တောင်ငူမြို့တွင် ငယ်စဥ်ကပင်မွေးမြူခဲ့သည့် ဝက်ဝံကိုက်သတ်မှုကြောင့် အမျိုးသားတစ်ဦးသေဆုံး

တောင်ငူမြို့တွင် ငယ်စဥ်ကပင်မွေးမြူခဲ့သည့် ဝက်ဝံကိုက်သတ်မှုကြောင့် အမျိုးသားတစ်ဦးသေဆုံး

ပဲခူးတိုင်း၊တောင်ငူမြို့နေ တိရစ္ဆာန်ချစ်သူများအကြားထင်ရှားသည့် အနှိုင်းမဲ့အကြင်နာပရဟိတ ဦးကိုကိုအောင်သည် ဧပြီ ၇ ရက်(ယနေ့)နံနက် ၃ နာရီခွဲခန့်က ၎င်းမွေးမြူခဲ့သည့် ဝက်ဝံနှစ်ကောင်မှ ကိုက်သတ်ခဲ့သဖြင့်သေဆုံးခဲ့သည်ဟု တောင်ငူနာရေးကူညီမှုအသင်းမှသိရသည်။

သေဆုံးခဲ့သည့်ဦးကိုကိုအောင်သည် တောင်ငူမြို့၌ မြင့်မိုရ်နန်းတည်းခိုခန်းနှင့် KTV ဆိုင်ပိုင်ရှင်တစ်ဦးဖြစ်ကာ ဝက်ဝံနှစ်ကောင်နှင့်တိရစ္ဆာန်များစွာအား အနှိုင်းမဲ့အကြင်နာပရဟိတ အမည်ဖြင့်ထိန်းသိမ်းစောင့်ရှောက်ပေးနေသူတစ်ဦးဖြစ် ကြောင်း သိရသည်။

ဦးကိုကိုအောင်အား ၎င်းမွေးမြူထားသည့် ဝက်ဝံနှစ်ကောင်ဖြစ်သော ချစ်ပိုနှင့်အိစိကွေးတို့မှ အရိုင်းစိတ်ဝင်၍ ကိုက်သတ်ခဲ့ခြင်းဖြစ်ကာ ကိုက်ခံရချိန်တွင် ဦးကိုကိုအောင်အား ဝင်ရောက်ကူညီပေးခဲ့သည့် အိမ်မွေးခွေးအချို့လည်း ဝက်ဝံကိုက်ခံရသဖြင့်သေဆုံးခဲ့သည်ဟု သိရသည်။

“ကိုအောင်ရဲ့အမျိုးသမီးက ကိုအောင် ဝက်ဝံကိုက်ခံရလို့ ကူညီပေးပါလို့ရုံးကိုဖုန်းဆက်တာကြောင့် ကျွန်တော်တို့သွားပြီးကူညီပေးခဲ့ပါတယ် လူအင်အားအလုံအလောက်နဲ့သွားခဲ့ပေမယ့် အ လောင်းကောက်ဖို့တောင်မလွယ်တဲ့အတွက် ဌာနဆိုင်ရာကလူကြီးတွေကိုအကူအညီတောင်းခဲ့ရပါတယ်”ဟုတောင်ငူနာရေးကူညီမှုအသင်းဝင်တစ်ဦးကပြောသည်။

ဦးကိုကိုအောင်၏ ရုပ်အလောင်းအားသယ်ထုတ်ရန် အရိုင်းစိတ်ဝင်နေသည့် ဝက်ဝံနှစ်ကောင်အား တာဝန်ရှိသူများက သေနတ်ဖြင့်ပစ်သတ်ခဲ့ရသည်ဟု သိရသည်။

ထိုသို့ ပစ်သတ်ပြီးနောက် ဦးကိုကိုအောင်၏ရုပ်အ လောင်းအား တောင်ငူနာရေးကူညီမှုအသင်းကားဖြင့် တောင်ငူဆေးရုံရင်ခွဲရုံသို့ပို့ဆောင်ခဲ့ကြောင်း သိရသည်။

Photo Credit