တရုတ်အစိုးရအနေဖြင့် ငလျင်ကြောင့် ပျက်စီးခဲ့သော ရှေးဟောင်းယဉ်ကျေးမှု အမွေအနှစ်ပစ္စည်းများ၊ အဆောက်အဦးများကို စစ်ဆေးအကဲဖြတ်ခြင်း၊ ခိုင်ခံ့မှုစမ်းသပ်ခြင်းနှင့် ပြုပြင်မွမ်းမံခြင်း လုပ်ငန်းများ ဆောင်ရွက်ပေးသွားမည်ဖြစ်ကြောင်း တရုတ်သံရုံး၏ အသိပေးချက်အရ သိရသည်။
ထို့ကြောင့် ယဉ်ကျေးမှုအမွေအနှစ်နှင့် အဆောက်အဦးဆိုင်ရာ စစ်ဆေးရေးအဖွဲ့များ စေလွှတ်သွားမည်ဖြစ်ပြီး၊ လက်ရှိ မြန်မာနိုင်ငံ၏ ကယ်ဆယ်ရေးလုပ်ငန်းများသည် ကပ်ရောဂါကာကွယ်ထိန်းချုပ်ရေးနှင့် ပြန်လည်ထူထောင်ရေးအဆင့်သို့ ရောက်ရှိနေပြီဖြစ်သည်ဟု ဆိုသည်။
အလားတူ တရုတ်အစိုးရသည် မြန်မာနိုင်ငံအတွက် ယွမ်ငွေ (၁)ဘီလီယံ အရေးပေါ်လူသားချင်းစာနာထောက်ထားမှုဆိုင်ရာ ကယ်ဆယ်ရေးအကူအညီများ ထပ်မံပံ့ပိုးရန် ဆုံးဖြတ်ခဲ့ကြောင်းနှင့် ယင်းငွေဖြင့် လောင်စာဆီ၊ Plank House ၊ ခွဲစိတ်ခန်း၊ ဆေးဝါးနှင့်ကာကွယ် ဆေးများစသည့် အရေးတကြီး လိုအပ်သော ပစ္စည်းများပါဝင်ပြီး ကျန်းမာရေးနှင့် ရောဂါကာကွယ် ရေးဆိုင်ရာ ကျွမ်းကျင်အဖွဲ့များကို ကုသရေးနှင့် ပိုးသတ်ရေးလုပ်ငန်းများဆောင်ရွက်ရန် စေလွှတ်မည်ဖြစ်ကာ ဘေးအန္တရာယ် အကဲဖြတ်ရေးအဖွဲ့ စေလွှတ်၍ ငလျင်ဒဏ်ခံစားရဒေသများသို့ ကွင်းဆင်းစစ်ဆေးပြီး မြန်မာနိုင်ငံ ဘေးဒဏ်ပြီးနောက်ပြန်လည်ထူ ထောင်ရေးနှင့် ဘေးအန္တရာယ် ကာကွယ်လျှော့ချရေး လုပ်ငန်းစဉ်များ ရေးဆွဲရာတွင် ပံ့ပိုးကူညီသွားမည်ဖြစ်ကြောင်း သိရသည်။
ငလျင်ဘေးအတွင်း တရုတ်နိုင်ငံကယ် ဆယ်ရေးအဖွဲ့က ကိုယ်ဝန်ဆောင်အမျိုးသမီး (၁) ဦး အပါအဝင် အသက်ရှင်သူ (၉)ဦးကို အောင်မြင်စွာ ကယ်တင်နိုင်ခဲ့ကာ ေ-သဆုံးသူ (၅၉) ဦး၏ သက်မဲ့ခန္ဓာများကို ရှာဖွေတွေ့ရှိခဲ့သည်ဟု အသိပေးချက်တွင်ဖော်ပြထားသည်။
ထို့ပြင် အိမ်ခြေနှင့် အရေးပါသော အခြေခံအဆောက်အအုံများ (၂၈၇,၀၀၀)စတုရန်းမီတာ ဧရိယာကို စစ်ဆေး၍ ဘေးဒဏ်သင့်ပြည်သူပေါင်း (၂,၀၀၀) ကျော်အား ကျန်းမာရေးစစ်ဆေးကုသမှုများဆောင် ရွက်ပေးခဲ့ကြောင်းဆိုသည်။
ထို့အပြင် တရုတ်နိုင်ငံသည် မြန်မာနိုင်ငံရှိ ဘေးဒဏ်သင့်ပြည်သူများ၏ အရေးပေါ်လိုအပ်ချက်များကို ဖြည့်ဆည်းရန် တရုတ်နိုင်ငံအတွင်းမှ ရွက်ဖျင်တဲ အလုံး (၄,၀၀၀) ၊စောင်အထည် (၁၀,၀၀၀)၊ အရေးပေါ်ဆေးအိတ်များ (၅၅,၀၀၀)ကျော် ၊ ခြင်ထောင်အလုံး (၄၀,၀၀၀)၊ တာပေါ်လင်စ အချပ် (၁၈,၀ ၀၀)၊ အိပ်အိတ် အလုံး (၄,၀၀၀)၊ နေရောင်ခြည်စွမ်းအင်သုံးမီးအိမ် အလုံး (၁၀,၀၀၀) ၊ ချက်ပြုတ်ရေးပစ္စည်းများ (၂,၀၀၀) စုံ၊ ကျန်းမာရေးဆေးအိတ်များ (၃၈,၈၀၀) ကျော်၊ ခေါက်ဆွဲခြောက် အဖာ (၂,၀၀၀) စသည့် ပစ္စည်းများကို အမြန်ဆုံးဝယ်ယူပြီး အထူးလေယာဉ်ဖြင့် မြန်မာနိုင်ငံသို့ အရေးပေါ်ပို့ဆောင်ပေးခဲ့သည်ဟု အသိပေးချက်အရ သိရသည်။