မြန်မာနိုင်ငံ၌ ဒီဇင်ဘာ ၂၈ ရက်တွင် ရွေးကောက်ပွဲကျင်းပမည့်အကြောင်းကို ပြောကြားခဲ့
နိုင်ငံခြားရေးဝန်ကြီးဌာန ပြည်ထောင်စုဝန်ကြီးဦးသန်းဆွေသည် ဘယ်လာရုစ်နိုင်ငံခြားရေးဝန်ကြီး မစ္စတာ မက်ဆင်ရူဇန်ကော့ဗ်၏ဖိတ်ကြားချက်အရ ဘယ်လာရုစ်နိုင်ငံ၊ မင့်စ်မြို့၌ အောက်တိုဘာ ၂၈ ရက်နှင့် ယနေ့ အောက်တိုဘာ ၂၉ ရက်တို့ကကျင်းပလျက်ရှိသည့် တတိယအကြိမ် ယူရေးရှားဒေသလုံခြုံရေးဆိုင်ရာ မင့်စ်နိုင်ငံတကာအဆင့်မြင့်ညီလာခံအားတက်ရောက်လျက်ရှိသည်။
ထိုသို့ တက်ရောက်ပြီးနောက် မြန်မာနိုင်ငံအနေဖြင့် နိုင်ငံအခြေအနေနှင့်ကိုက်ညီသည့် ရည်မှန်းချက်များကို အ ကောင်အထည်ဖော်လျက်ရှိကာ လာမည့် ဒီဇင်ဘာ ၂၈ ရက်တွင် အထွေထွေရွေးကောက်ပွဲကျင်းပရန်ပြင်ဆင်လျက်ရှိသည်ဟု မိန့်ခွန်းပြောကြားရာ၌ထည့်သွင်းပြောကြားခဲ့သည်။
ထို့ပြင် လက်နက်ကိုင်ပဋိပက္ခများကို ဆွေးနွေးမှုများနှင့် ညှိနှိုင်းမှုများမှတစ်ဆင့် ငြိမ်းချမ်းသောနည်းလမ်းဖြင့်ဆက်လက်ဖြေရှင်းဆောင်ရွက်သွားမည်ဖြစ်ကာ မြန်မာနိုင်ငံအနေဖြင့် ယူရေးရှားဒေသရေရှည်ဖွံ့ဖြိုးတိုးတက်ရေး၊ ငြိမ်းချမ်းရေးနှင့် သာယာဝပြောရေးအတွက် ပံ့ပိုးသွားရန်အဆင်သင့်ရှိကာ မြန်မာနိုင်ငံသည် ရပ်ဝန်းနှင့် ပိုးလမ်းမအစီအစဉ်၊ ရှန်ဟိုင်းပူးပေါင်းဆောင်ရွက်မှုအဖွဲ့အစည်း၊ အာဆီယံ၊ ဘင်းမ်စတက်နှင့် အခြားဒေသတွင်း အဖွဲ့အစည်းများမှတစ်ဆင့် ဒေသတွင်းမိတ်ဖက်နိုင်ငံများနှင့် ပူးပေါင်းဆောင်ရွက်လျက်ရှိသည်ဟု ပြောသည်။
ထို့အတူ အွန်လိုင်းလိမ်လည်မှုလုပ်ဆောင်သည့်ကွန် ရက်ကိုတို-က်ဖျ-က်ရန် မြန်မာနိုင်ငံအနေဖြင့် အိမ်နီးချင်းနိုင်ငံများဖြစ်သည့် တရုတ်နှင့် ထိုင်းနိုင်ငံတို့နှင့် ပူး ပေါင်းဆောင်ရွက်လျက်ရှိရာ (၂)နှစ်အတွင်း အွန်လိုင်းလိမ်လည်မှုတွင်ပါဝင်ခဲ့သည့် နိုင်ငံပေါင်း (၅၂)နိုင်ငံမှ နိုင်ငံခြားသား(၆၇,၇၅၁)ဦးကိုထိန်းသိမ်းခဲ့ပြီး သက်ဆိုင်ရာနိုင်ငံများသို့ပြန်လည်လွှဲပြောင်းပေးခဲ့သည်ဟု ပြောသည်။
ထို့ပြင် နယ်စပ်ဖြတ်ကျော်အကြမ်းဖက်မှုများ၏ အ ရင်းခံသည် သမားရိုးကျမဟုတ်သောလုံခြုံရေးဆိုင်ရာ စိန်ခေါ်မှုများမှဆင်းသက်လာခြင်းဖြစ်ကာ ရွှေတြိဂံဒေ သရှိ တရားမဝင်မူးယစ်ဆေးဝါးလုပ်ငန်းများသည် မြန်မာနိုင်ငံအပါအဝင် ဒေသတွင်းတစ်ခုလုံးရင်ဆိုင်နေရသည့် အဓိကစိန်ခေါ်မှုများမှတစ်ရပ်ဖြစ်သည်ဟုလည်း ဝန်ကြီးဦးသန်းဆွေက ပြောကြားခဲ့သည်။
ယူရေးရှားဒေသလုံခြုံရေးဆိုင်ရာ မင့်စ်နိုင်ငံတကာအဆင့်မြင့်ညီလာခံသို့ မြန်မာ၊ ဟန်ဂေရီ၊ ရုရှား၊ တရုတ်၊ အိန္ဒိယ၊ ဥဇဘတ်ကစ္စတန်၊ အာရပ်စော်ဘွားများပြည် ထောင်စု၊ ကမ္ဘောဒီးယား၊ တာဂျစ်ကစ္စတန်၊ အီရန်၊ ကိုရီးယားနိုင်ငံတို့အပါအဝင် နိုင်ငံပေါင်း(၄၀)ကျော်နှင့် နိုင်ငံတကာအဖွဲ့အစည်း(၇)ခုတို့မှ ဝန်ကြီးများ၊ သံတမန်များနှင့် နိုင်ငံတကာသုတေသီများ တက်ရောကလျက်ရှ
အဆိုပါ ညီလာခံကို မြန်မာ၊ ဟန်ဂေရီ၊ ရုရှား၊ တရုတ်၊ အိန္ဒိယ၊ ဥဇဘတ်ကစ္စတန်၊ အာရပ်စော်ဘွားများပြည်ထောင်စု၊ ကမ္ဘောဒီးယား၊ တာဂျစ်ကစ္စတန်၊ အီရန်၊ ကိုရီးယားဒီမိုကရက်တစ်ပြည်သူ့သမ္မတနိုင်ငံတို့အပါအဝင် နိုင်ငံပေါင်း ၄၀ ကျော်နှင့် နိုင်ငံတကာအဖွဲ့အစည်း (၇) ခုတို့မှ ဝန်ကြီးများ၊ သံတမန်များနှင့် နိုင်ငံတကာ သုတေသီများ တက်ရောက်ခဲ့ကြောင်း သိရသည်။