မြန်မာသံစဉ် သီချင်းကောင်းတွေကို အမြဲတမ်း ပိုင် ပိုင်နိုင်နိုင်သီဆိုတတ်တဲ့ အဆိုတော်ဖိုးသောကြာက ‘နဂါး နီ’လို့ အမည်ပေးထားတဲ့တေးစီးရီးခွေသစ်ကို ပရိသတ်ကြီး လက်ထဲအရောက်ပို့ပေးတော့မှာ ဖြစ်ပါတယ်။ ‘နဂါးနီ’ တေးစီးရီး အခွေသစ်မိတ်ဆက်ပွဲကို နိုဝင်ဘာလ ၅ ရက် နေ့က ရန်ကုန်မြို့ Orchid Hotel မှာ ကျင်းပပြုလုပ်ခဲ့ ပါတယ်။ ဖခင်ဖြစ်သူရဲ့သီချင်းတွေကို ပြန်လည်သီဆို ထားတဲ့ အဲဒီတေးစီးရီးနဲ့ပတ်သက်ပြီး ဖိုးသောကြာက အခုလို ပြောပါတယ်။
”ဒီအခွေလေးကို ကျွန်တော်စီစဉ်နေတာ သုံးလေး နှစ်လောက်ရှိပြီ။ ကျွန်တော့်အဖေရဲ့ တေးသီချင်းတွေကို ပြန်လည်သီဆိုတာပါ။ ဒီအခွေလေးကို Live Show အနေနဲ့ရိုက်ပြီးတော့ ထုတ်လုပ်ချင်တာဖြစ်တဲ့အတွက် အခုမှထုတ်ဖြစ်တာပါ။ သီချင်းစုစုပေါင်း ၇ ပုဒ်ပါပါတယ်။ တေးရေးဆရာတွေက အလင်္ကာကျော်စွာမြို့မငြိမ်း၊ ဆရာရွှေတိုင်ညွန့်၊ ဆရာရွှေညာမောင်တို့ရေးထားတဲ့ သီချင်းကောင်းတွေပါ။ နဂါးနီဆိုတဲ့သီချင်းက ကျွန်တော်တို့မြန်မာတွေရဲ့ရင်ထဲမှာရှိပြီးသား သီချင်း လေးတစ်ပုဒ်။ နဂါးနီလို့ပြောလိုက်တာနဲ့ အကုန် လုံးကတန်းပြီးတော့သိတယ်။ အန်တီထားဆီက ခွင့်တောင်းပြီးတော့ ဒီသီချင်းလေးကိုသုံးဖြစ်ခဲ့ တာပါ”လို့ ဖိုးသောကြာက ပြောပါတယ်။
မြန်မာသံစဉ်တွေပဲ သီဆိုဖြစ်တာနဲ့ပတ်သက်ပြီးတော့လည်း ဖိုးသောကြာက . . .
”မြန်မာလူမျိုးတွေရဲ့သီချင်း ၊ မြန်မာသံစဉ်တွေဆိုတာ ဒီလိုမျိုး ပါလားဆိုတာသိအောင် ကျွန်တော် ပြန်ဖော် ထုတ်တဲ့သဘောပါ။ ကျွန်တော်တို့လူငယ်တွေမှာဖော်ထုတ်ဖို့ တာဝန်အများကြီးရှိတယ်။ နောက်ပြီးတော့ ကျွန်တော်တို့ သားသမီးတွေ။ ကျွန်တော်ဆိုကျွန်တော့်သမီးလေးကို သီချင်းတွေအကုန်ပေးနားထောင်တယ်။ အခု ခေတ်ပေါ်နေ တဲ့သီချင်းတွေ၊ အင်္ဂလိပ်သီချင်းတွေကအစ နားထောင်ခိုင်းတယ်။ မြန်မာသီချင်းတွေကိုလည်း နားထောင်ခိုင်းတယ်။ ပြီးတော့ ကျွန်တော်က သမီးရေဒါကတော့ ဘာသီချင်း၊ ဒါကတော့ ဘာသီချင်းဆိုပြီးတော့ ရှင်းပြတယ်။ ဒီလို ပြောပြမှ လည်း ကလေးတွေကကြီးလာရင် မြန်မာသံစဉ်၊ မြန်မာသီချင်းတွေဆိုတာ ဒါပါလားဆိုပြီးသိမှာလေ”ဆိုပြီးတော့လည်း ပြောပြခဲ့ပါတယ်။
အဲဒီတေးစီးရီးကို နိုဝင်ဘာလ ၆ ရက်နေ့မှာ စတင်ဖြန့်ချိခဲ့တာ ဖြစ်ပါတယ်။
ခိုင်ဝါဝင်း