ထိုင်းအစိုးရက အိုအီဂါအုပ်စုတစ်ခုကို တရုတ်နိုင်ငံသို့ ပြန်ပို့ခဲ့ပြီး နောက်တစ်နေ့ဖြစ်သော သောကြာနေ့တွင် ဘန်ကောက်ရှိ အမေရိကန်သံရုံးက ထိုင်းရောက် ၎င်း၏နိုင်ငံသားများအတွက် လုံခြုံသတိပေးချက် ထုတ်ပြန်လိုက်သည်။
“အလားတူ ပြည်နှင်ဒဏ်ပေးခြင်းများကြောင့် ယခင်က ပြင်းထန်သော လက်တုန့်ပြန်တိုက်ခိုက်မှုများကို ဖြစ်စေခဲ့သည်” ဟု သံရုံး၏ ဝက်ဘ်ဆိုက်တွင် တင်ခဲ့သော သတိပေးချက်ပို့စ်တွင် ပြောဆိုထားသည်။
“အထင်ရှားဆုံးကတော့ ၂၀၁၅ ခုနှစ်မှာ ထိုင်းအစိုးရက အိုအီဂါတွေကို ပြည်နှင်ခဲ့မှုကြောင့် တရုတ်နိုင်ငံက ခရီးသွားတွေ အများအပြားလာရောက်လေ့ရှိတဲ့ ဘန်ကောက်က အီရာဝမ်နတ်ကွန်းမှာ ဖောက်ခွဲရေးပစ္စည်းတွေ ဖောက်ခွဲတိုက်ခိုက်ခဲ့မှုအတွင်း လူ ၂၀ ဦး ေ-သဆုံးပြီး ၁၂၅ ဦး ဒဏ်ရာရခဲ့ပါတယ်” ဟု သတိပေးချက်တွင် ဆက်လက်ဖော်ပြခဲ့သည်။
အိုအီဂါလူမျိုး ၄၀ ဦးကို တရုတ်နိုင်ငံသို့ ပြန်ပို့ခဲ့မှုအတွက် အစောပိုင်းတွင် အမေရိကန်နိုင်ငံခြားရေးဝန်ကြီး မာကိုရူဘီယိုက ရှုတ်ချထားပြီး အဆိုပါမွတ်ဆလင်အုပ်စုဝင်များသည် ဂျီနိုဆိုက်လုပ်မှုနှင့် ရင်ဆိုင်ခဲ့ရသည်ဟု ဝါရှင်တန်က ပြောကြားခဲ့သည်။
အိုအီဂါများသည် သူတို့ဆန္ဒအလျောက် ပြန်ကြခြင်းဖြစ်ကြောင်းနှင့် သူတို့ကို ထိခိုက်နစ်နာစေမှုမျိုး လုပ်မှာမဟုတ်ဟု တရုတ်အစိုးရက အာမခံခဲ့ကြောင်း ထိုင်းအာဏာပိုင်များက အခိုင်အမာ ပြောကြားခဲ့သည်။
ကြာသပတေးနေ့က အဆိုပါနေရပ်ပြန်ပို့မှု လုပ်ဆောင်ခဲ့ပြီးနောက် ထိုင်းနိုင်ငံရှိ ဂျပန်သံရုံးကလည်း ၎င်းနိုင်ငံသားများထံ သတိပေးသည့် အီးမေးလ်တစ်စောင် ပေးပို့ထားသည်ဟု သံရုံးက ရိုက်တာသတင်းဌာနကို ပြောကြားခဲ့သည်။
လုံခြုံရေး သတိပေးချက်၊ အီးမေးတ်တိပေးချက်များနှင့် ပတ်သက်၍ ထိုင်းနိုင်ငံခြားရေးဝန်ကြီးဌာနက လတ်တလောတွင် မှတ်ချက်ပေးခဲ့ခြင်း မရှိသေးပေ။
Ref: ဘန်ကောက်ပို့စ်