ဖေဖော်ဝါရီ ၆
သင်္ဘောလုပ်ငန်းအကြံပေး ဗိုလ်မှူးချုပ်ဒေါက်တာ မိုဟာမက် ဆခါဝပ် ဟော့စိန်း (ငြိမ်း) က အစိုးရအနေနင့် ရခိုင်ပြည်နယ် အခြေအနေကို ထည့်စဉ်းစားကာ တက်နပ်ဖ်ရှိ ဂွမ်းဒွမ် တွင် ကုန်းတွင်းဆိပ်ကမ်း တစ်ခုတည်ဆောက်ရန် စဉ်းစားနေကြောင်း ပြောကြားခဲ့သည်။
ကြာသပတေးနေ့က စစ်တကောင်း ဆိပ်ကမ်းမှာ နိုင်ငံတကာမှတင်သွင်းသောယာဉ်များနှင့် အကောက်ခွန် လေလံတင်ရောင်းချမှုကို စစ်ဆေးပြီးနောက် ရခိုင်ပြည်နယ်၌ ပြောင်းလဲနေသော အခြေအနေရှိသော်လည်းရခိုင်ပြည်နယ်နှင့် ချိတ်ဆက် ဆက်သွယ်မှုကို ထိန်းသိမ်းထားခြင်းက ဘင်္ဂလားဒေ့ရှ်အတွက် ဦးစားပေးဖြစ်သည်ဟု သတင်းထောက်များကို ပြောကြားခဲ့သည်။
“ရခိုင်ပြည်နယ်ရဲ့ အရေးပါမှုကို ထည့်သွင်းစဉ်းစားပြီး တက်နပ်ဖ် မှာရှိတဲ့ ဂွမ်းဒွမ် မှာ ကုန်းတွင်းဆိပ်ကမ်းတစ်ခု ထူထောင်ဖို့ အစိုးရက စီစဉ်နေပါတယ်။ ဒါ့အပြင် တက်နပ်ဖ် ကို ရေတပ်ဆိပ်ကမ်းအဖြစ် ပြောင်းလဲနိုင်မလားဆိုတာလည်း အကဲဖြတ်စဉ်းစားနေပါတယ်” ဟု ၎င်းက ဆိုသည်။
စစ်တကောင်း ဆိပ်ကမ်းရှိ ကာလရှည်ကြာစွာ ရပ်နားထားသော ကုန်ပစ္စည်းများကို လေလံတင်ရောင်းချမှု လုပ်ငန်းကို အရှိန်မြှင့်ရန် ဥပဒေဆိုင်ရာ ပြုပြင်ပြောင်းလဲမှုများ ပြုလုပ်ရန် လိုအပ်ကြောင်း ၎င်းက ပြောကြားခဲ့သည်။
အစိုးရက ဆိပ်ကမ်းအများအပြား၏ စွမ်းဆောင်ရည်ကို အကဲဖြတ်နေပြီး အချို့ဆိပ်ကမ်းများမှာ ဝင်ငွေမရရှိသည်ကို တွေ့ရှိရသည်။
“အကျိုးအမြတ်မရှိတဲ့ ဆိပ်ကမ်းတွေကို ပိတ်ပစ်ဖို့ ဖြစ်နိုင်လားဆိုတာကို ကျွန်တော်တို့ နည်းလမ်းရှာနေပါတယ်” ဟု ၎င်းက ပြောကြားခဲ့သည်။
၎င်း၏ခရီးစဉ်အတွင်း မျိုးချစ်အလုပ်သမားပါတီအဖွဲ့ဝင်များ အပါအဝင် ဆိပ်ကမ်းလုပ်သားများက New Mooring ကွန်တိန်နာဆိပ်ကမ်း နှင့် Patenga ကွန်တိန်ဆိပ်ကမ်း တို့ကို ပုဂ္ဂလိကပိုင်အဖြစ် အဆိုပြုခြင်းကို ကန့်ကွက်ဆန္ဒပြခဲ့ကြသည်။ တုံ့ပြန်မှုအနေဖြင့် သင်္ဘော လုပ်ငန်း အကြံပေးက နိုင်ငံ့အကျိုးစီးပွားကို ထိခိုက်နစ်နာစေမည့် မည်သည့်သဘောတူညီချက်မျိုးမှ ပြုလုပ်မည်မဟုတ်ကြောင်း အာမခံပါသည်ဟု ပြောကြားထားပါသည်။
ယနေ့အစောပိုင်းတွင် သင်္ဘောလုပ်ငန်း အကြံပေးသည် လေလံတင်ရောင်းချနိုင်သော မော်တော်ယာဉ်များနှင့် ကုန်ပစ္စည်းများကို စစ်ဆေးရန် စစ်တကောင်း ဆိပ်ကမ်း၏ နိုင်ငံတကာမှ တင်သွင်းသော ယာဉ်များထားသော ကားရုံ နှင့် သက်တမ်းလွန် ကုန်ပစ္စည်းများလေလံတင်ရောင်းချမှုနေရာ အကောက်ခွန် လေလံ ဂိုဒေါင် သို့ သွားရောက်ခဲ့သည်။
ဆိပ်ကမ်းနေရာလွတ်များ နှင့် လုပ်ငန်းလည်ပတ်မှု ပိုမိုကောင်းမွန်စေရန် လေလံတင်နိုင်သောပစ္စည်းများကို ချက်ခြင်းဖယ်ရှားရန် အာဏာပိုင်များကို ညွှန်ကြားခဲ့သည်။
Ref: ဒါကာ ထရီဗြွန်း