ယခု မတ်လအတွက် သင့်တင့်မျှတသော ရည်ညွှန်းဆန်ဈေးနှုန်းများ ထုတ်ပြန်ခဲ့ပြီး ယင်းတွင် ဆန်ကြမ်းနှင့် ပြည်တွင်းစားဆန်တချို့ ဈေးနှုန်းထပ်မံကျဆင်းခဲ့ကြောင်း ထုတ်ပြန်ထားသည့် ရည်ညွှန်းဈေးနှုန်းများအရ သိရသည်။
အဆိုပါ ရည်ညွှန်းဆန်ဈေးနှုန်းသတ်မှတ်ချက်အရ ဆန်ကြမ်းအုပ်စုများ (ဧည့်မထ/ ငစိန်) (ဆင်းသုခ၊ သီးထပ်ယဉ်၊ ရတနာတိုး၊ ငစိန် ရာကျော်၊ ကရင်မ၊ ထွန်းပု၊ GW-၁၁၊ စောရုပ်၊ ၇၄၇၊ သီးပု၊ ရွှေမန်း စသော ဧည့်မထ/ ငစိန် အုပ်စုဝင် ဆန်ကြမ်းများ)အတွက် ၂၅ မှတ်ဆန် တစ်အိတ် (၆၈,၀၀၀) ကျပ်၊ ၂၅ မှတ်ဆန် ပြည်ပတင်ပို့မည့် ၅၀ ကီလိုဂရမ်တစ်အိ တ် (၇၅,၀၀၀)ကျပ်၊ ၁၅ မှတ်ဆန်တစ်အိတ် (၇၃,၀၀၀) ကျပ်၊ ၁၅ မှတ်ဆန် ပြည်ပတင်ပို့မည့် ၅၀ ကီလိုဂရမ်တစ်အိတ် (၇၈,၀၀၀)ကျပ်၊ ၁၀-၅ မှတ်ဆန် တစ်အိတ် (၇၅,၀၀၀)ကျပ်၊ ၁၀-၅ မှတ်ဆန် ပြည်ပတင်ပို့မည့် ၅၀ ကီလိုဂရမ်တစ်အိတ် (၈၀,၀၀၀)ကျပ် သတ်မှတ်ထားကြောင်း သိရသည်။
အလားတူ ပြည်တွင်းစားဆန် အမျိုးအစားများကိုလည်း တစ်အိတ် ကျပ် (၉၄,၀၀၀) နှင့် ကျပ် (၉၉,၀၀၀) သတ်မှတ်ထားသလို ပြည်ပတင်ပို့မှုနှင့် ပြည်တွင်းစားသုံးမှုပါရှိသော အရည်သွေးအသင့်တင့်ရှိသော ဆန်အမျိုးအစားနှင့် စားသုံးမှုအထူးကောင်းမွန်သည့် ဆန်အမျိုးအစားများကို ယခင်အတိုင်းသတ်မှတ်ထားကြောင်း သိရသည်။
ထို့ပြင် ပြည်တွင်း၌ စားသုံးမှုများသည့် ရွှေဘိုပေါ်ဆန်းဆန်အဟောင်းများ၊ ရွှေပေါ်ဆန်းအသစ်များ၊အခြားပေါ်ဆန်းဆန်အုပ်စုဝင် (ဧရာဝတီပေါ်ဆန်း၊ ပေါ်ကျွဲ) ဆန်ဟောင်းများ၊တောင်ပျံ/ဘေးကြားဆန်အဟောင်းများကိုလည်း ယခင်ဈေးအတိုင်း သတ်မှတ်ထားသည်။
အလားတူ ဈေးအရောင်းစင်တာ (Super Market၊ Mini Market) များတွင် Consumer Packaging ဖြင့် ရောင်းချမှုအတွက် ဆန်ဈေးနှုန်းအားလုံးကိုလည်း နိုဝင်ဘာလအတိုင်း သတ်မှတ်ပေးထားရာထို့ကြောင့် ဈေးကွက်အတွင်း ရောင်းချရာတွင် အထက်ဖော်ပြပါ သင့်တင့်မျှတသော ရည်ညွှန်းဈေးနှုန်းများအပေါ် ၈ ရာခိုင်နှုန်းထက်မပိုသော၊ ဝန်ဆောင်စရိတ် ၃ ရာခိုင်နှုန်းထက်မပိုသော၊ သယ်ယူသိုလှောင်စရိတ် ၄ ရာခိုင်နှုန်းထက်မပိုသော ထုတ်လုပ်သူအကျိုးအမြတ်တို့ဖြင့် တွက်ချက်ရောင်းချရန် သတိပေးထားသည်။