တရုတ်စက်ရုပ်တင်သွင်းမှုအမေရိကပိတ်ပင်ကလက်တုန့်ပြန်မည်–ပေကျင်း

        
အမေရိကန်ပြည်ထောင်စုအနေဖြင့် တရုတ်ရို‌ေဘာ့တ်စက်ရုပ်အသစ်များနှင့် လျှပ်စစ်အင်ဗာတာများ တင်သွင်းမှုကို ပိတ်ပင်ခြင်းနှင့်ပတ်သက်၍ တစ်ဖက်သတ်လုပ်ဆောင်လာပါက တရုတ်နိုင်ငံအနေဖြင့် ပြတ်ပြတ်သားသား လက်တုန့်ပြန်သွားမည်ဖြစ်ကာ နိုင်ငံ၏ အကျိုးစီးပွားများကို ကာကွယ်သွားမည်ဟု ကူးသန်းရောင်းဝယ်ရေးဝန်ကြီးဌာနက ကြာသပတေးနေ့တွင် ပြောကြားလိုက်သည်။
         
အမေရိကန်ပြည်ထောင်စုအနေဖြင့် လုပ်ဆောင်ချက်များကို ချက်ချင်းရုပ်သိမ်းရန်နှင့် ၎င်း၏ မှားယွင်းသောပြုမူလုပ်ဆောင်ချက်များကို ရပ်တန့်ရန် ဝန်ကြီးဌာနက တိုက်တွန်းခဲ့ပြီး ထိုအစီအမံများသည် တရုတ်ကုမ္ပဏီများနှင့် ထုတ်ကုန်များအပေါ် ဖိနှိပ်မှု၊ ခွဲခြားဆက်ဆံမှုဖြစ်ကြောင်း ပြောကြားခဲ့သည်။
       
အမေရိကန်ပြည်ထောင်စုဆက်သွယ်ရေးကော်မရှင်(အက်ဖ်စီစီ) က အမေရိက၏ AI တည်ဆောက်မှုအပေါ် နိုင်ငံတော်လုံခြုံရေးခြိမ်းခြောက်မှုများမှ ကာကွယ်ရန်နှင့် အရှိန်အဟုန်ဖြင့် ထွက်ပေါ်လာမည့် အဓိကစက်မှုလုပ်ငန်းများကို ပြန်လည်ထူထောင်ရန် ကြိုးပမ်းသည့် အစီအမံများကို ထုတ်ပြန်ခဲ့သည်။
      
အက်ဖ်စီစီသည် ပေကျင်း၏ ထပ်ခါတလဲလဲ တင်ပြချက်များကို လျစ်လျူရှုခဲ့ကာ ၎င်း၏ ကန့်သတ်ချက်အစီအမံများကို ဆက်လက်တိုးမြှင့်ခဲ့ကြောင်း တရုတ်က ပြောကြားခဲ့သည်။
      
အမေရိကသည် နိုင်ငံတော်လုံခြုံရေး အယူအဆကို ယေဘုယျအားဖြင့် အသုံးချနေပြီး ယင်းသည် တရုတ်နှင့် အမေရိကန် စက်မှုလုပ်ငန်းများ၏ အကျိုးစီးပွားများကို လျစ်လျူပြုသည့် ဈေးကွက်ပုံဖျက်ခြင်းနှင့် တစ်ဖက်သတ်အနိုင်ကျင့်ခြင်းအပြုအမူ ဖြစ်ကြောင်း ဝန်ကြီးဌာနက ပြောကြားခဲ့သည်။

Ref: သယ်စထရိတ်တိုင်းမ်စ်