအသက် (၃၀)နှစ်သည် အဆိုပါ စက်ရုံတွင် အလုပ်လုပ်နေစဉ် ရုတ်တရက် ဂတ်စ်အိုးပေါက်ကွဲမီးလောင်မှုဖြစ်ပွားပြီး ဒဏ်ရာပြင်းထန်စွာရရှိခဲ့ပြီး ဆေးရုံအရောက်တွင် ေ-သဆုံးခဲ့ရကြောင်း သိရသည်။
ဖြစ်စဉ်ကြောင့် အသ-က်ဆုံးရှုံးခဲ့ရသူ (ကိုထက်လင်းရှိန်း) မှာ ဧရာဝတီတိုင်းဒေသကြီး၊ ပန်းတနော်မြို့နယ် ၊ ဂုံမင်းအရှေ့ကွင်းကျေးရွာတွင် နေထိုင်သူဖြစ်ကာ မလေးရှားနိုင်ငံတွင် အလုပ်လုပ်ကိုင်နေသူဖြစ်ကြောင်း သိရသည်။
၎င်း၏ ကျန်ရစ်သောခန္ဓာကိုယ်ကို ဖေဖော်ဝါရီ (၂၅)ရက်တွင် မလေးရှားနိုင်ငံ ၊ ဆလန်းကောပြည်နယ် ၊ ကလန်းမြို့ဆေးရုံကြီး အအေးခန်းမှ သယ်ဆောင်ပြီး ဆလန်းကောပြည်နယ် ၊ ကလန်းမြို့ ဟိန္ဒိူသုသန်တွင် သဂြိုလ်ခဲ့ကြကြောင်း သိရသည်။
ဖြစ်စဉ်အရ အသက်ဆုံးရှုံးခဲ့ရသူ (ကိုထက်လင်းရှိန်း)အတွက် မြန်မာသံရုံး(မလေးရှား)၏ အလုပ်သမားသံအရာရှိများ လိုက်ပါလျက် ရသင့်ရထိုက်သော အခွင့်အရေးများရရှိရေး လုပ်ငန်းရှင်နှင့် တွေ့ဆုံညှိနှိုင်းလျက်ရှိကြောင်းလည်း သိရသည်။