နစက မှ ဖွဲ့စည်းပုံအခြေခံဥပဒေပုဒ်မ ၄၁၉ အရ နိုင်ငံတော် လုံခြုံရေး၊ တရားဥပဒေစိုးမိုးရေးနှင့် အများပြည်သူအေးချမ်းသာယာရေးတို့ကို အ ထောက်အကူပြုစေရန်အပါအဝင် ရည်ရွယ်ချက် (၅)ရပ်ဖြင့် ပုဂ္ဂလိကလုံခြုံရေးဝန်ဆောင်မှုဆိုင် ရာဥပဒေကို နိုင်ငံတော်စီမံအုပ်ချုပ်ရေးဆိုင်ရာဥ ပဒေအမှတ် ၄/၂၀၂၅ ဖြင့် ဖေဖော်ဝါရီ ၁၈ ရက်ကပြဌာန်းခဲ့သည်။
ထိုသို့ ပြဌာန်းခဲ့ပြီးနောက် ပြည်ထဲရေးဝန်ကြီးဌာ န ပြည်ထောင်စုဝန်ကြီးမှ ဥက္ကဋ္ဌအဖြစ်တာဝန်ယူရမည့် ပုဂ္ဂလိကလုံခြုံရေးဝန်ဆောင်မှုကြီးကြပ်ကွတ်ကဲရေးဗဟိုကော်မတီဖွဲ့စည်းသွားမည်ဖြစ် သည်။
အဆိုပါ ဗဟိုကော်မတီ၌ ပြည်ထဲရေးဝန်ကြီးဌာ န၏ ရဲချုပ်မှ ဒု-ဥက္ကဋ္ဌ၊ ပြည်ထဲရေးဝန်ကြီးဌာန၊ မြန်မာနိုင်ငံရဲတပ်ဖွဲ့၏ ဒု-ရဲချုပ်မှ အတွင်းရေးမှူး၊ ပြည်ထဲရေးဝန်ကြီးဌာန၊ မြန်မာနိုင်ငံရဲတပ်ဖွဲ့၏ ရဲဦးစီးအရာရှိရှိချုပ်မှ တွဲဖက်အတွင်းရေးမှူးတို့အဖြစ် တာဝန်ယူရမည်ဖြစ်သည်။
ထို့ပြင် ဗဟိုကော်မတီ၌ အဖွဲ့ဝင်(၁၂)ဦးပါဝင်မည်ဖြစ်ကာ ဗဟိုကော်မတီအောက်တွင် တိုင်းနှင့်ပြည်နယ်အလိုက် ကြီးကြပ်ကွတ်ကဲရေးကော်မ တီများကိုလည်း ဖွဲ့စည်းသွားမည်ဖြစ်ပြီး ပြဌာန်းခဲ့သည့် ပုဂ္ဂလိကလုံခြုံရေးဝန်ဆောင်မှုလုပ်ငန်းဆောင်ရွက်လိုသည့် ပြည်တွင်း/ပြည်ပကုမ္ပဏီများအနေဖြင့် နိုင်ငံတော်၏ လုံခြုံရေးနှင့် တရားဥပဒေစိုးမိုးရေးကို ပျက်ပြားစေမည့် ကျော်ဇောသတင်းရှိသော ကုမ္ပဏီမဖြစ်စေရအပါအဝင် စည်းကမ်းချက်(၄)ချက်ဖြင့်ကိုက်ညီပါက သက် ဆိုင်ရာ ကြီးကြပ်ကွတ်ကဲရေးကော်မတီသို့လို အပ်သည့် စာရွက်စာတမ်းအထောက်အထားများပြည့်စုံစွာဖြည့်စွက်၍ လိုင်စင်လျှောက်ထားနိုင် သည်။
ယင်း လိုင်စင်သက်တမ်းသည် စတင်ထုတ်ပေးသည့်ရက်မှစ၍ (၃)နှစ်သက်တမ်းရှိကာ သက် တမ်းတိုးရန်ပျက်ကွက်ပါက လိုင်စင်ပယ်ဖျက်သွားမည်ဖြစ်ပြီး လိုင်စင်ရ ပုဂ္ဂလိကနိုင်ငံခြားကု မ္ပဏီများသည် ဝန်ထမ်းခန့်ထားရာ၌ မြန်မာနိုင်ငံသား အနည်းဆုံး(၇၅)ရာခိုင်နှုန်းခန့်ထားရမည်ဖြစ်ပြီး လိုင်စင်ရရှိထားသော ပြည်တွင်း/ပြည်ပ ပုဂ္ဂလိကလုံခြုံရေးကုမ္မဏီများသည် ဗဟိုကော်မ တီ၏ခွင့်ပြုချက်မရှိဘဲ လုံခြုံရေးအထောက်အ ကူပြုပစ္စည်းများကို ဝယ်ယူခြင်း၊ ရောင်းချခြင်း၊ လက်ဝယ်ထားခြင်းမပြုရဟုလည်း ပြဌာန်းထား သည်။
ထို့အတူ လိုင်စင်ရ ပြည်တွင်း/ပြည်ပ ပုဂ္ဂလိကလုံခြုံရေးဝန်ဆောင်မှုကုမ္ပဏီများ၊ အဖွဲ့အစည်းများအနေဖြင့် ပြဌာန်းထားသည့် တားမြစ်ချက်များအား ဖောက်ဖျက်ကျူးလွန်ပါက ငွေဒဏ် အ နည်းဆုံးကျပ်သိန်း(၁၀၀၀)မှ အများဆုံးကျပ်သိန်း(၃၀၀၀)အထိ၊ ထောင်ဒဏ် အနည်းဆုံး(၁) နှစ်မှ အများဆုံး ထောင်ဒဏ်(၃)နှစ်အထိ အမြင့်ဆုံးပြစ်ဒဏ်များအပါအဝင် ပြစ်ဒဏ်အလိုက် ငွေ ဒဏ်များ၊ ထောင်ဒဏ်များချမှတ်ရန်လည်း ပြ ဌာန်းထားသည်။