ဒီဇင်ဘာအတွင်း ထိုင်းနိုင်ငံက အိမ်ရှင်အဖြစ်လက်ခံကျင်းပမည့် အရှေ့တောင်အာရှအားကစားပြိုင်ပွဲကို မြန်မာနိုင်ငံမှ ကစားသမားအင်အား (၁,၄၇၇) ဦးဖြင့် ဝင်ရောက်ယှဉ်ပြိုင်မည် ဖြစ်သည်။
ယင်းကစားသမားအင်အား (၁၄၇၇) ဦးသည် အားကစားနည်း (၃၆) မျိုးတွင် ယှဉ်ပြိုင်မည်ဖြစ်ကာ ထိုင်းဆီးဂိမ်းတွင် အားကစားနည်း (၅၀) မှ ရွှေတံဆိပ် (၅၇၄) ခု ချီးမြှင့်မည်လည်း ဖြစ်သည်။
အားကစားပြိုင်ပွဲကို ဒီဇင်ဘာလ (၉) ရက်နေ့မှ (၂၀) ရက်နေ့အထိ ကျင်းပမည်ဖြစ်ကာ ဖွင့်ပွဲအခမ်းအနားကို ဒီဇင်ဘာလ (၉) ရက်တွင် မြို့တော်ဘန်ကောက်ရှိ ရာဇမင်္ဂလာအားကစားကွင်းတွင် ကျင်းပမည် ဖြစ်သည်။
မြန်မာကိုယ်စားပြုအားကစားသမားများသည် ရေကူး၊ မြားပစ်၊ ပြေးခုန်ပစ်၊ ကြက်တောင်၊ ဘတ်စကတ်ဘော၊ ဘိလိယက်နှင့်စနူကာ၊ ဘိုးလင်း၊ လက်ဝှေ့၊ လှေလှော်၊ စစ်တုရင်၊ ခရစ်ကတ်၊ စက်ဘီး၊ မြင်းစီး၊ Esports ၊ ဘောလုံး/ဖူဆယ်၊ ဂေါ့ဖ်၊ ကျွမ်းဘား၊ ဟော်ကီ၊ စကိတ်၊ ဂျူဒို၊ ဂျူဂျစ်ဆု၊ ကဘာဒီ၊ ကရာတေး၊ ကစ်ဘောက်ဆင်၊ မွေထိုင်း၊ ပန်ကြပ်ဆီလတ်၊ ပီတန်း၊ ရွက်လှေ၊ ပိုက်ကျော်ခြင်း/ခြင်းလုံး၊ သေနတ်ပစ်၊ တိုက်ကွမ်ဒို၊ တက်ဂ်ဘော၊ ဘော်လီဘော၊ အလေးမ၊ နပန်း၊ ဝူရှူးတို့တွင် ပါဝင်ကစားကြမည် ဖြစ်သည်။