ရန်ကုန်တိုင်း၊ သန်လျင်မြို့နယ်၊ လက်ယက်စမ်းကျေးရွာအုပ်စု၊ အလယ်ရွာကျေးရွာ၊ သီလဝါခြောက်လမ်းသွားကားလမ်း၏ မိုင်တိုင်အမှတ် ၈/၇ နှင့် ၉/၀ ကြား လမ်းဘယ်ဘက်ခြမ်းအမှိုက်ပုံ၌ တက္ကစီမောင်းနှင်သည့် သာကေတမြို့နယ်နေ ဦးစံသိန်း(၅၆)နှစ်အား အောက်တိုဘာ ၆ ရက်နံနက် ၁၁ နာရီ ၄၅ မိနစ်ခန့်က ထိုးသွင်းဒ-ဏ်ရာ(၃၁)ချက်ဖြင့်ေ-သဆုံးနေသည်ကိုတွေ့ရှိခဲ့ရကြောင်း သိရသည်။
အဆိုပါ ဦးစံသိန်းသည် TOYOTA PROBOX အဖြူရောင်(အငှား)ယာဉ်ဖြင့် အောက်တိုဘာ ၅ ရက်ကထွက်ခွာသွားပြီးနောက် နေအိမ်သို့ပြန်လည်ရောက်ရှိလာခြင်းမရှိဘဲ ဖုန်းမှာလည်းစက်ပိတ်ထားသဖြင့် သာကေတမြို့မရဲစခန်းက စုံစမ်းရှာဖွေမှုများပြုလုပ်နေသူဖြစ်သည်။
ထို့ကြောင့် ဦးစံသိန်းအား ထိုးသွင်းဒ-ဏ်ရာများဖြင့်ေ-သဆုံးလျက်ပြန်လည်တွေ့ရှိခဲ့ရသဖြင့် ပြစ်မှုကျူးလွန်သူများအားဖမ်းဆီးရမိရေးအတွက် သန်လျင်မြို့မရဲစခန်းက (ပ)၃၅၅/၂ဝ၂၅၊ ရာဇသတ်ကြီးပုဒ်မ ၃ဝ၂/၃၉၂ ဖြင့် အမှုဖွင့်ကာစုံစမ်းစစ်ဆေးမှုများပြုလုပ်ခဲ့ကြသဖြင့် ပြစ်မှုကျူးလွန်သူများဖြစ်သည့် ထက်ရှိုင်းဇော်(၁၇)နှစ်နှင့် သက်ဝေဦး(၁၇)နှစ်တို့အား အောက်တိုဘာ ၆ ရက်ညနေ ၅ နာရီတွင် ၎င်းတို့လုယက်ယူဆောင်သွားသော TOYOTA PROBOX ကားနှင့်အတူဖမ်းဆီးရမိခဲ့ကြောင်း သိရသည်။
စစ်ဆေးချက်များအရ အရက်သေစာသောက်စားပြီး ဦးစံသိန်းမောင်းနှင်သည့် အငှားယာဉ်အားစီးနင်းခဲ့ကာ သန်လျင်-ကျိုက်ခေါက် ဘုရားကားလမ်း၏ ဆည်မြောင်းဂုံးထိပ်အနီးအရောက် ယာဉ်စီးခတောင်းခံရာမှတစ်ဆင့်စကားများပြီး ကတ်ကြေး၊ ဝက်အူလှည့်တို့ဖြင့်ထိုးသ-တ်ပြီး ကားကိုယူဆောင်သွားခဲ့ခြင်းဖြစ်ကြောင်း ဖော်ထုတ်သိရှိခဲ့ရသည်။
ထို့ကြောင့် ပြစ်မှုကျူးလွန်သူ(၂)ဦးအား ဥပဒေအရထိရောက်စွာအရေးယူနိုင်ရေးအတွက် ရဲတပ်ဖွဲ့ဝင်များက ဆက်လက်ဆောင်ရွက်လျက်ရှိကြောင်း သိရသည်။