ယနေ့စက်တင်ဘာ (၂၀)ရက်တွင် ONE က ပြုလုပ်မည့် ONE Friday Fights-80 ပွဲစဉ်အတွင်း ရိုးရာသွေးအေးကျားသွေးသစ်ဝင်းလှိုင်နှင့် ဥဇဘတ်ကစ္စတန်နိုင်ငံသား Mavlolbek Kakhkaorov တို့ ယှဉ်ပြိုင်ထိုးသ-တ်သွားမည်ဖြစ်ကြောင်း သိရသည်။
အဆိုပါ ပွဲစဉ်သည် သွေးသစ်ဝင်းလှိုင်အတွက် ONE ၏ ဒုတိယမြောက်ပွဲစဉ်ဖြစ်ပြီး၊ ယခုနှစ် ဇွန်လဆန်းပိုင်းက ပြုလ်ုခဲ့သည် ပထမအကြိမ် ပွဲစဉ်အတွင်း မွေထိုင်းဖိုက်တာ ခွန်ဆတ်ကို ဒိုင်ပေးမှတ်ဖြင့် ရှုံးနိမ့်ထားသည်။
သွေးသစ်ဝင်းလှိုင်အနေဖြင့် ပြိုင်ဘက်ဖြစ်သူကို မည်သို့ယှဉ်ပြိုင်ထိုးသ-တ်မည်ကို ပရိတ်သတ်က စိတ်ဝင်စားလျှက်ရှိနေကြသည်။
” မာကျောမှုလည်းရှိ၊ ပညာဂုဏ်မြင့်တဲ့
သွေးအေးကျား တိုက်စစ်ဖွင့်ကစားမလားစိတ်ဝင်စားတယ်။သေချာပြင်ဆင်ပြီးလာလိမ့်မယ်လို့ခန့်မှန်းမိပါတယ်။” ဟု ရိုးရာ လက်ဝှေ့ဝါသနာရှင်တစ်ဦးက ပြောသည်။
လက်ရှိတွင် ပြိုင်ဘက်ကစားသမားနှစ်ဦး ဆေးစစ်ဝိတ်ချိန်ပြီးပြီဖြစ်ကာ ONE ၏ ပွဲထွက်ခွင့် သတ်မှတ်ချက်အတွင်း ဝင်ရောက်ကြောင်း သိရသည်။
သွေးသစ်ဝင်းလှိုင်နှင့် ထိုးသ-တ်မည် ဥဇဘတ်ကစ္စတန် နိုင်ငံသားမှာတိုက်ခိုက်ရေးပိုင်းတွင် အလွန်အားကောင်းသည်ဟုသိရှိရပြီး၊ မာဂုဏ်မြင့် ကစားသမားတစ်ဦးလည်း ဖြစ်ကြောင်း သိရသည်။
ယခုလ စက်တင်ဘာ(၂၇)ရက်တွင် ကျင်းပပြုလုပ်မည့် ONE Friday Fights 81 ပွဲစဉ်တွင်လည်း ရိုးရာ ဖိုက်တာ သံမဏိ စိုးလင်းဦး မွေထိုင်း ဖိုက်တာ နဘီးလ်ဖြင့် ယှဉ်ပြိုင်သွားမည်ဖြစ်ကာ ရိုးရာဖိုက်တာ သန့်ဇင်တို့ အနေဖြင့်လည်းဂျပန်နိုင်ငံသား ကစ်ဘောက်ဆင်ချန်ပီယံ တာကဲရုဖြင့် ယှဉ်ပြိုင်ကစားသွားရန်ရှိနေသည်။
