ဘင်္ဂလားဒေ့ရှ်တစ်ဝန်းသွေးလွန်တုပ်ကွေးဖြစ်ပွားမှု မြင့်တက်နေ

ဘင်္ဂလားဒေ့ရှ်နိုင်ငံတစ်ဝန်းတွင် သွေးလွန်တုပ်ကွေးရောဂါကူးစက်မှုနှင့် သေဆုံးမှု သိသိသာသာမြင့်တက်လာပြီး အခြေအနေသည် အလျှင်အမြန်ပင်ဆိုးဝါးလာကြောင်း ကျန်းမာရေးပညာရှင်များက ပြောကြားခဲ့ကာ ခြင်နှိမ်နင်းရေးအစီအမံများကို အရေးတကြီး ညှိနှိုင်းဆောင်ရွက်ခြင်းမလုပ်ပါက ရောဂါပျံ့နှံ့သွားနိုင်ကြောင်း သတိပေးခဲ့သည်။

၂၀၂၅ ခုနှစ်အောက်တိုဘာလ ၆ ရက် နေ့အထိ တစ်နိုင်ငံလုံးတွင် သွေးလွန်တုပ်ကွေးဖြစ်ပွားသူ ၅၀,၆၈၉ ဦးနှင့် သေဆုံးသူ ၂၁၅ ဦးရှိခဲ့ကြောင်း ကျန်းမာရေးဝန် ညွှန်ကြားမှုဦးစီးဌာနက သတင်းထုတ်ပြန်ထားသည်။

ခြင်မှ ကူးစက်သော ရောဂါဖြစ်ပွားမှုသည် စက်တင်ဘာလတွင် ပြင်းထန်‌ေသာ အခြေအနေသို့ ရောက်ရှိခဲ့ပြီးဖြစ်ကာ ရာသီဥတု ပြောင်းလဲမှု၊ မိုးရွာသွန်းမှုအပြင် ရုံးပိတ်ရက်ရှည်နှင့် ခြင်နှိမ်နင်းရေးလုပ်ငန်းစဉ်ကို အနှောင့်အယှက်ဖြစ်စေသည့် ဒေသန္တရအစိုးရ၏ လုပ်ဆောင်ချက်အားနည်းမှုတို့ကြောင့် အောက်တိုဘာလတွင် စိုးရိမ်အဆင့်သို့ ပြောင်းလဲသွားနိုင်ကြောင်း Jahangirnagar တက္ကသိုလ်မှ အင်းဆက်ဗေဒ ပါမောက္ခ ကာဘီရူလ် ဘာရှားက ပြောဆိုသည်။

“အခု မလုပ်ဘူးဆိုရင် အခြေအနေက ထိန်းမနိုင်သိမ်းမရဖြစ်သွားနိုင်ပါတယ်” ဟု ပါမောက္ခ ဘာရှားက ပြောဆိုခဲ့သည်။

ရာသီဥတုဖောက်ပြန်မှုကြောင့် ခြင်ပေါက်ဖွားမှုရာသီ သည်သက်တမ်းရှည်ခဲ့ပြီး သန့်ရှင်းရေးနှင့် ခြင်ဆေးဖျန်းမှု နှောင့်နှေးခြင်းသည် ပြဿနာကို ပိုဆိုးစေခဲ့သည်ဟု ၎င်းက ပြောကြားခဲ့သည်။

Ref: သည်စထရိတ်တိုင်းမ်စ်