တရုတ်နိုင်ငံတွင်ကျင်းပခဲ့သည့် မြန်မာ – တရုတ် – ဗီယက် နမ်(၃)နိုင်ငံ ဖိတ်ခေါ်ဘောလုံးပြိုင်ပွဲတွင် ဗိုလ်စွဲခဲ့သည့် မြန်မာကိုယ်စားပြု ISPE FC အသင်းအား ကြိုဆိုဂုဏ်ပြုပွဲကျင်းပပေးခဲ့ကြောင်း သိရသည်။
ဂုဏ်ပြုပွဲကို အောက်တိုဘာ (၇)ရက်က ဗဟန်းမြို့နယ်ရှိ M 3 စားသောက်ဆိုင်တွင်ကျင်းပခဲ့ခြင်ဖြစ်ပြီး အားကစားနှင့်လူငယ်ရေးရာဝန်ကြီးဌာန ဒုတိယဝန်ကြီး ဦးထိန်လင်း ၊ ဒုတိယ အမြဲတမ်းအတွင်းဝန်နှင့် တာဝန်ရှိပုဂ္ဂိုလ်များ၊ အုပ်ချုပ်/နည်းပြနှင့် ဆုရအားကစားသမားများ တက်ရောက်ခဲ့ကြသည်ဟု အဖွဲ့ချုပ်က အသိပေးထားသည်။
တရုတ်နိုင်ငံ ဖိတ်ခေါ်ပြိုင်ပွဲတွင်မြန်မာကိုယ်စားပြု ISPE အသင်းသည် တရုတ် (ဟူလန်း)အသင်းနှင့် တစ်ဂိုးစီသရေ၊ တရုတ်(ကွေ့ကျိုး) အသင်းကို (၈)ဂိုး(၂) ဂိုး၊ တရုတ်(လုံနိုင်) အသင်းကို (၇)ဂိုးပြတ် ၊ တရုတ်(အား/ပညာ)အသင်းကို (၃) ဂိုး ပြတ်၊ ဗီယက်နမ် (Hanoi Xide FC) အသင်းကို (၁၁)ဂိုးပြတ်ဖြင့် အနိုင်ရကာ အနိုင်ရ ဗိုလ်စွဲခဲ့ခြင်းဖြစ်သည်။
ယင်းပြိုင်ပွဲကို စက်တင်ဘာလ (၃၀) ရက်မှ အောက်တိုဘာလ (၇) ရက်အထိ ကျင်းပခဲ့ခြင်းဖြစ်ပြီး မြန်မာကိုယ်စားပြု (ISPE FC) အသင်းသည် အုပ်ချုပ်သူ၊ နည်းပြ (၃)ဦးနှင့် အားကစားသမား (၁၇)ဦး စုစုပေါင်း (၂၀)ဦးဖြင့် ဝင်ရောက်ယှဉ်ပြိုင်ခဲ့ခြင်းဖြစ်သည်။
ဗိုလ်စွဲခဲ့ပြီးနောက် အောက်တိုဘာလ( ၇) ရက် မွန်းလွဲပိုင်းက ရန်ကုန်အပြည်ပြည်ဆိုင်ရာ လေဆိပ်သို့ပြန်လည်ရောက်ရှိခဲ့ရာ ရန်ကုန်တိုင်း အစိုးရအဖွဲ့ဝင် တိုင်းရင်းသားရေးရာဝန်ကြီး၊ အားကစားနှင့် ကာယပညာဦးစီးဌာန ယှဉ်ပြိုင်ရေးနှင့် လေ့ကျင့်ရေးဌာနခွဲ(၂) ညွှန်ကြားရေးမှူး၊ ရန်ကုန်တိုင်း အားကစားနှင့်ကာယပညာဦးစီးဌာန ညွှန်ကြားရေးမှူး၊ အားကစားနှင့် ကာယပညာသိပ္ပံ(ရန်ကုန်)မှ ဒုတိယကျောင်းအုပ်ကြီး များအပါအဝင် အားကစားနှင့် ကာယပညာသိပ္ပံ(ရန်ကုန်) မှ သင်တန်းသား/ သင်တန်းသူများ၊ အားကစားဝါသနာရှင် ပရိသတ်များက ဂုဏ်ပြုကြိုဆိုခဲ့ကြကြောင်း သိရသည်။