စစ်ကိုင်းမြို့ ငလျင်သင့်အဆောက်အဦးများ ပြန်ဆောက်ရန်တရုတ်သံအမတ်ကြီးနှင့် စစ်ကိုင်းတိုင်းဝန်ကြီးချုပ် တွေ့ဆုံဆွေးနွေး

စစ်ကိုင်းမြို့ ငလျင်သင့် အဆောက်အဦးများ ပြန်လည်တည်ဆောက်ရန် ပြည်ထောင်စုသမ္မတ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး H.E Ms Ma Jia မစ္စမာကျားနှင့် စစ်ကိုင်းတိုင်းဒေသကြီး ဝန်ကြီးချုပ် ဦးမြတ်ကျော်သည် မေလ (၃၀) ရက်၊ နံနက်ပိုင်းက စစ်ကိုင်းမြို့၊ အသင်္ခယာရိပ်သာ ဧည့်ခန်းမ၌ တွေ့ဆုံဆွေးနွေးခဲ့ကြောင်း သိရသည်။

ငလျင်လှုပ်ခ-တ်မှုကြောင့် ထိခို-က်ပျ-က်စီးခဲ့သည့် စစ်ကိုင်းမြို့ပေါ်ရှိ စာသင်ကျောင်းများ၊ လူနေအိမ်တိုက်တာများနှင့် ဈေးများပြန်လည်တည်ဆောက်ရေး လုပ်ငန်းများတွင် ပူးပေါင်းဆောင်ရွက်မည့် အခြေအနေများအား ရင်းရင်းနှီးနှီးတွေ့ဆုံ ဆွေးနွေးခဲ့ကြခြင်းဖြစ်သည်။

စစ်ကိုင်းတိုင်းဒေသကြီး ဝန်ကြီးချုပ်၊ တရုတ်သံအမတ်ကြီးနှင့် တာဝန်ရှိသူများသည် စစ်ကိုင်းမြို့၊ ရွှေမင်းဝံ‌ဈေးတွင် ဈေးရုံသစ်ဆောက်လုပ်မည့် မြေနေရာသို့ ရောက်ရှိရာ စစ်ကိုင်းတိုင်းဒေသကြီး စည်ပင်သာယာရေးအဖွဲ့ ညွှန်ကြားရေးမှူး ဦးသစ်ထူးမြင့်က ဈေးရုံသစ် ဆောက်လုပ်မည့် မြေနေရာလျာထားမှုအား ရှင်းလင်းတင်ပြသည်။

ထို့နောက် စစ်ကိုင်းတိုင်းဒေသကြီး ဝန်ကြီးချုပ်နှင့် တရုတ်သံအမတ်ကြီးတို့က ရှင်းလင်းတင်ပြချက်များအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့ကြသည်။