နစက ဥက္ကဋ္ဌ၊ ဝန်ကြီးချုပ်၊ ဗိုလ်ချုပ်မှူးပြီးမင်းအောင်လှိုင်မှ မြန်မာနိုင်ငံကုန်သည်များနှင့်စက်မှုလက်မှုလုပ်ငန်းရှင်များအသင်းချုပ်(UMFCCI) ညီနောင်အသင်းအဖွဲ့များမှ တာဝန်ရှိသူများအား ဒီဇင်ဘာ ၂၃ ရက်နံနက်ပိုင်းက တွေ့ဆုံစဥ်ပြောကြားခဲ့ခြင်းဖြစ်သည်။
နိုင်ငံတော်မှထုတ်ချေးပေးသည့် ချေးငွေနှင့်ပတ် သက်၍ ဖွံ့ဖြိုးရေးအရချေးငွေများရှိကာ စီးပွား ရေးအရထုတ်ချေးပေးထားသည့် ချေးငွေများလည်းရှိသည်ဟု ဆိုသည်။
“နိုင်ငံတော်ကတတ်နိုင်သမျှ ရင်းနှီးမြှုပ်နှံငွေတွေ ထုတ်ချေးပေးနေပါတယ် နိုင်ငံအတွင်းငွေကြေးလည်ပတ်သုံးစွဲမှုတွေ များပြားမှသာ စီးပွားရေးလုပ်ငန်းတွေ ဖွံ့ဖြိုးတိုးတက်လာမှာဖြစ်လို့ ရင်းနှီး မြှုပ်နှံမှုနှင့်ပတ်သက်ရင် နိုင်ငံတော်အနေနဲ့ အား ပေးဆောင်ရွက်နေပါတယ်”ဟု နစက ဥက္ကဋ္ဌကပြောသည်။
ထို့ပြင် မြန်မာနိုင်ငံ၌ လျှပ်စစ်ဓာတ်အားထုတ်လုပ်ရေးလုပ်ငန်းစီမံကိန်းအချို့မှာ အကြောင်းအမျိုးမျိုးကြောင့်ရပ်တန့်ခဲ့ရသဖြင့် လျှပ်စစ်ဓာတ်အားလုံလောက်မှုမရှိ၍ နေရောင်ခြည်စွမ်းအင်သုံးလျှပ်စစ်ဓာတ်အားထုတ်လုပ်ခြင်းနှင့်လေအားလျှပ်စစ်ဓာတ်အားထုတ်လုပ်ခြင်းလုပ်ငန်းများကို ဆောင်ရွက်ရမည်ဟု ဆိုသည်။
စပါးခွံလောင်စာသုံး Gastifire ဖြင့် လျှပ်စစ်ဓာတ်အားထုတ်လုပ်ခြင်းကိုလည်း လက်တွေ့အသုံးချပါက အားပေးဆောင်ရွက်သွားမည်ဟု နစက ဥက္ကဋ္ဌကပြောကြားခဲ့သည်။
မြန်မာနိုင်ငံတွင်ရှိပြီးဖြစ်သည့် ဓာတ်မြေဩဇာစက်ရုံများလည်ပတ်နိုင်ရန်ဆောင်ရွက်လျက်ရှိကာ မွေးမြူရေးလုပ်ငန်းများမှ စွန့်ပစ်ပစ္စည်းများကို ဇီဝမြေဩဇာများအဖြစ်အသုံးချနိုင်ပြီး အီးအမ်ဘိုကာချီကဲ့သို့ သဘာဝမြေဩဇာများကိုလည်း အသုံးပြုဆောင်ရွက်ရမည်ဟု ဆိုသည်။
ထို့ပြင် မွေးမြူရေးလုပ်ငန်းများဆောင်ရွက်ရန် ခွင့်ပြုပေးထားသည့်မြေနေရာများ၌ စည်းကမ်း သတ်မှတ်ချက်များနှင့်အညီ မွေးမြူရေးလုပ်ငန်းများကိုစနစ်တကျဖြင့်ဆောင်ရွက်စေလိုသည်ဟု ဆိုသည်။
“စိုက်ပျိုးမွေးမြူရေးထွက်ကုန်တွေကို လူသုံးကုန်ပစ္စည်းနဲ့ စားသောက်ကုန်ပစ္စည်းထုတ်လုပ်တဲ့လုပ်ငန်းတွေကို အောင်မြင်အောင်ဆောင်ရွက်နိုင်ရင် ပြည်တွင်းလိုအပ်ချက်တွေကို ဖြည့်ဆည်းပေးနိုင်မှာဖြစ်သလို နိုင်ငံအတွက်များစွာအကျိုးရှိမှာဖြစ်ပါတယ်”ဟု နစက ဥက္ကဋ္ဌကပြောသည်။
ပြည်တွင်းလိုအပ်ချက်ပြည့်မီအောင်ထုတ်လုပ်ကာ ပိုမိုထုတ်လုပ်နိုင်ပါက ပြည်ပနိုင်ငံများသို့ တင်ပို့ရောင်းချနိုင်မည်ဟု နစက ဥက္ကဋ္ဌကဆို သည်။
