နွေရာသီ ပူပြင်းခြောက်သွေ့သည့် လေပြင်းတိုက်ခတ်နိုင်ခြင်းကြောင့် မီးဘေးအန္တရာယ် အထူးဂရုပြုနေထိုင်ရန် လိုအပ်ဟုဆို

၂၀၂၅ ခုနှစ် နွေရာသီမှာ အပူချိန် မများနိုင်သော်လည်း နွေ ရာသီကာလ ဖြစ်လေ့ရှိသော ပူပြင်းခြောက်သွေ့သည့် လေ ပြင်းတိုက်ခတ်နိုင်ခြင်းကြောင့် မီးဘေးအန္တရာယ်ကို အထူးဂရုပြုနေထိုင်ရန် လိုအပ်ကြောင်း ပြင်ပမိုးလေဝသပညာရှင် ဦးဝင်းနိုင်၏ ခန့်မှန်း ပြောဆိုချက်အရ သိရသည်။

လက်ရှိ နွေရာသီကာလအတွင်းသို့ ဝင်ရောက်လာနေပြီဖြစ်သောကြောင့် နေ့အပူချိန်များ တဖြည်းဖြည်း မြင့်တက်လာသော်လည်း အယ်လ်နီညိုဖြစ်ခဲ့သည့် ၂၀၂၄ ခုနှစ်လောက် ၂၀၂၅ ခုနှစ် နွေရာသီတွင် အပူချိန်မများနိုင်ကြောင်းလည်း ၎င်းက သုံးသပ်ရေးထားသည်။

၂၀၂၅ ခုနှစ် ဧပြီလအတွင်း ဖြစ်လာနိုင်သည့် အပူချိန်ကြို တင်ခန့်မှန်းချက်အရ မန္တလေးတိုင်း၊ ဧရာဝတီတိုင်း၊ ရခိုင် ပြည်နယ်၊ မကွေးတိုင်း၊ ရှမ်းပြည်နယ် မြောက်ပိုင်း၊ ချင်းပြ ည်နယ်၊ စစ်ကိုင်းတိုင်းနှင့် ကချင်ပြည်နယ်တို့တွင် ဧပြီလ၏ ပျမ်းမျှဖြစ်မြဲ အပူချိန်အထက် ဝ.၅°C မှ ၁°C အထိ ပိုမိုပူပြ င်းနိုင်သော်လည်း ယမန်နှစ်ထက် ၁°C ခန့် လျော့နည်းနိုင်ကြောင်း ၎င်းက ဆိုသည်။

အလားတူ နေပြည်တော်၊ ရန်ကုန်တိုင်း၊ ပဲခူးတိုင်း၊ ရှမ်းပြည် နယ် တောင်ပိုင်းနှင့် အရှေ့ပိုင်း၊ ကယားပြည်နယ်၊ ကရင်ပြ ည်နယ်၊ မွန်ပြည်နယ်၊ တနင်္သာရီတိုင်းတို့တွင် ဧပြီလ၏ ပျမ်း မျှဖြစ်မြဲအပူချိန်များအထက် ဝ.၂°C မှ ဝ.၅°C အထိ ပိုမိုပူ ပြင်းနိုင်ပြီး ပြီးခဲ့သည့် ၂၀၂၄ အယ်လ်နီညိုနှစ် အပူချိန်များထက် ၁.၅°C ခန့်လျော့နည်းနိုင်ကြောင်း ဦးဝင်းနိုင်က ခန့်မှ န်းထားသည်။

ထို့ပြင် ရှမ်းပြည်နယ် မြောက်ပိုင်း၊ ကချင်ပြည်နယ်နှင့် စစ် ကိုင်းတိုင်း အထက်ပိုင်းတို့တွင် ဧပြီလ၏ ပျမ်းမျှ ဖြစ်မြဲအပူချိန်အထက် ၁°C မှ ၁.၅°C အထိ အပူချိန်ပိုမိုနိုင်ကြော င်းနှင့် အယ်လ်နီညိုဖြစ်ခဲ့သော ၂၀၂၄ ခုနှစ်က အပူချိန်များထက် ပူပြင်းမှု လျော့နည်းနိုင်မည်ဟုလည်း ၎င်းက ဆိုသ ည်။

သို့သော် နွေရာသီကာလအတွင်း ဖြစ်လေ့ရှိသည့် ပူပြင်းခြောက်သွေ့မှုကြောင့် အပူချိန် ၄၀°C ဝန်းကျင်အထိ ဖြစ် လာနိုင်ပြီး အပူရှိန်နှင့် ခြောက်သွေ့သည့် လေပြင်းတိုက်ခတ်နိုင်ခြင်းကြောင့် မီးဘေးအန္တရာယ်ကို ပေါ့ဆ၍ မရကြောင်း ၎င်းက သတိပေးရေးသားထားသည်။