မကြာခင်ကျင်းပမည့်ရွေးကောက်ပွဲသည် မြန်မာနိုင်ငံအတွက် ကောင်းမွန်သောနိုင်ငံရေးအပြောင်းအလဲဖြစ်ပေါ်လာလိမ့်မည်ကိုမျှော်လင့်ဟု IBEC ဆရာတော်ကမိန့်ကြားတော်မူခဲ့သည်။
ဂျပန်နိုင်ငံ၊ ကာနာဂါဝါစီရင်စု၊ ကာဝါဆာကီမြို့၌ အောက်တိုဘာ ၁၁ ရက်၊ ယနေ့ အောက်တိုဘာ ၁၂ ရက်နှင့် အောက်တိုဘာ ၁၃ ရက်တို့ကကျင်းပလျက်ရှိသော တတိယအကြိမ်မြောက် UNWPA နိုင်ငံတကာညီလာခံတွင် “ကျွန်ုပ်တို့ရင်ဆိုင်နေရသော လက်ရှိစိန်ခေါ်မှုများ”ခေါင်းစဥ်ဖြင့်မိန့်ခွန်းပြောကြားရာတွင် ထည့်သွင်းမိန့်ကြားတော်မူခဲ့ခြင်းဖြစ်သည်။
မကြာခင်ကာလတွင် မြန်မာနိုင်ငံ၌ ရွေးကောက်ပွဲကျင်းလပမည်ဖြစ်ရာ မြန်မာနိုင်ငံအတွက်ကောင်းမွန်သော နိုင်ငံရေးအပြောင်းအလဲဖြစ်ပေါ်လာလိမ့်မည်ကိုမျှော် လင့်ကာ အရပ်သားအစိုးရတစ်ရပ်သည် နိုင်ငံသားများအတွက် ပိုမိုကောင်းမွန်သောနိုင်ငံတစ်နိုင်ငံကို ဖန်တီးပေးနိုင်သည်ကိုယုံကြည်သည်ဟု မိန့်ကြားတော်မူခဲ့သည်။
ထို့ပြင် မြန်မာနိုင်ငံတွင်လက်ရှိဖြစ်ပွားနေသော အကျပ် အတည်းကို စေ့စပ်ညှိနိုင်းဆွေးနွေးရေးစကားဝိုင်း၊ အပြုသဘောဆောင်သောပူးပေါင်းဆောင်ရွက်မှု၊ ထိရောက်သော ပူးပေါင်းပါဝင်မှုတို့ဖြင့်သာဖြေရှင်းနိုင်မည်ဟု မိန့်ကြားတော်မူခဲ့သည်။
ထို့အတူ အရေးအကြီးဆုံးမှာ လက်နက်ကိုင်အဖွဲ့အသီးသီးမှဦးဆောင်၍ ငြိမ်းချမ်းရေးနှင့် ပြန်လည်သင့်မြတ်ရေးအတွက် စကားဝိုင်းဆွေးနွေးမှုမှတဆင့်သာ ဖြေရှင်းနိုင်သည်ကိုယုံကြည်သည်ဟုလည်း IBEC ဆရာတော်က မိန့်ကြားတော်မူခဲ့သည်။