ကရင်ပြည်နယ်၊ကြာအင်းဆိပ်ကြီးမြို့နယ်၊ဘုရားသုံးဆူမြို့ရှိ “သစ်ဆန်းယဥ်” ရွှေဆိုင်တွင် ယမန်နေ့ ညနေပိုင်းက ဓါးပြတိုက်မှုဖြစ်ပွားခဲ့ပြီး ရွှေနှင့် ငွေသားများ ယူ ဆောင်သွားကြောင်း သိရသည်။
နိုဝင်ဘာ (၁၃) ရက် ညနေပိုင်းက “သစ်ဆန်းယဉ်” ရွှေဆိုင်သို့ အမည်မသိ အမျိုးသားတစ်ဦးက သေနတ်ဖြင့် ခြော က်လှန့်ပစ်ခတ်ကာ ဝင်ရောက်ဓါးပြ တိုက်ခဲ့ခြင်းဖြစ် ကြောင်း သိရသည်။
ဓါးပြတိုက်ခဲ့သည့် အမျိုးသားသည် မျက်နှာဖုံးစွတ်ထားကာ ဆိုင်ကယ်ဖြင့် ရောက်ရှိလာခြင်း ဖြစ်ပြီး ဆိုင်အတွင်းသို့ ဝင်ရောက်ကာ ဆိုင်ပိုင်ရှင်ဖြစ်သူအား သေနတ်ဖြင့်ခြိ မ်းခြောက်ပစ်ခတ်၍ လုယက်ယူဆောင်ခဲ့ခြင်းဖြစ် ကြော င်း သိရသည်။
ထိုသို့ လုယက်ယူဆောင်ရာတွင် ငွေအချို့နှင့်ရွှေထည်ပစ္စည်းအချို့သည် ၎င်းလက်လှမ်းမမှီသည့် ကောင်တာအတွင်း၌ ရှိနေသဖြင့် ကောင်တာမှန်အား သေနတ်ဖြင့်ပစ်ခတ်ပြီး သေနတ်ဒင်ဖြင့်ရိုက်ခွဲ၍ ယူဆောင်ကာထွက် ပြေးသွားခဲ့ကြောင်း သိရသည်။
ဖြစ်စဥ်၌ ဆိုင်ပိုင်ရှင်၏သားအား သေနတ်ဖြင့် ပစ်ခတ်ခဲ့သဖြင့် ကျောပြင်၌ ကျည်ထိမှန် ဒဏ်ရာရရှိခဲ့ကြောင်း သိရသည်။
“ဟုတ်တယ်ဗျ။ ကျည်ထိသွားလို့ဆေးရုံကို ခေါ်သွားရတယ်။ အခုချိန်ထိတော့ တရားခံကို မဖမ်းမိသေးဘူး။ စစ်ဆေးတာတွေ လုပ်နေတာတွေ့တယ်။ ရွှေထည်ပစ္စည်းအနည်းငယ်နဲ့ ငွေတွေတော့ပါသွားတယ် “ဟု ဒေသခံလူမှုကူညီရေး အသင်းဝင်တစ်ဦးက ပြောသည်။
ပြစ်မှုကျူးလွန်သူအား ဖမ်းဆီးရမိရေးအတွက် လုံခြုံရေးအဖွဲ့ဝင်များက ရရှိထားသည့် CCTV မှတ်တမ်းအားစစ် ဆေးလျက်ရှိပြီး ပိတ်ဆို့ရှာဖွေစစ်ဆေးမှုများလည်း ပြု လုပ်လျက်ရှိကြောင်း သိရသည်။