စီးပွားရေးအလုပ်တစ်ဖက်နဲ့ အနုပညာအလုပ်တွေပါ လုပ်ဆောင်နေတဲ့ သရုပ်ဆောင် မိုးဟေကိုကတော့ လတ်တလောမှာ သူမရဲ့ ကိုယ်ပိုင် ထုတ်လုပ်ရေးက ထုတ်လုပ် ရိုက်ကူးတဲ့ ‘တောကျီးကန်း’ သို့မဟုတ် ခိုးဆိုးလုနှိုက် -၂ ရုပ်ရှင်ဇာတ်ကားမှာ မြင့်မြတ်၊ ခင်လှိုင် စတဲ့ သရုပ်ဆောင် များနဲ့အတူ ပါဝင်သရုပ်ဆောင်ခဲ့ပါတယ်။ သူမရဲ့ ကိုယ်ပိုင်ထုတ်လုပ်ရေးက ဒီရုပ်ရှင်ဇာတ်ကားကို ရိုက်ကူးပုံ ဖော်ဖြစ်ခဲ့တာနဲ့ ပတ်သက်ပြီး အခုလို ပြောပြခဲ့ပါတယ်။
“မိုး ရုပ်ရှင်ထုတ်လုပ်ရေး အနေနဲ့ ခိုးဆိုးလုနှိုက် စတင်ရိုက်ကူး ကတည်းက ဒီလိုဇာတ်လမ်းမျိုးကို ပရိသတ်တွေ အားပေးခဲ့လို့ရှိရင် နောက်ဆက်တွဲ ရိုက်ကူးလို့ရမယ့် ဇာတ်လမ်းမျိုးရှာပြီး ရိုက်ကူးမယ်ဆို ပြီး စဉ်းစားထားတာရှိတယ်။ တကယ်လို့ ပရိသတ်မကြိုက်ခဲ့ဘူး ဆိုရင် တော့ နောက်တစ်မျိုးပြောင်း ရမှာပေါ့။ ထုတ်လုပ်ရေး အနေနဲ့ ကျ တော့လည်း ဇာတ်ကားတစ်ကား ပြီးရင်တစ်ကား ရိုက်ကူးဖို့ စီစဉ် ထား တာတော့ရှိတာပေါ့။ ခိုးဆိုးလုနှိုက်မှာ ကတည်းက သူငယ်ချင်းတွေက ကိုယ်တိုင်ပါဝင် သရုပ်ဆောင်ဖို့ တိုက်တွန်းကြပါတယ်။ ကိုယ်တိုင်က လည်း အနုပညာကို အခြေခံတဲ့ စီးပွားရေးအလုပ် လုပ်တဲ့အခါ ကျတော့ ဒါရိုက်တာကိုယ်တိုင်ကလည်း သရုပ်ဆောင်ခိုင်းတာကို ကိုယ် ကငြင်းခဲ့တယ်ပေါ့။ နောက်ဇာတ်ကားတွေကျရင် ပါဝင်ပြီး သရုပ်ဆောင် မယ်လို့လည်း ပြောဖူးတဲ့ စကားတွေရှိခဲ့တော့ ဒါရိုက်တာကလည်း တော ကျီးကန်းဇာတ်ကားမှာ သရုပ်ဆောင်ဖို့ တိုက်တွန်းတော့ ပါဝင် သရုပ် ဆောင်ဖြစ်သွားတာပါ။ ရှေ့က ဇာတ်ကားမှာလည်း မင်းသားတွေက အဓိကပေါ့နော်။ ဒီဇာတ်ကား မှာလည်း ကိုမြင့်မြတ်နဲ့ ဦးခင်လိူင် တို့က အဓိက ကျပါတယ်။ အစ်မ အနေနဲ့ကတော့ ပါဝင်အားဖြည့်ပေး ရုံသက် သက်ပါပဲ။ အစ်မတိုက်က ထုတ်လုပ်ရိုက်ကူးတာမို့လို့ အစ်မဇာတ်ထင် နေကြမှာစိုးလို့ပါ။ လုံးဝ မဟုတ်ပါဘူး” လို့ပြောပြခဲ့ပါတယ်။
စီပွားရေးတစ်ဖက်နဲ့ အမေကို လည်း ပြုစုစောင့်ရှောက်နေရတဲ့ သူမကတော့ ခုနောက်ပိုင်း အနုပညာ အလုပ်တွေ လျော့နည်းလာတာ တွေ့ရပါတယ်။ အနုပညာကို ဝါသနာပါလို့ အခက်အခဲတွေကြားက လျှောက်လှမ်းလာခဲ့ ၁ဝ နှစ်ကျော် ကာလကို ရောက်ခဲ့ပြီးဖြစ်တဲ့အတွက် အနုပညာအလုပ်ကို မလုပ်ဘဲနေမှာ မဟုတ်ပါဘူး လို့ပြောလာတဲ့ သရုပ် ဆောင် မိုးဟေကိုက . . .
“မိုး အနုပညာအလုပ်တွေ နည်းနည်း လျော့နည်းသွားတာက တော့ အမေနေမကောင်းဘူး။ နောက်တစ်ချက်ကကျတော့ ကိုယ် တိုင်လည်း အနုပညာအလုပ်တွေ လျော့တယ်။ ကိုယ်တိုင်ထုတ်လုပ်တဲ့ ဇာတ်ကားတိုင်းမှာတောင် ပါဝင်သရုပ်ဆောင်မထားဘူး။ အနုပညာ အလုပ်ကတော့ ဘယ်တော့မှ မလုပ်ဘဲနေမှာမဟုတ်ပါဘူး။ ဘာကြောင့် လဲဆိုတော့ ကိုယ်ကဒီအနုပညာ အလုပ်ကို ဝါသနာပါလို့ကို အခက်အ ခဲမျိုးစုံကြားထဲက၊ အတိုက်အခိုက် တွေကြားထဲက လျှောက်လှမ်းလာတာ ၁ဝ နှစ်ကျော် ကာလတစ်ခုကို ရောက်ခဲ့ပြီဆိုတော့လေ။ ကိုယ်ကလည်း အနုပညာ အခြေခံတဲ့ စီးပွားရေးအလုပ်ကိုလုပ်တယ်။ အချိန်ရရင် ရသလို စိတ်ပါရင်ပါသလို သရုပ်ဆောင် အလုပ်ကိုလည်း လုပ်သွားမှာပါ” လို့ပြောပြ ခဲ့ပါတယ်။
သတင်း၊ ဓာတ်ပုံ – ဇော်ဝင်းအောင်