စစ်ကိုင်းမြို့ရှိ ငလျင်ဘေးသင့် ကလေ-းငယ်များ စိတ်ပိုင်းဆိုင်ရာ ပျော်ရွှင်စေရန် ကလေ-းပျော်အစီအစဉ်များဆောင်ရွက်ပေးလျက်ရှိကြောင်း သိရသည်။
ကလေ-းပျော် အစီအစဉ်များကို လူမှုဝန်ထမ်းဦးစီးဌာနနှင့် The Foundation of Terre des hommes (Tdh-L) တို့ ပူးပေါင်း၍ ငလျင်ဘေးသင့် ကလေ-းငယ်များအား စိတ်ပိုင်းဆိုင်ရာ ပျော်ရွှင်မှုများ ဖြစ်ပေါ်စေရန် စီစဥ်ဆောင်ရွက်နေခြင်းဖြစ်သည်။
“ငလျင်ဘေးသင့် ကလေ-းငယ်တွေကို ကစားနည်းအမျိုးမျိုး (Games) ကစားတာ၊ စိတ်အပန်းပြေစေတဲ့ ပုံပြင်ပြောတာ၊ စာဖတ်တာ၊ အရုပ်ဆက်အစီအစဉ်တွေ ဆောင်ရွက်ပေးတာ၊ စိတ်ပိုင်းဆိုင်ရာ အားပေးတာတွေကို စီစဥ်ဆောင်ရွက်ပေးနေတာပါ။ ငလျင်ဒဏ်ခံစားခဲ့ရတဲ့ လူကြီးတွေအနေနဲ့ သူတို့ရဲ့ ထိခိုက်ခံစားရမှုတွေကို ထုတ်ဖော် ပြောပြနိုင်ပေမယ့် ကလေ-းသူငယ်တွေအနေနဲ့ သူတို့ရဲ့ စိတ်ထိခိုက်ခံ စားရမှုတွေကို ထုတ်ဖော် ပြောပြဖို့ အခက်အခဲရှိပါတယ်။အဲဒါကြောင့် ငလျင်ဒဏ်ခံစားခဲ့ရတဲ့ကလေ-းတွေရဲ့ စိတ်ပိုင်းဆိုင်ရာ စိုးရိမ်ထိတ်လန့်မှုတွေ၊ ကြောက်ရွံ့မှုတွေကို လျော့နည်းသက်သာစေဖို့ အတွက် ကလေ-းပျော် အစီအစဉ်တွေကို ဆောင်ရွက်ပေးတာဖြစ်ပါတယ်”ဟု စစ်ကိုင်းခရိုင် လူမှုဝန်ထမ်း ဦးစီးမှုးက ပြောသည်။
ကလေ-းပျော် အစီအစဉ်များကို စစ်ကိုင်းမြို့ရှိ ငလျင်ဘေးသင့် ရပ်ကွက်များတွင် နှစ်ရက်လျှင် တစ်ကြိမ် စီစဉ်ဆောင် ရွက်ပေးလျက်ရှိပြီး ကလေ-းများ၏ မိဘများနှင့် မိသားစုဝင်များ ပါဝင်သည့် Parenting Education အစီအစဉ်များကိုလည်း ဆက်လက်စီစဉ်ဆောင်ရွက်ပေးသွားမည်ဖြစ်ကြောင်း သိရသည်။