တန်ဆောင်တိုင်ပွဲတော်ကာလအတွင်း တောင်ကြီး-ပေါမူ-တောင်ကြီး Sight Seeing ရထားခရီးစဥ်အား အထူးကိစ္စတစ်ရပ်အနေဖြင့် နိုဝင်ဘာ ၁ ရက်မှစတင်၍ ၄ ရက်ကြာပြေးဆွဲပေးသွားမည်ဖြစ်ကြောင်း သိရသည်။
တောင်ကြီးတန်ဆောင်တိုင်မီးပုံးပျံပွဲတော်ကာလအ တွင်း ပြည်တွင်း/ပြည်ပခရီးသွားများ တောင်ကြီးမြို့၏ သာယာလှပသောရှုခင်းများအား စိတ်ချမ်းမြေ့စွာ ကြည့်ရှုခံစားနိုင်ရန်ရည်ရွယ်၍ Sight Seeing ရထားခ ရီးစဉ်ကို အထူးကိစ္စတစ်ရပ်အနေဖြင့် နိုဝင်ဘာ ၁ ရက်မှ နိုဝင်ဘာ ၄ ရက်အထိပြေးဆွဲပေးသွားမည်ဖြစ် ကြောင်း သိရသည်။
အဆိုပါ ခရီးစဥ်သည် တောင်ကြီးဘူတာမှ နံနက် ၉ နာရီစတင်ထွက်ခွာကာ လမ်း၍ဘဝသံသရာအဝိုင်းအနီး ဝန်းကျင်ရှိ သဘာဝရှုခင်းများကို ကြည့်ရှုခံစားနိုင်ရန် ထီသိမ်ဘူတာ၌ မိနစ် ၃၀ ရပ်တန့်သွားမည်ဖြစ်ပြီး ပေါမူဘူတာမှ နံနက် ၁၁ နာရီ ၁၅ မိနစ်တွင်ပြန်လည်ထွက်ခွာပြီး တောင်ကြီးဘူတာသို့ မွန်းတည့် ၁၂ နာရီခွဲတွင် ပြန်လည်ရောက်ရှိမည်ဖြစ်ကာ အထက်တန်း(၁)တွဲ၊ ရိုးရိုးတန်း(၃)တွဲနှင့်ရထားထိန်းတွဲ(၁)တွဲတို့ပါဝင်ပြီး အသွား/အပြန်လက်မှတ်ခအနေဖြင့် တစ်ဦးလျင် အ ထက်တန်းတွဲ(၁၀,၀၀၀)ကျပ်နှင့် ရိုးရိုးတန်းတွဲ(၅,၀၀၀) ကျပ်ဖြစ်ကြောင်း သိရသည်။
ခရီးစဥ်အတွင်း တောင်ကြီးမြို့၏ အထင်ကရနေရာဖြစ်သော မီးပုံးပျံကွင်း၊ တောင်ကြီးမြို့၏ ခေတ်မီလှပသောမြို့ပြမြင်ကွင်းများ၊ ဘဝသံသရာတံတားအား ဖြတ်သန်းစဉ် တောင်တန်းများ၊ကွင်းပြင်ကျယ်များ၊ ထီသိမ်ဘူတာအထက်ဘက်ရှိ ထီသိမ်အဝိုင်းပတ်နှင့် ဘဝသံသရာတံတား၊ ထီသိမ်ဘုရား၊ မြေပြိုဘုရားများ၊ ရွှေညောင်ကန်နှင့် ကွင်းပြင်ကျယ်ကြီးများ၊ တောင်တန်းနှင့် သဘာဝအလှအပရှုခင်းများကို ကြည့်ရှုခံစားနိုင်မည်ဖြစ်ကြောင်း သိရသည်။
ထို့ပြင် ခရီးသွားလာမှုအဆင်ပြေချောမွေ့စေရန် အမှတ် (၁၄၁)အဆန်၊ (၁၄၂)အစုန် သာစည်-ရွှေညောင်လူစီးရထားကိုလည်း တောင်ကြီးအထိပြေးဆွဲပေးမည်ဖြစ်ရာ အမှတ်(၁၄၁)အဆန်ရထားသည် သာစည်ဘူတာမှ နံနက် ၅ နာရီထွက်ခွာ၍ တောင်ကြီးဘူတာသို့ ညနေ ၆ နာရီခွဲ၊ အမှတ်(၁၄၂)အစုန်ရထားသည် တောင်ကြီးဘူတာမှ နံနက် ၆ နာရီထွက်ခွာ၍ သာစည်ဘူတာသို့ ည ၇ နာရီခွဲတို့တွင် ဆိုက်ရောက်မည်ဖြစ်ကာ ဘူတာစဉ်အ လိုက်ရပ်တန့်ပေးသွားမည်ဖြစ်ပြီး လက်မှတ်ခအနေဖြင့် တစ်ဦးလျင် ခရီးစဉ် စ/ဆုံး ရိုးရိုးတန်း(၁၂,၀၀၀)ကျပ်၊ အထက်တန်း(၁၄,၀၀၀)ကျပ်ဖြစ်ကြောင်း သိရသည်။