” လှိုင်းထန်လေထဲ မျောတဲ့အခါ အထီးကျန်လာတိုင်းအတွေးထဲမှာ အမြဲမြင်ယောင် တမ်းတမိတယ်အဖေ…၊ ဒုက္ခတွေထည်လဲတွေ့တဲ့အခါ၊ အခြားသူမရှိဘူး ကျွန်တော့် အတွေးမှာ၊ အမြဲမြင်ယောင်တမ်းတမိတယ် အဖေ”
ဒီသီချင်း စာသားက အဆိုတော်လေးဖြူ သီဆိုပြီး မောင်မောင်ဇော်လတ် ရေးဖွဲ့ခဲ့တဲ့ အဖေသီချင်းထဲက စာသားတွေပဲ ဖြစ်ပါတယ်။ အဖေ့ရဲ့ဆုံးမစကား တွေ၊ သွန်သင်မှုတွေ၊ ကာကွယ် စောင့်ရှောက်မှုတွေကို ပြန်လည် မြင်ယောင်တမ်းတတဲ့ သားတစ်ယောက်ရဲ့ ရင်ဖွင့်သံဖြစ်ပါတယ်။ အဖေမရှိတဲ့ အချိန်မှာအဖေ့ ရဲ့ တန်ဖိုးတွေကို တရိပ်ရိပ်နားလည်လာခဲ့တဲ့ သားတစ်ယောက်ရဲ့ ဟစ်အော်သံလို့လည်း ဆိုနိုင်ပါတယ်။ ဒါဟာ ဖခင်ရဲ့ မေတ္တာတရားကိုသွယ်ဝိုက်သီကျူးခဲ့တာပါ။ ရင်နဲ့ လွယ်မမွေးခဲ့ပေမယ့် မိသားစု တစ်စုရဲ့ ခေါင်၊ထောက်တိုင်ဟာအဖေပါပဲ။သားသမီးတွေအပေါ် ချစ်ခြင်းမေတ္တာကို တော်ရုံတန်ရုံ ထုတ်ဖော်မပြောပြတတ်တဲ့ အဖေ ဟာ သားသမီးတွေရဲ့ လိုအပ်ချက် တိုင်းကိုလည်း ဖြည့်ဆည်းပေးတတ်သူပါ။
” အစဉ်အမြဲ ရင်ထဲကြည်နူးစေမယ့် စကားများတီတာဖွဲ့ …အချိန်ပေးကာ ဘေးနားမှာ အမြဲမနေနိုင်ပေမယ့်… လောက ဒဏ်ရာ ဒဏ်ချက်တွေ…ရဲရင့်ရှေ့က ရင်ဆိုင်ရင်းနဲ့ …အန္တရာယ်နဲ့ သောကအရိပ်တွေ…တာဝန်ယူကာ..သူလေဖယ်ရှားပေး. .” ဒီစာသားတွေကတော့ နာမည်ကျော်တေးရေး၊ တေးဆို ထူးအိမ်သင်သီဆိုခဲ့တဲ့ အဖေသီချင်း ဖြစ်ပါတယ်။
သားသမီးတွေ အပေါ်မှာအစဉ်အမြဲ ချိုသာစေတဲ့ စကားလုံးများနဲ့ မပြောဆိုပေမယ့် သားသမီးတို့အ တွက် တံတိုင်းကြီးသဖွယ်ရှိနေတာ အဖေပါ။ မိခင်မေတ္တာဖွဲ့စာသား တွေ၊ သီချင်းတွေ၊ အနုပညာဖန်တီးမှု တွေ များစွာထွက်ပေါ်ခဲ့ပေမယ့် ဖခင်နဲ့ ပတ်သက်တဲ့ မေတ္တာဖွဲ့ စကား လုံးတွေကတော့ နည်းပါးပါတယ်။နည်းပါးတယ် ဆိုသော်ငြားဖခင် မေတ္တာဖွဲသီချင်းတွေကို ခံစားကြည့် မိတဲ့အခါ ဖခင်ရဲ့ မေတ္တာအတိမ် အနက်ကို သိနိုင်ပါတယ်။ အိမ် ထောင်ဦးစီးယောက်ျားတစ်ဦး၊ သားသမီးတို့ဖခင်ဒီယောက်ျားဟာ မိသားစုအတွက် ယောကျာ်းပီသသူ တစ်ဦးအဖြစ် အမြဲရှိနေပါတယ်။
” တစ်နေ့တော့လေ…လေမုန်တိုင်းကြီးကျလို့လာ… ၊ဝမ်းနည်းစရာ ပင်လယ်ထဲ ငါးဖမ်းသွားတဲ့ တို့ရဲ့အဖေ ပြန်လာချိန်ဟာ နောက်ကျခဲ့ပြီ နေဝင်တဲ့အခါ”
