နေပြည်တော်တွင် ဆိုင်ကယ်များ လိုက်လံခိုးယူသူနှစ်ဦးအား ဆိုင်ကယ် ၁၉ စီးနှင့်အတူ ဖမ်းမိ

နေပြည်တော်၊ စက်တင်ဘာ ၉

နေပြည်တော်ကောင်စီနယ်မြေအတွင်း မော်တော်ဆိုင်ကယ်များ လိုက်လံခိုးယူခဲ့သည့် အမျိုးသားနှစ်ဦးကို သက်သေခံမော်တော်ဆိုင်ကယ် ၁၉ စီးနှင့်အတူ ဖော်ထုတ်ဖမ်းဆီးရမိခဲ့ကြောင်း ရဲတပ်ဖွဲ့ထံမှ သိရသည်။

ဖြစ်စဉ်မှာ မေ ၁၂ ရက် နံနက်ပိုင်းတွင် ပျဉ်းမနားမြို့နယ်၊ စက်ရုံကျေးရွာနေ မထက်ထက်ဖြိုးသည် Honda Wave-100 အမျိုးအစား မော်တော်ဆိုင်ကယ်ကို ဈေးကုန်းကျေးရွာရှိ ဆင်‌ေ-သဈေးအနီး၌ ရပ်ထားခဲ့ပြီး ဈေးဝယ်သွားရာမှ ပြန်လာစဉ် ဆိုင်ကယ်ပျေ-ာက်ဆုံးနေသည်ကို တွေ့ရှိခဲ့သည်။

ယင်းဖြစ်စဉ်နှင့်ပတ်သက်၍ ပျဉ်းမနားမြို့မရဲစခန်း၌ (ပ)၁၄၅/၂၀၂၆၊ ရာဇသတ်ကြီးပုဒ်မ ၃၇၉ ဖြင့် အမှုဖွင့်၍ စုံစမ်းစစ်ဆေးခဲ့သည်။

ရဲတပ်ဖွဲ့က သတင်းရယူစုံစမ်းမှုများ ဆောင်ရွက်ခဲ့ရာ စက်တင်ဘာ ၁ ရက် ညပိုင်းတွင် ပြစ်မှုကျူးလွန်သူများဖြစ်သည့် ပျဉ်းမနားမြို့နယ်၊ ညောင်ပင်သာကျေးရွာနေ လမင်းဇော်နှင့် ဥယျာဉ်စုရပ်ကွက်နေ ဇင်ရဲထွန်း (ခ) ရဲထွန်းတို့ကို ၎င်းတို့၏ နေအိမ်အသီးသီး၌ ဖမ်းဆီးရမိခဲ့သည်။

ဖမ်းဆီးရမိသူနှစ်ဦးအား ဆက်လက်စစ်ဆေးဖော်ထုတ်ချက်အရ ၂၀၂၆ ခုနှစ် မေ၊ ဇွန်နှင့် ဇူလိုင်လများအတွင်း ပျဉ်းမနားမြို့နယ်မှ မော်တော်ဆိုင်ကယ် ၁၃ စီးနှင့် နေပြည်တော်ကောင်စီနယ်မြေအတွင်းရှိ အခြားမြို့နယ်များမှ မော်တော်ဆိုင်ကယ် ခြောက်စီး၊ စုစုပေါင်း ၁၉ စီးကို ခိုးယူခဲ့ကြောင်း ဖော်ထုတ်သိရှိခဲ့ရပြီး အဆိုပါဆိုင်ကယ်များကိုလည်း ပြန်လည်သိမ်းဆည်းရမိခဲ့သည်။

လက်ရှိတွင် လမင်းဇော်နှင့် ဇင်ရဲထွန်း (ခ) ရဲထွန်းတို့အား သက်ဆိုင်ရာနယ်မြေရဲစခန်းအသီးသီး၌ အမှုပေါင်း ၁၆ မှုဖြင့် အမှုဖွင့်ထားပြီး ဥပဒေနှင့်အညီ အရေးယူနိုင်ရေး ဆက်လက်ဆောင်ရွက်လျက်ရှိကြောင်း သိရသည်။