နာမကျန်းဖြစ်စဉ် နှစ်လ လောက် အတွင်းမှာ ကျွန်တော်ဟာ နေ့နေ့ည ည ငှက်ကလေးတွေနဲ့ပဲ နေထိုင်ခဲ့ တယ်။
ဒါကလည်း ကျွန်တော့်အိမ်ရှေ့ က၊ ကျွန်တော်စိုက်ပျိုးခဲ့တဲ့ ‘ခရေဖို- ခရေမ’ အပင်လေးနှစ်ပင်နဲ့ ပတ် သက်နေပါတယ်။ ဒီလိုရှိတယ်။ ကျွန် တော့်အိမ်ရှေ့မှာ ခရေပင်ပုလေး နှစ် ပင်ရှိပါတယ်။ အဲဒီနှစ်ပင်က ခရေ မောင်နှံလို့ ပြောရမယ်ထင်ပါတယ်။ တစ်ပင်က ခရေအဖိုဖြစ်ပြီး တစ်ပင် က ခရေအမလို့ ပြောရမယ်ထင် တယ်။ ခရေအမက မသဘာဝအတိုင်း ခရေပန်းလှလှသေးသေးမွှေးမွှေး လေးတွေ ပွင့်သလောက် ခရေဖိုက တော့ ခရေပန်းမပွင့်။ ကျွန်တော်အံ သြလို့ မဆုံးဘူး။ ခရေဖိုက ‘ခရေသီး’ သီးတယ်။ ခရေသီးဆိုတာ ကျွန် တော်မကြားဖူးဘူး။ ခရေသီးက မရမ်းသီးနဲ့တူပြီး ပြွတ်သိပ်နေအောင် သီးတာ။ ရုက္ခဗေဒအခေါ် ဘယ်လို ရှိတယ် ကျွန်တော် မသိပါဘူး။ ကဗျာ ဆရာသိစရာမလိုဘူးလို့လည်း ကျွန်တော်ထင်တယ်။ ဒါပေမဲ့ ကျွန် တော့်ခရေပင်မှာ နာမည်ရှိတယ်။ ‘ခ ရေဖို’တဲ့။ ကျွန်တော် ခရေဖိုလေးက ‘ပန်းပွင့်ရတဲ့ ဒုက္ခ’ကင်းတယ်။ ပန်း မပွင့်တော့ ကောင်မလေးတွေ မျက် စောင်းမထိုးကြတော့ဘူး။ အဲကလေး တွေပဲ။ ဒီကောင်လေးတွေက စားလို့ မရ သောက်လို့မရဘဲ ခရေသီးကို၊ လူအလစ် လာဆွတ်ကြတာ။ အဲဒါ ကျွန်တော် မကြိုက်ဘူး။ တကယ်ဆို ငှက်ကလေး ဆိတ်ကြပါစေလား။ သစ်သီးငှက်ဆိတ်တော့ သစ်ပင် လည်း ကုသိုလ်ရတာပေါ့။
အဲ ..ကျွန်တော်ပြောချင်တဲ့ ငှက်ကလေးတွေအကြောင်း ရောက် လာပြီ။ ကျွန်တော်ငှက်ကလေးတွေ နဲ့ ပဋ္ဌာန်းဆက်ရှိတယ်။ ကျွန်တော် ငယ်စဉ်က ငှက်ရုပ်ကလေးတွေနဲ့ပဲ ကစားတယ်။ ကျွန်တော့်မှာ ကစား ဖော်မရှိဘူး။ ငှက်ရုပ်လိုလုပ်လား လုပ်ရတယ်။ ကျွန်တော်ငှက်နဲ့ တွဲ ကစားခဲ့တာကတော့ သလဲပင်နှစ် ပင်ဖြစ်ပါတယ်။ သလဲက အခုခရေလို ခရေဖို ခရေမမဟုတ်ဘူး။ သလဲချဉ်နဲ့ သလဲချိုပင်ပါ။ ကျွန်တော်မှာ ငယ်ငယ်တည်းက သစ်ပင်နှစ်ပင်နဲ့ ငှက်နည်းနည်း ပိုင်ခဲ့သူပါ။ ခု ခရေ နှစ်ပင်ပိုင်သလိုမျိုး။ တစ်ခုတော့ရှိ တယ်။ ခရေဖိုခရေမက အထီးအမ ခွဲလို့ ရပေမယ့် နှစ်ပင်လိမ်လျက်နေ တဲ့ သလဲနှစ်ပင်ကတော့၊ ဘယ်အခက် အချို၊ ဘယ်အခက်အချဉ်မြင်ရုံနဲ့ မသိနိုင်ပါဘူး။ စားကြည့်မှ ချိုမှန်း ချဉ်မှန်းသိရတယ်။ ကျွန်တော့်ကို အမြဲမေးခွန်းထုတ်တဲ့ အပင်လေးတွေ ကို စသိခါစကတော့ လိမ့်ဆူရွှေ ပင်ကို သတိရသလို၊ အခုလို ကျွန်တော်နေမကောင်းတဲ့ အခါ သလဲချိုချဉ်ကို