ဒီစာသားကတော့ အားလုံးသိကြတဲ့ အဖေ သီချင်းစာသားပါ။ လွှမ်းမိုး၊ဘိုဖြူ စသူတို့ ဆိုခဲ့ကြတဲ့ ဒီအဖေသီချင်း ကတော့ နားထောင် မိသူတိုင်းရဲ့ ရင်ကို ထိထိရှရှ ခံစားမိစေမှာဖြစ်ပါတယ်။ မိသားစု ဝမ်းရေးအတွက် လှိုင်း ထန်ထန် ပင်လယ်ပြင်မှာ ခက်ခဲစွာ ဝမ်းစာ ရှာဖွေရတဲ့ ဖခင်တစ်ဦးရဲ့ ပုံရိပ်ကို ဒီသီချင်းက အတိအကျ ညွှန်းဆို နေပါတယ်။ မိခင်ရဲ့ ရင်ခွင် လို တိုးဝှေ့ချွဲနွဲ့ဖို့ မဝံ့မရဲဖြစ်မိပေ မယ့် သားသမီးတွေအတွက်တော့ ဖခင် ရင်ခွင်ဟာ ဘဝလောကဒဏ် တွေကို ကာကွယ်တားဆီးပေးတဲ့ တံတိုင်း ကြီးသဖွယ် ဖြစ်ပါတယ်။မိသားစုတွေ ပျော်ရွှင်ဖို့ အလုပ် တာဝန်တွေကြား ရုန်းကန်ရင်း ကိုယ့်တစ်ကိုယ် ရေအတွက်တောင် ဂရုမစိုက်မိသူဟာလည်း အဖေပဲဖြစ်နေပါ လိမ့်မယ်။
သီချင်းတွေက တစ်ဆင့်ပေးတဲ့ ရသနဲ့အတူ ဖခင်မေတ္တာ အတိမ်အနက်ကို ရောယှက်ခံစားရင်း အဖေ့ ရဲ့ မေတ္တာတရားတွေကို မြင်ယောင် လာမိမှာလည်း ဖြစ်ပါတယ်။ ဖခင် မေတ္တာဖွဲ့တေး၊ ကဗျာတွေ နည်းပါး တယ်ဆိုပေမယ့် ဖခင်မေတ္တာ ထုထည်ကတော့ ကြီးမားစွာရှိနေတာ ကို ဘယ်သူမှ ငြင်းဆိုဖွယ်မရှိပါ ဘူး။ ဒါကြောင့် ဖခင်အသက်ရှိနေဆဲမှာ ရိုသေပါ၊ စောင့်ရှောက်ပါ။ ဖဝါး လက်နှစ်လုံး၊ ပခုံးလက်နှစ်သစ် အရွယ်ကတည်းက မိခင်နို့ချို သောက်စို့ဆဲ ကာလကတည်းက မိသားစုလိုအပ်ချက်တွေကို အမြဲတမ်းဖြည့်ဆည်း ပေးနေကြတဲ့ အဖေတွေအတွက် အမှတ်တရအဖြစ် ယခုဇွန်လ ၁၉ ရက်နေ့ကိုလည်း အဖေများနေ့လို့ သတ်မှတ်ထား ပါတယ်။ ဒီလိုသတ်မှတ်ခြင်းဟာ လည်း အတိုင်းအဆမရှိတဲ့ ဖခင်တို့ရဲ့ မေတ္တာစိတ်ကိုဂုဏ်ပြု ခြင်းပဲ ဖြစ်ပါတယ်။ဒီလိုနေ့ တွေမှာ လည်း ဖခင်ကိုသတိရပါ။ အဖေ ဆိုတာ အရွယ်ဘယ်မျှကြီးရင့် နေပါစေ။သားသမီးတွေ အတွက် တံတိုင်း သဖွယ်ရှိနေလိုသူ ဖြစ်ပါ တယ်။ ဒါကြောင့် ဖခင်တို့ သက်ရှိ ထင်ရှားရှိတုန်း ပြုစုပါ။အဝေး ရောက်နေတယ် ဆိုရင်လည်း ဖုန်း တော့ဆက်ပါ။ အဖေ့စကားသံကို ကြားယောင်ပါ။ အဖေ့ကို နွေးထွေးမှု ပေးပါ။ ငယ်စဉ်က အဖေချီပိုးခဲ့တဲ့ ပခုံးသားတွေကို မြင်ယောင်ပါ။လက်ပျဉ်းတွဲကျနေနိုင်မယ့် ဖခင်ရဲ့ လက်မောင်းကို ခပ်ဖွဖွဆုပ်ကိုင်ပါ။ သားသမီးတွေအတွက် အမြဲအသင့်ရှိခဲ့တဲ့ အဖေတွေအတွက် သားသမီး တွေကလည်း အမြဲအသင့်ရှိနေစေဖို့ …။
ရဲရဲ