ဆရာ မေတ္တာရှင် (ရွှေပြည်သာ) က စာပေရေးသားခြင်း၊ ထုတ်ဝေခြင်း နဲ့ ဖြန့်ချိခြင်းလုပ်ငန်းတွေကိုပါ လုပ်ကိုင်လျက်ရှိပါတယ်။ သူ့အနေနဲ့ ရဟန်းဘဝမှာ ဘာသာရေးဆိုင်ရာ စာပေတွေ အောင်မြင်စွာရေးသားခဲ့သလို လက်ရှိအချိန်မှာလည်း ဝတ္ထုတိုတွေ ရေးသားလျက်ရှိပါတယ်။ မိဘ မေတ္တာရသစု၊ ဖယောင်းတစ်တိုင်၏ အလင်းရောင်၊ လူသတ်သမား ကရု ဏာစတဲ့ စာအုပ်တွေ ထွက်ရှိခဲ့ပြီး ဖြစ်သလို ဖေဖော်ဝါရီလ အတွင်းမှာတော့ သူ့ရဲ့စာအုပ်သစ်ထွက်ရှိလာတော့မယ်လို့ သိရပါတယ်။
” တချို့ကလည်း ဆရာဝတ္ထုရေး တော့ ပြောကြတာပေါ့နော်။ ရဟန်းဘဝအကြောင်းတွေ ထပ်လျက်ပါတယ် ဆိုပြီးတော့ပေါ့။ တကယ်တော့လည်း အဲဒါက ဆရာ့အနေနဲ့ အပြစ်လို့ မမြင် ဘူး။ ဝတ္ထုရေးတဲ့ဆရာဆိုတာ သူ့ဘဝ၊ သူ့ပတ်ဝန်းကျင်အကြောင်း ရေးရတာကိုး။ ဆရာက ဒီသာသနာ့ဘောင်မှာ နှစ်၎ဝနီးပါး နေခဲ့တော့ ဒီအငွေ့ အသက်တော့ မကင်းပါဘူး။ ဒါပေမဲ့လို့ အဲဒီအထဲကပဲ အခုလူ့ဘဝနဲ့ပတ်သက် တဲ့ကောင်းတဲ့အကြောင်းတွေပေါ့။ ” အကောင်းမစားနိုင်သူ” ဆိုပြီးတော့ ဝတ္ထုတို ရေးထားတယ်။ အကောင်းမစားနိုင်သူဆိုတာ အမှန်တော့ ဆရာ့အကြောင်းပြန်ရေးတာပါပဲ။ ဆရာက ကျောင်းသား ၂ဝလောက်ကို ပညာသင်စရိတ် ထောက် ပံ့နေတယ်။ အဲဒီလိုထောက်ပံ့နိုင်ဖို့ ဘာလုပ်ရ လဲဆိုတော့ ကိုယ်သုံးမယ့်ဟာတွေလျှော့ရတယ်။ စားသောက်ဆိုင်သွားပြီး ကိုယ်စားဖူးချင်တဲ့ ဟင်းက ရှစ်ထောင်ကျော်ဆိုတော့ မစားနိုင်ခဲ့ဘူး။ ပိုက်ဆံတော့ရှိတယ်။ မစားရက်တာ။ ပေးချင်တဲ့စိတ်ပေါ့။ ဒါကို ဝတ္ထုတစ်ပုဒ်ရေးထားတယ်။ “ရုပ်ဆိုးပေးတဲ့ ဝေဒနာနှင့် အခြားဝတ္ထုတိုများ” ဆိုပြီး ဖေဖော်ဝါရီလမှာ ထွက်ရှိလာမှာပါ” လို့ မေတ္တာ ရှင်(ရွှေပြည်သာ)က သူ့ရဲ့ စာအုပ်သစ် ထွက်ရှိမယ့်အကြောင်း ပြောပြခဲ့ပါ တယ်။ လက်ရှိမှာတော့ ဆရာမေတ္တာ ရှင်(ရွှေပြည်သာ)က ဝတ္ထုတိုအပြင် လုံးချင်းဝတ္ထုတွေ ရေးသားဖို့အစီအစဉ်ရှိပြီး သူရေးသားတဲ့စာအုပ်တွေနဲ့ စာဖတ်ပရိသတ်အပေါ်ထားရှိ တဲ့စိတ်အကြောင်းပြောကြားရာမှာတော့ ..
” ဆရာက စာရေးလို့ရှိရင် လူ တွေလိုအပ်တာပဲရေးမယ်လို့ ဆုံးဖြတ်ထားတယ်။ ပိုက်ဆံအတွက်တော့ မရေးဘူး။ ဘာဖြစ်လို့လဲဆိုတော့ စာဖတ်တယ်ဆိုတာက သူတို့ရဲ့ ငွေ ရယ်၊ အချိန်ရယ်ပေးဆပ်ရတယ်။ အချိန်ကို ဆရာက အသက်လို့ မှတ် တယ်။ ဘာဖြစ်လို့လဲဆိုတော့ စက္ကန့် တွေ၊ မိနစ်တွေ၊ နေ့၊ ရက်၊ လတွေ ပေါင်းလိုက်ရင် အသက်ဖြစ်သွားတာ ကိုး။ ဒါကြောင့် အသက်နဲ့ အချိန်က အတူတူပဲ။ ဒီစာအုပ်တစ်အုပ် ဖတ် တဲ့အခါ သူတို့က သူတို့အသက်ကို ပေးဖတ်ရတာ။ ဒါကြောင့် ဆရာတို့ စာရေးဆရာတွေက တန်အောင်ပေးသင့်တယ်” လို့ ဆရာ မေတ္တာရှင် (ရွှေ ပြည်သာ)က သူ့ရဲ့စာပေအပေါ်ထားရှိတဲ့ စိတ်ထားကို ပြောပြခဲ့ပါတယ်။
မျိုးကျော် (ကနောင်သွေး)