သတိရလှတယ်။ ဒီတော့ ကစားခဲ့တဲ့ ငှက်ကလေးတွေ ကို သတိရတဲ့ အထဲပါတာပေါ့။ ငှက် ကလေးတွေက လိမ္မာတယ်ဗျာ။ ကျွန် တော့်စကားဆို တစ်သွေမတိမ်း နား ထောင်ကြတာ။ ကျွန်တော်က ဒီကိုင်း နားဆိုနား ဟိုကိုင်းနားဆို နားပဲ။ သူတို့သဘောနဲ့ သူတို့ ဘယ်တော့မှ နေရာမရွှေ့ကြဘူး။ ကျွန်တော်ထား တဲ့ သစ်ကိုင်းမှာပဲ သူတို့တစ်သက် အခြေချကြတယ်။ အဲ …လေတိုက် လို့ ပြုတ်ကျရင်တော့ ပြန်တင်ပေး ရတယ်။ မိုးမိလို့ ငှက်ပျက်ရင်(စက္ကူကို) အသစ် ပြန်ချိုးရတယ်။ ဒါတော့ရှိ တယ်။ သူတို့ဟာ စက္ကူငှက်ကလေး တွေ ဆိုပေမယ့်ကျွန်တော့်အတွက် အသက်ပါတယ်။
ပြောရဦးမယ်။ ကျွန်တော်သူ ငယ်ချင်းက စက္ကူငှက်ဖြစ်သလို၊ အသက်ပါတဲ့ ငှက်အစစ်သူငယ်ချင်း လည်း ကျွန်တော့်မှာရှိတယ်။ သူငယ် ချင်းအသစ်တွေပေါ့။ အဲဒီသူငယ်ချင်း အသစ်တွေကိုတော့ အခုလို နေမ ကောင်းစဉ်မှာရတာ။ ဒီတော့ ညဆို ငှက်ကလေးနှစ်ကောင်နဲ့အတူ အိပ် တယ်။ သူတို့နှစ်ယောက်ကလည်း နေ့စဉ်မပျက်မကွက် ကျွန်တော်အ ခန်းမှာ လာအိပ်ကြတယ်။ ကျွန်တော် အိပ်ခန်းလေးအား သူတို့အိပ်ခန်း တက်စရာ သစ်ကိုင်းလေးလား၊ အသိုက်ကလေးလား။ တစ်ခုခုအ တွက် သုံးကြတာဖြစ်တယ်။ ဘာအ တွက်သုံးသုံး ကျွန်တော်ကျေနပ် တယ်။ ကျွန်တော်သူတို့ဆီက အိမ် လခမယူဘူး။ စပေါ်မတင်ခိုင်းဘူး။ ဒါတောင် သူတို့က စည်းကမ်းမဲ့ ချေးပါချတယ်။ ငါက လူပဲလေ။ သူတို့က ငှက်ဆိုတော့ ကျွန်တော်ပဲ သည်းခံရတယ်။
အဲ ငှက်ကလေးနှစ်ကောင်က အချိန်မှန်ထတယ်။ အချိန်မှန်လာ တယ်။ အိပ်ယာကို ကျွန်တော်ထက် စောပြီး အိပ်ယာဝင်တယ်။ အသံမ ပေးဘူး။ မနက် ၅ နာရီဆို ငှက်က လေးတွေ ပုံမှန်နိုးတယ်။ အဲဒီအချိန် မျိုးဆို ကျွန်တော် နှစ်နှစ်ခြိုက်ခြိုက် အိပ်လို့မရတော့ဘူး။ ဒီကောင်တွေ ကျွန်တော့်ကို ‘နိုး’တော့တာပဲ။ ကျွီ …ကျွီနဲ့၊ အခန်းထဲမှာ ဟိုမှဒီမှ တဝီးဝီးနဲ့။
အဲအခန်းတံခါးထပွင့်ပေးလိုက် တာနဲ့ ငှက်ဖိုငှက်မှာ ခရေဖို ခရေမ ဆီရောက်သွားတော့တာပဲ။ ငှက်နှစ် ကောင်အနက်မှ ငှက်မကလေးထက် ငှက်ဖိုလေးက ဆိုးတယ်။ ခရေနှစ်ပင် ပေါ်လှည့်ပြီး သောင်းကျန်းကြတော့ တာပဲ။
ကျွန်တော်ဖြစ်စေချင်တာက ငှက်ဖိုလေးက ခရေမပင်က ပန်းလေး ခူးပြီး ငှက်မလေး ပန်ပေးမလား အောက်မေ့တယ်။ အဲလိုမလုပ်ကြဘူး။ နှစ်ယောက်လုံး ခရေဖိုပေါ်က ခရေ သီးတွေ ဆိတ်လိုက်ကြတာ။
ခရေသီးတွေ တဖြုတ်ဖြုတ်ကြွေ လို့။
စောဘရန်ငြိမ်း