တရုတ်နိုင်ငံ၊ ပေကျင်းမြို့တွင် အလုပ်သဘောခရီးရောက်ရှိနေသည့် မြန်မာနိုင်ငံတော်ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေး ကော်မရှင်ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် သည် တရုတ်နိုင်ငံဆိုင်ရာ မြန်မာသံရုံးနှင့် စစ်သံရုံးတို့မှ မိသားစုများ၊ ပညာတော်သင် ကျောင်းသား၊ ကျောင်းသူများအား ယနေ့ စက်တင်ဘာ ၂ ရက်ညနေ ၅ နာရီတွင် မြန်မာသံရုံး၌တွေ့ဆုံခဲ့သည်
တွေ့ဆုံစဥ် မိမိတို့အနေဖြင့် လာမည့်ဒီဇင်ဘာလအ တွင်း ရွေးကောက်ပွဲကျင်းပနိုင်ရေးကြိုတင်ပြင်ဆင်ခြင်းလုပ်ငန်းများကိုဆောင်ရွက်ရာ၌ မဲဆန္ဒရှင်စာ ရင်းများနှင့် နိုင်ငံတော်ဖွံဖြိုးတိုးတက်ရေးလုပ်ငန်းများဆောင်ရွက်နိုင်ရန် အထောက်အကူပြုသည့် ၂၀၂၄ ခုနှစ် လူဦးရေနှင့် အိမ်အကြောင်းအရာသန်းကောင်စာရင်းကိုအောင်မြင်စွာကောက်ယူနိုင်ခဲ့ပြီးဖြစ်သည်ဟု ပြောသည်။
” ဆန္ဒမဲပေးပိုင်ခွင့်ရှိသူတွေအားလုံး ဆန္ဒမဲပေးနိုင်ဖို့ကြိုးပမ်းဆောင်ရွက်နေပါတယ်။ ရွေးကောက်ပွဲကို ဒေသအလိုက်တည်ငြိမ်အေးချမ်းမှုကိုအခြေခံပြီး အပိုင်းလိုက်ကျင်းပသွားမှာပါ။ ရွေးကောက်ပွဲမှာ မဲစာရင်းတွေမှားယွင်းမှုမရှိစေဖို့အတွက် မြန်မာအီလက်ထရောနစ်မဲပေးစနစ် (MEVM)နဲ့ဆောင်ရွက်ပေးသွားမှာပါ”ဟု မြန်မာနိုင်ငံတော် ယာယီသမ္မတက ပြောသည်။
ထို့ကြောင့် ရွေးကောက်ပွဲတွင်ဝင်ရောက်ယှဉ်ပြိုင်မည့် ကိုယ်စားလှယ်များအနေဖြင့် ပညာတတ်များဖြစ်ရန်လိုကာ ရွေးကောက်ပွဲကျင်းပချိန်တွင် နိုင်ငံ အတွက်၊ ဒေသအတွက်အကျိုးပြုနိုင်မည့်သူကို ကိုယ်စားလှယ်အဖြစ်ရွေးချယ်နိုင်ရန်လိုသည်ဟု ပြောသည်။
ထို့ပြင် မြန်မာနိုင်ငံတော် ယာယီသမ္မတမှ မြန်မာနိုင် ငံတွင် လွတ်လပ်ရေးရပြီးချိန်မှစ၍ နိုင်ငံရေးစနစ် အမျိုးမျိုး၊ စီးပွားရေးစနစ်အမျိုးမျိုးဖြင့် လျှောက်လှမ်းခဲ့ရမှု၊ တပ်မတော်မှ ၂၀၁၀ ပြည့်နှစ်တွင် ပါတီစုံဒီမိုကရေစီအထွေထွေရွေးကောက်ပွဲကျင်းပကာ နိုင်ငံတော်အား ပါတီစုံဒီမိုကရေစီလမ်းကြောင်းပေါ်တွင်လျှောက်လှမ်းနိုင်ရေးဆောင်ရွက်ပေးခဲ့မှု၊ ပါတီစုံဒီမိုကရေစီစနစ်ခိုင်မာမှုရှိစေရေးအတွက် တပ်မ တော်မှ ကြိုးပမ်းဆောင်ရွက်လျက်ရှိမှုတို့ကိုလည်း ရှင်းလင်းပြောကြားခဲ့သည်။
ထို့အတူ ဒီမိုကရေစီပထမအစိုးရသက်တမ်းတွင် ဒီမိုကရေစီစနစ်ခိုင်မာစေရေးကြိုးပမ်းဆောင်ရွက်ခဲ့ပြီး ပြည်တွင်းငြိမ်းချမ်းရေးရရှိစေရန်ကြိုးပမ်းဆောင် ရွက်ခဲ့မှု ဒီမိုကရေစီစနစ်ကိုကျင့်သုံးရာတွင် ပြည် တွင်းငြိမ်းချမ်းရေးမဖြစ်မနေလိုအပ်မှု၊ တပ်မတော်သည် နိုင်ငံတော်၏အစိတ်အပိုင်းဖြစ်၍ ပြည်သူများလိုလားသည့် ပါတီစုံဒီမိုကရေစီလမ်းကြောင်းပေါ်တွင် ခိုင်မာစွာဆက်လက်လျှောက်လှမ်းနိုင်ရေးကြိုး ပမ်းဆောင်ရွက်လျက်ရှိမှုတို့ကိုလည်း ရှင်းလင်းပြောကြားခဲ့သည်။