Adidas တံဆိပ်ဖိနပ်များ ချုပ်လုပ်နေသည့် ချန်းရိ Tsang Yih စက်ရုံလုပ်သားများ တောင်းဆိုထားသည့် အချက်များကို ပိုင်ရှင်ဘက်မှ လိုက်လျောလိုက်သောကြောင့် အလုပ်သဘမားများတောင်းဆိုမှု ပြီးဆုံးခဲ့ပြီ ဖြစ်သည်ဟု သိရသည်။
စက်ရုံဘက်မှ လိုက်လျောမှုများတွင် ဒေးကြေး (၅၂၀၀) မှ (၆၀၀)တိုးပေးကာ (၅၈၀၀)ကျပ်နှင့် ထောက်ပံကြေး (၃၈၀၀) ကျပ်၊ အစိုးရထောက်ပံ့ကြေး (၂၀၀၀) ၊ ဆန်ဖိုး/ဆီဖိုး (၄၀၀) အပါအဝင် စုစုပေါင်း တစ်ရက်လုပ်ခ (၁၂၀၀၀) ကျပ် ရရှိမည်ဖြစ်ကြောင်း သိရသည်။
Adidas တံဆိပ် ဖိနပ်များ ချုပ်လုပ်နေသည့် ချန်းရိ Tsang Yih စက်ရုံလုပ်သားများသည် မေလ (၁၄)ရက်၌ စတင်ကာလုပ်ခတိုးမြှင့်ပေးရန် အလုပ်ရုံအတွင်း စတင်တောင်းဆိုမှုများ ပြုလုပ်ခဲ့ခြင်းဖြစ်သည်။
တောင်းဆိုမှု ပြုလုပ်ချိန်အတွင်း စက်ရုံဘက်မှ တစ်ရက်လုပ်ခ ကျပ် (၉၀၀) တိုးပေးရန် သဘောတူခဲ့သော်လည်း အလုပ်သမားတွေများဘက်မှ တောင်းဆိုမှုများ ဆက်လက်ပြုလုပ်ခဲ့ခြင်း ဖြစ်သည်။
အဆိုပါ တောင်းဆိုမှုတွင် အလုပ်သမား (၆,၀၀၀)ကျော်ပါဝင်ကာ အချိန်အားဖြင့် (၇) ရက်ကြာမြင့်ခဲ့ကြောင်း သိရသည်။