နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်သည် ရုရှားနိုင်ငံသမ္မတ မစ္စ တာ ဗလာဒီမာ ပူတင်၏ ဖိတ်ကြားချက်အရ ရု ရှားနိုင်ငံသို့ နိုင်ငံတော်အဆင့်တရားဝင်ချစ် ကြည်ရေးခရီးစဉ်သွားရောက်မည်ဟု နစက ၏ သတင်းထုတ်ပြန်ရေးအဖွဲ့ထံမှ သိရသည်။
နစက ဥက္ကဋ္ဌသည် ချစ်ကြည်ရေးခရီးစဉ်အတွင်း ၌ ရုရှားနိုင်ငံသမ္မတ မစ္စတာ ဗလာဒီမာ ပူတင်နှင့် တွေ့ဆုံဆွေးဆွေးနွေးခြင်း၊ ရုရှားနိုင်ငံ ဝန်ကြီး ချုပ်နှင့်တွေ့ဆုံဆွေးနွေးခြင်း၊ ရုရှားနိုင်ငံဒူးမားလွှတ်တော်ဥက္ကဋ္ဌနှင့် တွေ့ဆုံဆွေးနွေးခြင်းများ အပါအဝင် ရုရှားအစိုးရအဖွဲ့မှတာဝန်ရှိသူများနှင့် တွေ့ဆုံဆွေးနွေးခြင်းများကို ဆောင်ရွက်သွားမည်ဖြစ်ကြောင်း သိရသည်။
ထို့ပြင် ချစ်ကြည်ရေးခရီးစဉ်အတွင်း နှစ်နိုင်ငံအ စိုးရနှင့် ပြည်သူများကြား ချစ်ကြည်ရေး၊ စီးပွား ရေး၊ လုံခြုံရေးဆိုင်ရာများနှင့် ကဏ္ဍပေါင်းစုံတွင် မဟာဗျူဟာမြောက် ပူးပေါင်းဆောင်ရွက်မှုဆိုင် ရာများ ပိုမိုတိုးတက်ခိုင်မာရန် ဆွေးနွေးသွားမည်ဖြစ်ကြောင်း သိရသည်။
အဆိုပါ ချစ်ကြည်ရေးခရီးစဉ်တွင် နစက ဥက္ကဋ္ဌနှင့်အတူ နစက အဖွဲ့ဝင်များနှင့် အစိုးရအဖွဲ့ဝင်ဝန်ကြီးများ၊ အဆင့်မြင့်အရာရှိကြီးများလိုက်ပါသွားမည်ဖြစ်ကြောင်း သိရသည်။