စိမ်းလန်းစိုပြေသည့်ပတ်ဝန်းကျင်၊ အေးမြသာယာသည့် ရာသီဥတုတို့နှင့်အတူ ပြင်ဦးလွင်ဒေသအား ကျန်း မာရေးမြို့တော်၊ ကော်ဖီမြို့တော်ဖြစ်စေရေးအတွက် အကောင်အထည်ဖော်စီမံဆောင်ရွက်နေသည်ဟု နိုင်ငံ တော်သမ္မတ ဦးမင်းအောင်လှိုင် ကပြောသည်။
နိုင်ငံတော်သမ္မတ က ဇူလိုင် ၁၀ ရက်နေ့လည်ပိုင်းတွင် ပြင်ဦးလွင်မြို့ရှိ မြို့မိမြို့ဖများအားတွေ့ဆုံ၍ ဒေသဖွံ့ ဖြိုးတိုးတက်ရေးဆိုင်ရာများနှင့် မြို့၏အစဉ်အလာကောင်းများအား စဉ်ဆက်မပြတ်ထိန်းသိမ်းနိုင်ရေး ဆွေးနွေးမှာကြားစဥ် ထည့်သွင်းပြောကြားခဲ့ခြင်းဖြစ် သည်။
ပြင်ဦးလွင်ဒေသမှထွက်ရှိသည့် ကော်ဖီထုတ်ကုန်များ သည် ပြည်တွင်း/ပြည်ပ၌ နာမည်ကောင်းရပြီးဖြစ်ကာ စျေးကွက်လိုအပ်ချက်ရှိသည့် ထုတ်ကုန်တစ်ခုဖြစ် သည်ဟု ပြောကြားသည်။
ထို့ပြင် လူတစ်ဦးချင်းစီအလိုက် စားသောက်နေထိုင်ရေးအဆင်ပြေချောမွေ့စေရန် ကုန်ထုတ်လုပ်မှုလုပ်ငန်းများကို မဖြစ်မနေအားပေးဆောင်ရွက်ရမည်ဖြစ်ကာ ထုတ်ကုန်ပစ္စည်းများရှိမှသာ ရောင်းကုန်ပစ္စည်းများရရှိမည်ဖြစ်ပြီး ငွေကြေးလည်ပတ်မှုဖြစ်ပေါ်စေမည်ဟု ပြောကြားသည်။
ပြင်ဦးလွင်ဒေသနေထိုင်သူများ စားရေရိက္ခာဖူလုံမှုရှိစေရေး စိုက်ပျိုးမွေးမြူရေးလုပ်ငန်းများကို စနစ်တကျလျာထားတွက်ချက်ဆောင်ရွက်ရန်၊ သောက်သုံးရေလုံ လောက်စွာရရှိရေး စီမံဆောင်ရွက်ပေးလျက်ရှိရာ ဆည် ၊ တမံ၊ ချောင်းများ၏ ရေအရင်းအမြစ်နေရာများကို စ နစ်တကျထိန်းသိမ်းဆောင်ရွက်ရန်၊ သာယာလှပမှုနှင့် စိမ်းလန်းစိုပြေမှုကိုအထောက်အကူပြုသော ချယ်ရီပင်များကို ချယ်ရီပင်များကို ပြန်လည်စိုက်ပျိုးရန်၊ မြို့ပြလုံခြုံရေးအတွက် လုံခြုံရေးအသိ၊ လုံခြုံရေးသတိအမြဲရှိနေရန်တို့ကိုလည်း နိုင်ငံတော်သမ္မတက မှာကြားခဲ့သည်။
ထို့နောက် နိုင်ငံတော်သမ္မတသည် အမျိုးသားကန်တော်ကြီးဥယျာဥ်၌ စိမ်းလန်းစိုပြေရေးဆောင်ရွက်ထားရှိမှု၊ ဝါးပင်လျှောက်လမ်းဆောင်ရွက်ထားရှိမှု၊ ရုရှားနိုင်ငံ၊ နိုဗာစီဗစ်ဒေသအစိုးရအဖွဲ့မှ ချစ်ကြည်ရင်းနှီးသည့်ဆက် ဆံရေး ပိုမိုခိုင်မာစေရန်နှင့် မြန်မာနိုင်ငံအပေါ် အလေးအနက်ထားလေးစားမှုရှိကြောင်း ဖော်ညွှန်းသည့်အနေဖြင့် လက်ဆောင်ပေးအပ်ခဲ့သည့် “ဆိုက်ဘေးရီးယား စီတာ”ပျိုးပင်စိုက်ပျိုးထားမှု၊ အမျိုးသားကန်တော်ကြီးဥယျာဥ်နှစ်(၁၀၀)ပြည့်အထိမ်းအမှတ် ချယ်ရှိပင်စိုက်ပျိုးထားမှုနှင့် ခရိုင်အားကစားကွင်း၌ ရေကူးကန်တည် ဆောက်ရန်မြေနေရာလျာထားမှုတို့ကိုကြည့်ရှုစစ်ဆေးခဲ့သည်။