မတ် ၁၃ ရက်
မြောက်ကိုရီးယား၏ လက်နက်အစီအစဉ်များအတွက် ရန်ပုံငွေထောက်ပံ့ပေးနေသည့် ကုမ္ပဏီ ၂ ခုနှင့် လူပုဂ္ဂိုလ် ၆ ဦးကို အမေရိက က ဒ-ဏ်ခတ်ပိ-တ်ဆို့လိုက်ကြောင်း သိရသည်။ အဆိုပါ ကုမ္ပဏီများနှင့် လူပုဂ္ဂိုလ်များသည် ပြည်ပနိုင်ငံများရှိ အိုင်တီလုပ်သားများကို အသုံးပြု၍ မြောက်ကိုရီးယားအတွက် ငွေကြေးရှာဖွေပေးနေသည့် လုပ်ငန်းစဉ်များတွင် ပါဝင်ပတ်သက်နေခြင်းကြောင့် အမေရိက က အရေးယူခဲ့ခြင်းဖြစ်ကြောင်း သိရသည်။
မြောက်ကိုရီးယားအစိုးရက စီစဉ်ညွှန်ကြားထားသည့် အဆိုပါ အစီအစဉ်များသည် အမေရိကန် စီးပွားရေးလုပ်ငန်းများကို စနစ်တကျ လိမ်လည်လှည့်ဖြားခဲ့ပြီး ၂၀၂၄ ခုနှစ်အတွင်း အမေရိကန်ဒေါ်လာ သန်း ၈၀၀ နီးပါး အပါအဝင် မြောက်ကိုရီးယား၏ လက်နက်အစီအစဉ်များအတွက် ရန်ပုံငွေများကို ရှာဖွေပေးခဲ့ကြောင်း ဘဏ္ဍာရေးဝန်ကြီးဌာနက ပြောကြားခဲ့သည်။
ထို့ပြင် မြောက်ကိုရီးယားနှင့် ဆက်နွှယ်နေသည့် လုပ်သားများသည် ကုမ္ပဏီများ၏ လျှို့ဝှက်ချက်များကို ခိုးယူရန်အတွက် ကုမ္ပဏီကွန်ရက်များအတွင်းသို့ မလိုလားအပ်သော ဆော့ဖ်ဝဲလ် (မဲဝဲလ်) များ ထည့်သွင်းခဲ့ကြောင်းလည်း ဝန်ကြီးဌာနက စွပ်စွဲခဲ့သည်။
“မြောက်ကိုရီးယားအစိုးရဟာ သူတို့ရဲ့ ပြည်ပအိုင်တီအေးဂျင့်တွေကတစ်ဆင့် လိမ်လည်လှည့်ဖြားတဲ့ နည်းလမ်းတွေနဲ့ အမေရိကန်ကုမ္ပဏီတွေကို ပ-စ်မှတ်ထားနေပါတယ်။ သူတို့ဟာ အရေးကြီးတဲ့ အချက်အလက်တွေကို လက်နက်သဖွယ် အသုံးပြုပြီး စီးပွားရေးလုပ်ငန်းတွေဆီကနေ ငွေကြေးအမြောက်အမြားကို ခြိမ်းခြောက်တောင်းခံနေကြတာပါ” ဟု ဘဏ္ဍာရေးဝန်ကြီး စကော့ဘတ်ဆင့်က ကြာသပတေးနေ့ သတင်းထုတ်ပြန်ချက်တွင် ပြောကြားထားသည်။
ယင်းကဲ့သို့သော မြောက်ကိုရီးယား၏ လုပ်ဆောင်ချက်များကို အမေရိကန်အစိုးရအနေဖြင့် ဆက်လက် နှိမ်နင်းသွားမည်ဖြစ်ကြောင်းလည်း ဘတ်ဆင့်က ပြောကြားထားပါသည်။
Ref: ဆော့သ်ချိုင်းနားမောနင်းပို့စ်