နစက မှချမှတ်ထားသည့် ရှေ့လုပ်ငန်းစဥ်(၅)ရပ်နှင့် ဦးတည်ချက်(၉)ရပ်ကို ပိုမိုမြန်ဆန်ထိရောက်စွာ အကောင်အထည် ဖော်ဆောင်ရန် ပြည်ထောင်စုအစိုးရအဖွဲ့ကို ဖွဲ့စည်းပုံအခြေခံဥပဒေပုဒ်မ ၄၁၉ အရ ယနေ့ ဇန်နဝါရီ (၃၁) ရက်တွင် အမိန့်အမှတ် ၈/၂၀၂၅ ဖြင့် ပြင်ဆင်ဖွဲ့စည်းခဲ့သည်။
ပြင်ဆင်ဖွဲ့စည်းခဲ့သည့် ပြည်ထောင်စုအစိုးရအဖွဲ့အား ဗိုလ်ချုပ်မှူးကြီးမင်းအောင်လှိုင်မှ နိုင်ငံတော်ဝန်ကြီးချုပ်အဖြစ် ဆက်လက်ဦးဆောင်သွားမည်ဖြစ်ကာ ဒု-ဗိုလ်ချုပ်မှူးကြီး စိုးဝင်းက ဒု- ဝန်ကြီးချုပ်အဖြစ် တာဝန်ယူသွားမည်ဖြစ်သည်။
ထို့ပြင် ဗိုလ်ချုပ်ကြီးတင်အောင်စန်းသည် ဒု-ဝန်ကြီးချုပ်နှင့် နိုင်ငံတော်ဝန်ကြီးချုပ်ရုံး၏ ပြည်ထောင်စုဝန်ကြီး၊ ဗိုလ်ချုပ်ကြီးမြထွန်းဦးသည် ဒု-ဝန်ကြီးချုပ်နှင့် ပို့ဆောင်ရေးနှင့်ဆက်သွယ်ရေးဝန်ကြီးဌာန ပြည်ထောင်စုဝန်ကြီး၊ ဗိုလ်ချုပ်ကြီးမောင်မောင်အေးသည် ဒု-ဝန်ကြီးချုပ်နှင့် ကာကွယ်ရေးဝန်ကြီးဌာန ပြည်ထောင်စုဝန်ကြီး၊ ဦးဝင်းရှိန်သည် ဒု-ဝန် ကြီးချုပ်နှင့် စီမံကိန်းနှင့်ဘဏ္ဍရေးဝန်ကြီးဌာန ပြည်ထောင်စုဝန်ကြီး၊ ဦးသန်းဆွေသည် ဒု-ဝန်ကြီးချုပ်နှင့် နိုင်ငံခြားရေး ဝန်ကြီးဌာန ပြည်ထောင်စုဝန်ကြီးတို့အဖြစ် တာဝန်ယူ သွားမည်ဖြစ်သည်။
ထို့အတူ ဒု-ဗိုလ်ချုပ်ကြီးထွန်းထွန်းနောင်၊ ဗိုလ် ချုပ်ကြီးမိုးအောင်၊ ဦးကိုကိုလှိုင်၊ ဦးမောင်မောင်တင့်၊ ဦးအောင်ကျော်ဟိုး၊ ဒု-ဗိုလ်ချုပ်ကြီးရာပြည့်၊ ဒေါက်တာကံဇော်၊ ဒေါက်တာသီတာဦး၊ ဦးမောင်မောင်အုန်း၊ ဦးတင်ဦးလွင်၊ ဦးမင်းနောင်၊ ဦးလှမိုး၊ ဦးခင်မောင်ရီ၊ ဦးဥာဏ်ထွန်း၊ ဦးကိုကိုလွင်၊ ဒေါက်တာချာလီသန်း၊ ဦးမြင့်ကြိုင်၊ ဦးချစ်ဆွေ၊ ဦးထွန်းအုံ၊ဒေါက် တာညွှန့်ဖေ၊ ဒေါက်တာမျိုးသိန်းကျော်၊ ဒေါက်တာသက်ခိုင်ဝင်း၊ Jeng Phang နော်တောင်၊ ဦးမျိုးသန့်၊ ဒေါက်တာစိုးဝင်း၊ ဦးကျော်စိုးဝင်းနှင့် ဦးခွန်သန့်ဇော်ထူးတို့သည် ပြည်ထောင်စုဝန်ကြီးများအဖြစ် တာဝန်ယူသွားမည်ဖြစ်သည်။
ထို့ပြင် ပြည်ထောင်စုအစိုးရအဖွဲ့ရုံး၏ အမြဲတမ်းအတွင်းဝန်အဖြစ် ဦးဇော်သန်းသင်းမှ တာဝန်ယူ ဆောင်ရွက်သွားမည်ဖြစ်သည်။