နောင်ကျင်းပမည့် ရွေးကောက်ပွဲများတွင် PR စ နစ်ကျင့်သုံးရန် နိုင်ငံရေးပါတီ ၇၁ ပါတီဖြင့် ၄ ကြိမ်ဆွေးနွေးပြီးနောက် သဘောတူခဲ့ဟု UEC ဥက္ကဋ္ဌဦးသိန်းစိုးပြော
အချိုးကျကိုယ်စားပြုစနစ်(Proportional Representation System – PRs)ပြောင်းလဲကျင့် သုံးနိုင်ရန် လက်ရှိတည်ဆဲ နိုင်ငံရေးပါတီ ၇၁ ပါ တီနှင့် ၄ ကြိမ်ဆွေးနွေးခဲ့ပြီးနောက် နောင်ကျင်းပမည့် ရွေးကောက်ပွဲများတွင် PR စနစ် ပြောင်းလဲကျင့်သုံးရန်သဘောတူညီခဲ့သည်ဟု ပြောသည်။
ထိုသို့ ကျင့်သုံးရာတွင် မဲဆန္ဒရှင်ပြည်သူများ ရိုးရှင်းလွယ်ကူစွာ မဲပေးနိုင်မည့် Close List PR စနစ်အား ကျင့်သုံးရန်ကိုလည်း သဘောတူခဲ့ကြပြီး ပြဋ္ဌာန်းထားသည့် သက်ဆိုင်ရာလွှတ်တော်ရွေး ကောက်ပွဲဥပဒေ၊နည်းဥပဒေများနှင့်နိုင်ငံရေးပါ တီများမှတ်ပုံတင်ခြင်းဆိုင်ရာဥပဒေ၊နည်းဥပဒေများကို PR စနစ်နှင့်လိုက်လျောညီထွေဖြစ်စေရန် ပြည်ထောင်စုရွေးကောက်ပွဲကော်မရှင်က ပြင် ဆင်ဆောင်ရွက်ခဲ့ပြီး ပြဋ္ဌာန်းနိုင်ရန်အတွက် လုပ် ငန်းစဉ်အတိုင်းဆောင်ရွက်လျက်ရှိသည်ဟု ပြော သည်။
UEC ဥက္ကဋ္ဌဦးသိန်းစိုးက ပြည်ထောင်စုရွေး ကောက်ပွဲကော်မရှင်နှင့်ကော်မရှင်အဖွဲ့ခွဲရုံးအဆင့် ဆင့်တို့တွင် တာဝန်ထမ်းဆောင်မည့် အမှုထမ်း(ဒု တိယဦးစီးမှူး)များ လုပ်ငန်းခွင်အကြိုစွမ်းရည်မြှင့် သင်တန်းအမှတ်စဉ် ( ၅ / ၂၀၂၂ ) သင်တန်းဆင်းပွဲတွင် ပြောကြားခဲ့ခြင်းဖြစ်သည်။
UEC အနေဖြင့် ၂၀၂၀ ပြည့်နှစ် အထွေ ထွေရွေးကောက်ပွဲ၏ မဲစာရင်းမှားယွင်းမှုများအား စစ်ဆေးခြင်း၊မြေပြင်ကွင်းဆင်း၍ မဲလက် မှတ်များစစ်ဆေးခြင်း၊မဲမသမာမှုပြုလုပ်သူများ ပါဝင်ပတ်သက်သူများကို စစ်ဆေးအရေးယူခြင်းများပြုလုပ်ခဲ့သည်ဟု ပြောသည်။
နိုင်ငံရေးပါတီများ၏ ပါတီရန်ပုံငွေ၊ငွေ ကြေးနှင့်ပစ္စည်းများ၊စာရင်းများအား စစ်ဆေးခြင်းတို့အား ပြည်ထောင်စုရွေးကောက်ပွဲကော်မ ရှင် အဖွဲ့ဝင်များကဦးဆောင်၍ ပြည်ထဲရေးဝန် ကြီးဌာန၊စီမံကိန်းနှင့်ဘဏ္ဍာရေးဝန်ကြီးဌာန၊ပြည် ထောင်စုစာရင်းစစ်ချုပ်ရုံးတို့မှ ဝန်ထမ်းများပါ ဝင်၍ ဥပဒေနှင့်အညီ တည်ဆဲနိုင်ငံရေးပါတီ ၉၂ ပါတီအနက် ၈၅ ပါတီအား စစ်ဆေးခဲ့ပြီးဖြစ်သည်ဟု ပြောသည်။
ထို့ပြင် မဲဆန္ဒရှင်စာရင်းပြည့်စုံမှန်ကန်ရေးအ တွက် တစ်နိုင်ငံလုံးအတိုင်းအတာအနေဖြင့် Pilot Project ရေးဆွဲ၍ မြေပြင်လူဦးရေစာရင်းနှင့် တိုက်ဆိုင်စစ်ဆေးပြီးသည့် မြို့နယ်များ၏ စာ ရင်းများကို ကနဦး မဲဆန္ဒရှင်စာရင်းများ စိစစ်ခြင်းစနစ်( IVLS Software )နှင့်ပြန်လည်စိစစ်ခဲ့ပြီး သက်ဆိုင်ရာ မြို့နယ်ရွေးကောက်ပွဲကော်မရှင်အဖွဲ့ခွဲများမှ အထွေထွေအုပ်ချုပ်ရေးဦးစီးဌာန၊လူ ဝင်မှုကြီးကြပ်ရေးဦးစီးဌာနတို့နှင့်ထပ်မံညှိ နှိုင်း၍ ပြင်ဆင်၊ဖြည့်စွက်၊ပယ်ဖျက်ခြင်းများကို လစဉ် Update ဆောင်ရွက်လျက်ရှိသည်ဟု ပြောသည်။