ယနေ့ ဇွန် (၁၆) ရက် မွန်းလွဲပိုင်းက ထိုင်း- မြန်မာအသင်းတို့ အာဆီယံ ယူ – ၁၉ အမျိုးသမီးချန်ပီယံရှစ် ဆီမီးဖိုင်နယ်ပွဲစဉ်ကို ယှဉ်ပြိုင်ကစားခဲ့ရာ ထိုင်းအသင်းက မြန်မာအသင်းကို (၅) ဂိုး (၁)ဂိုးဖြင့် အနိုင်ယူခဲ့သည်။
ပထမပိုင်းပွဲချိန်အတွင်း ထိုင်းအသင်းက ဦးဆောင်ဂိုး (၄) ဂိုး သွင်းယူခဲ့ပြီး ဒုတိယပိုင်းပွဲချိန်အတွင်း နောက်ထပ် (၁) ဂိုးထပ်မံသွင်းယူခဲ့ခြင်း ဖြစ်သည်။
မြန်မာအသင်းသည် ပထမပိုင်းပွဲချိန်မှစ၍ ချေပဂိုးသွင်းယူနိုင်ခြင်းမရှိဘဲ ဒုတိပိုင်းပွဲချိန်အတွင်းမှ ချေပဂိုး (၁) ဂိုးသွင်းယူနိုင်ခဲ့ခြင်းဖြစ်ကာ မြန်မာအသင်းအနေဖြင့် ဆီမီးဖိုင်နယ်ပွဲစဉ်ဖြင့် ကျေနပ်ခဲ့ရပြီဖြစ်သည်။
အာဆီယံ ယူ- ၁၉ အမျိုးသမီး ချန်ပီယံရှစ်ပြိုင်ပွဲတလျှောက် အုပ်စုအဖွင့်ပွဲစဉ်တွင် မြန်မာအသင်းမှာ အိမ်ရှင် ဗီယက်နမ်အသင်းကို (၂) ဂိုးပြတ်ဖြင့်ရှူံးနိမ်ထားသလို ယခုဆီမီးဖိုင်နယ်ပွဲစဉ်တွင် (၅)ဂိုး (၁)ဂိုးဖြင့် ထပ်မံရှုံးနိမ်းခဲ့ခြင်းဖြစ်သည်။
အုပ်စုအဆင့် ပွဲစဉ်တွင် လာအိုအသင်းကို (၆) ဂိုးပြ-တ်ဖြင့်လည်းကောင်း၊ တီမော အသင်းကို (၇) ဂိုးပြ-တ်ဖြင့်လည်းကောင်း အနိုင်ရရှိခဲ့သည်။